News

ys jagan bail cancellation, ఎంపీ రఘురామకు ఎదురు దెబ్బ.. హైకోర్టులో సీఎం జగన్‌కు బిగ్ రిలీఫ్! – telangana high court dismissed mp raghu rama krishna raju petition on ys jagan bail cancellation


Authored by Thirumala Babu | Samayam Telugu | Updated: 29 Oct 2022, 5:42 am

Raghu Rama Krishna Raju దాఖలు చేసిన Ys Jagan Bail Cancellation ను తెలంగాణ హైకోర్టు కొట్టేసింది. ముఖ్యమంత్రి హోదాలో వైఎస్ జగన్ అధికార దుర్వినియోగానికి పాల్పడుతున్నారని.. సాక్షులను ప్రభావితం చేస్తున్నారని రఘురామ ఆరోపించారు. అందుకే బెయిలు రద్దు చేయాలని రఘురామ సీబీఐ కోర్టును ఆశ్రయించగా.. అక్కడ కోర్టు పిటిషన్ కొట్టివేసింది. దీంతో ఎంపీ రఘురామ కృష్ణరాజు హైకోర్టులో పిటిషన్‌ దాఖలు చేయగా.. హైకోర్టులో విచారణ జరగ్గా.. ఆ పిటిషన్‌ను కోర్టు కొట్టివేసింది.

 

ప్రధానాంశాలు:

  • బెయిల్ రద్దుపై రఘురామ పిటిషన్
  • విచారణ జరిపి కొట్టివేసిన హైకోర్టు
  • గతంలో సీబీఐ కోర్టు కూడా కొట్టివేసింది
నర్సాపురం ఎంపీ రఘురామ (Raghu Rama Krishna Raju)కు తెలంగాణ హైకోర్టులో ఎదురు దెబ్బ తగిలింది. సీబీఐ నమోదు చేసిన ఆస్తుల కేసుల వ్యవహారంలో ఏపీ సీఎం వైఎస్‌ జగన్‌ (Ys Jagan) బెయిలు రద్దు చేయాలని వేసిన పిటిషన్‌ను కొట్టివేసింది. ఈ బెయిల్ రద్దు చేయడానికి సరైన కారణాలు లేవని.. షరతులను ఉల్లంఘించిన సంఘటన ఒక్కటీ పేర్కొనలేదని వ్యాఖ్యానించింది. అందుకే బెయిలును రద్దు చేస్తూ ఉత్తర్వులు ఇవ్వలేమని ఈ పిటిషన్‌ను కొట్టివేస్తున్నట్లు తెలిపింది.

జగన్‌ ద్వారా బెదిరింపులు, ప్రలోభాలకు గురైన సాక్షుల వివరాలను వెల్లడించలేదు అని కోర్టు అభిప్రాయపడింది. అధికార దుర్వినియోగానికి పాల్పడి సహ నిందితులకు కీలక పదవులను కట్టబెట్టడం ద్వారా సాక్ష్యాలను తారుమారు చేయడం.. సాక్షులను ప్రభావితం చేస్తారు అన్నవి సరైన కారణాలు కావని వ్యాఖ్యానించింది. బెయిలు రద్దు కోరుతూ సీబీఐ దాఖలు చేసిన పిటిషన్‌ను సీబీఐ కోర్టు 2021 సెప్టెంబరు 15న కొట్టివేసిన విషయాన్ని గుర్తు చేశారు. అప్పటికీ ఇప్పటికీ పరిస్థితుల్లో ఎలాంటి మార్పులు లేవని సీబీఐ పేర్కొన్న విషయాన్ని ప్రస్తావించారు.

ఇలా అన్ని అంశాలను పరిశీలించిన మీదట బెయిలు రద్దు కోరుతూ దాఖలు చేసిన పిటిషన్‌లో జోక్యానికి ఎలాంటి కారణాలు లేవని తెలంగాణ హైకోర్టు స్పష్టం చేసింది. ముఖ్యమంత్రిగా వైఎస్ జగన్ అధికార దుర్వినియోగానికి పాల్పడుతున్నారని.. సాక్షులను ప్రభావితం చేస్తున్నందున బెయిలు రద్దు చేయాలని రఘురామ సీబీఐ కోర్టును ఆశ్రయించారు. అక్కడ కోర్టు పిటిషన్ కొట్టివేయడంతో.. ఎంపీ రఘురామకృష్ణరాజు హైకోర్టులో పిటిషన్‌ వేశారు. దీనిపై హైకోర్టులో విచారణ జరిగింది. ఆ పిటిషన్‌ను కోర్టు కొట్టివేసింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button