News

ysrcp leader attack, కరెంట్ బిల్లు కట్టమన్నందుకు.. రెచ్చిపోయిన వైఎస్సార్‌సీపీ నేత.. వీడియో వైరల్! – ysrcp leader attack on electricity lineman at kanchikacherla ntr district


Edited by Rao | Samayam Telugu | Updated: Sep 18, 2022, 12:19 PM

కరెంట్ బిల్లు చెల్లించాలని అడిగినందుకు ఏకంగా లైన్‌మెన్ పైనే దాడికి దిగారు. ఈ ఘటనకు సంబంధించిన వీడియోలు సోషల్ మీడియాలో వైరల్ అయ్యాయి. పెండింగ్‌లో ఉన్న కరెంట్ బిల్లు వసూలు చేసుకునేందుకు వచ్చిన ఉద్యోగులు, వైఎస్సార్‌సీపీ నేత మధ్య వాగ్వాదం చోటుచేసుకుంది. అయితే మాటకు మాట పెరగడంతో వైఎస్సార్‌సీపీ నేత కర్రతో దాడికి యత్నించారు. ఈ ఘటన ఎన్టీఆర్ జిల్లాలో చోటుచేసుకుంది.

 

లైన్‌మెన్లపై దాడి యత్నిస్తున్న వైఎస్సార్‌సీపీ నేత

ప్రధానాంశాలు:

  • కంచికచర్లలో లైన్‌మెన్‌పై వైఎస్సార్‌సీపీ నేత దాడి
  • కరెంట్ బిల్లు చెల్లించమన్నందుకు దుర్భాషలు
  • పోలీస్ స్టేషన్‌లో ఫిర్యాదు చేసిన లైన్‌మెన్లు
కరెంట్ బిల్లు చెల్లించాలని అడిగినందుకు ఏకంగా లైన్‌మెన్ పైనే దాడికి దిగారు. ఈ ఘటనకు సంబంధించిన వీడియోలు సోషల్ మీడియాలో వైరల్ అయ్యాయి. పెండింగ్‌లో ఉన్న కరెంట్ బిల్లు వసూలు చేసుకునేందుకు వచ్చిన ఉద్యోగులు, వైఎస్సార్‌సీపీ నేత మధ్య వాగ్వాదం చోటుచేసుకుంది. అయితే మాటకు మాట పెరగడంతో వైఎస్సార్‌సీపీ నేత కర్రతో దాడికి యత్నించారు. ఈ ఘటన ఎన్టీఆర్ జిల్లాలో చోటుచేసుకుంది.

కంచికచర్ల 20వ వార్డు మెంబర్ బర్రె శంకర్రావు కరెంట్ బిల్లులు పెండింగ్‌లో ఉండటంతో అధికారులు డీ లిస్ట్‌లో చేర్చారు. లిస్ట్‌లో ఉన్న సమాచారం మేరకు బిల్లులు చెల్లించాలని లైన్‌మెన్ వైఎస్సార్‌సీపీ నేత ఇంటికి వెళ్లి అడిగారు. ఈ క్రమంలో లైన్‌మెన్, వార్డ్ మెంబర్ మధ్య మాటా మాటా పెరగడంతో.. శంకర్రావు అసభ్య పదజాలంతో దూషిస్తూ దాడికి యత్నించారు. దాంతో ఘటనపై లైన్ మెన్లు స్థానిక పోలీస్ స్టేషన్‌లో ఫిర్యాదు చేశారు.

అయితే, ఈ ఘటనకు సంబంధించిన వీడియోను టీడీపీ ట్విటర్‌లో పోస్ట్ చేస్తూ అధికార పార్టీపై విమర్శలు గుప్పించింది. నన్ను బిల్లు అడుగుతావా అంటూ వైఎస్సార్‌సీపీ నేత దాడికి ప్రయత్నిస్తున్నట్లు వీడియోలో ఉంది. వైఎస్సార్‌సీపీ నేత తీరుపై నెటిజన్లు విమర్శలు చేస్తున్నారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button