Ys Jagan,ఏపీ విద్యార్ధిని జాహ్నవి మృతిని చులకన చేసిన అమెరికా అధికారి.. కేంద్రానికి సీఎం జగన్‌ లేఖ – cm ys jagan letter to union foreign minister s jai shankar over us cop laughing ap student jaahnavi kandula death

తాజాగా కందుల జాహ్నవి కేసును దర్యాప్తు చేస్తున్న ఒక పోలీస్‌ అధికారి (సీటెల్‌ పోలీస్‌ అధికారి) ఆమె మరణాన్ని అపహాస్యం చేస్తున్నట్లు వచ్చిన వీడియోను అందరూ గమనించే ఉంటారు.. ఆ వీడియోలో ఒక అమాయక విద్యార్ధి జీవితాన్ని తక్కువ చేసి ఆయన మాట్లాడారు.. నాన్-అమెరికన్ పౌరుల పట్ల అలాంటి అధికారుల అమానవీయ ప్రవర్తనను అందరూ ఖండించాలి.. తప్పు చేసిన పోలీసులపై కఠిన చర్యలకు సిఫార్సు చేయాలి.. భారతీయులలో విశ్వాసం, భరోసా కల్గించేలా చర్యలు ఉండాలని కోరుకుంటున్నాను..

ఈ విషయంలో వ్యక్తిగతంగా జోక్యం చేసుకోవాలని అభ్యర్ధిస్తున్నాను.. ఈ దురదృష్టకర పరిస్ధితిపై సమగ్ర దర్యాప్తు జరపాలని కోరుకుంటున్నాను.. అమెరికాలోని సంబంధిత అధికారులతో తక్షణమే చర్చించి, వాస్తవాలు వెలికితీసి మృతురాలి కుటుంబానికి న్యాయం జరిగేలా చూడాలి… భారత్‌లోని అమెరికా రాయబారితో కూడా చర్చించి తగిన సూచనలివ్వాలి.. ఈ విషయాన్ని అత్యవసరంగా పరిగణించి కందుల జాహ్నవి కుటుంబానికి న్యాయం జరిగేలా చర్యలు తీసుకుంటారని ఆశిస్తున్నాను’’ అని సీఎం జగన్ తన లేఖలో కోరారు. మరోవైపు, ఈ ఘటనపై భారత్ కూడా తీవ్రంగా స్పందించింది. బాడీ క్యామ్ ఫుటేజ్‌పై సమగ్ర దర్యాప్తు జరిపించాలని కేంద్ర ప్రభుత్వం డిమాండ్ చేసింది.

Read More Andhra Pradesh News And Telugu News