News

ys sharmila, షర్మిలపై స్పీకర్‌కు ఫిర్యాదు.. ఘాటుగా స్పందించిన రాజన్న బిడ్డ – trs leaders complaint to the speaker against ys sharmila


Complaint on YS Sharmila: ఇప్పటికే తెలంగాణ రాజకీయాలు హాట్ హాట్‌గా ఉన్నాయి. టీఆర్ఎస్ వర్సెస్ బీజేపీ ఫైట్, మునుగోడు ఉప ఎన్నికతో రంజుగా మారాయి. ఈ నేపథ్యంలో.. ఓ ఇష్యూ ఇప్పుడు చర్చనీయాంశమైంది. వైఎస్సాఆర్‌టీపీ అధినేత్రి వైఎస్‌ షర్మిలపై నల్గొండ, మహబూబ్ నగర్ జిల్లాలకు చెందిన పలువురు ఎమ్మెల్యేలు స్పీకర్‌ పోచారం శ్రీనివాస్‌ రెడ్డి (Speaker Pocharam Srinivas Reddy)కి ఫిర్యాదు చేశారు. మంగళవారం అసెంబ్లీ సమావేశాల అనంతరం.. స్పీకర్‌ పోచారంను కలిసిన నల్గొండ, మహబూబ్ నగర్ జిల్లాలకు చెందిన ఎమ్మెల్యేలు.. వైఎస్‌ షర్మిలపై కంప్లైంట్ ఇచ్చారు.

వైఎస్ షర్మిల నిరాధార ఆరోపణలు చేస్తున్నారని.. వ్యక్తిగత విమర్శలు చేస్తూ తమ ప్రతిష్టకు భంగం కలిగిస్తున్నారని ఫిర్యాదులో ఎమ్మెల్యేలు స్పష్టం చేశారు. అయితే.. దీనిపై తాను పరిశీలించి చర్యలు తీసుకుంటానని స్పీకర్ పోచారం హామీ ఇచ్చారు. ప్రివిలేజ్ నిబంధనల ప్రకారం షర్మిలపై చర్యలు తీసుకునే అవకాశం ఉందని ప్రచారం జరుగుతోంది. ముఖ్యంగా.. మంత్రి నిరంజన్ రెడ్డి (Niranjan Reddy)పై చేసిన వ్యాఖ్యలు నేపథ్యంలో.. షర్మిల వ్యవహారాన్ని సీరియస్‌గా తీసుకున్న టీఆర్ఎస్ ఎమ్మెల్యేలు.. స్పీకర్‌కు ఫిర్యాదు చేసినట్టు తెలుస్తోంది.

ఈ ఫిర్యాదు వ్యవహారంపై వైఎస్ షర్మిల (YS Sharmila) కూడా ఘాటుగానే స్పందించారు. కంప్లైంట్ ఇష్యూపై ఓ ట్వీట్ చేశారు. స్పీకర్ తనపై చర్యలకు ఆలోచించే ముందు.. పరాయి ఆడదాన్ని, ఒక తల్లిని మరదలంటు తనను కించపరిచి.. తన నాతోటి మహిళలను అవమాన పరిచిన మంత్రి నిరంజన్ రెడ్డిపై కఠిన చర్యలు తీసుకోవాల్సిందిగా విజ్ఞప్తి చేశారు. దీంతో ఈ అంశం మరింత చర్చకు దారి తీసింది. టీఆర్ఎస్ (TRS) ఎమ్మెల్యేలు ఫిర్యాదు చేయడం.. దానిపై షర్మిల రియాక్ట్ అవ్వడం.. ఇప్పుడు పొలిటికల్ కారిడార్‌లో హాట్ టాపిక్‌గా మారింది.
వైఎస్‌ షర్మిల ప్రజా ప్రస్థానం (Praja Prasthanam) పేరుతో.. రాష్ట్రంలో పాదయాత్ర చేస్తున్నారు. ఇప్పటికే పలు జిల్లాల్లో షర్మిల తిరిగారు. ఈ క్రమంలోనే ఆమె అధికార టీఆర్‌ఎస్‌ పార్టీ నేతలపై తీవ్ర విమర్శలు గుప్పించారు. సమయం, సందర్భం వచ్చినప్పుడల్లా.. ఆరోపణలు చేశారు. దీంతో వైఎస్‌ షర్మిల మంత్రులపై ఎమ్మెల్యేలపై అనుచిత వ్యాఖ్యలు చేస్తున్నారని.. కొందరు ఎమ్మెల్యేలు స్పీకర్ పోచారం దృష్టికి తీసుకొచ్చారు. షర్మిల ఖమ్మం (Khammam) జిల్లాలో పాదయాత్ర చేసిన సమయంలోనూ.. అక్కడి మంత్రి పువ్వాడ అజయ్ టార్గెట్‌గా ఆరోపణలు చేశారు.

తాజాగా.. ఉమ్మడి పాలమూరు (Palamuru) జిల్లాలో షర్మిల పాదయాత్ర కొనసాగుతోంది. ఈ నేపథ్యంలో.. వనపర్తి నియోజకవర్గంలో పాదయాత్ర సందర్బంగా.. షర్మిల మంత్రి సింగిరెడ్డి నిరంజన్ రెడ్డి టార్గెట్‌గా విమర్శలు గుప్పించారు. దీంతో ఇష్యూ సీరియస్ అయ్యింది. విషయం సభాపతి వరకు వెళ్లింది. అయితే.. ఈ ఫిర్యాదుపై స్పీకర్ ఎలాంటి చర్యలు తీసుకుంటారన్నది అప్పుడు ఆసక్తికరంగా మారింది. షర్మిల (Sharmila) కూడా తన వెర్షన్‌లో వెంటనే కౌంటర్ ఇవ్వడంతో.. ఏం జరగబోతోంది అన్నదానిపై చర్చ నడుస్తోంది.

Related Articles

Back to top button