News

yogi vemana university degree admissions, ఏపీ: ఈ 8 డిగ్రీ కాలేజీల్లో అడ్మిషన్‌లు రద్దు.. విద్యార్థులకు అలర్ట్ – kadapa yogi vemana university officals key decision on degree admissions


Authored by Thirumala Babu | Samayam Telugu | Updated: Sep 19, 2022, 10:21 AM

Yogi Vemana University Degree Admissions కు సంబంధించి అధికారులు కీలక నిర్ణయం తీసుకున్నారు. 2022-23 విద్యా సంవత్సరానికి సంబంధించి 8 కాలేజీల్లో ప్రవేశాల ప్రక్రియను నిలిపివేస్తున్నట్లు తెలిపారు. మౌలిక వసతులు సరిగా లేవని గుర్తించారు. ఈ మేరకు అధికారులు ఆదేశాలు జారీ చేశారు. గతవారం యూనివర్శిటీ అధికారులు సమావేశమై సమీక్ష చేశారు. ఈ ఎనిమిది కాలేజీల్లో అడ్మిషన్లు నిలిపివేస్తున్నట్లు తెలిపారు. ఆ ఎనిమిది కాలేజీల జాబితా, వివరాలు వెల్లడించారు.

 

కడప జిల్లా యోగి వేమన విశ్వవిద్యాలయం పరిధిలోని ఎనిమిది డిగ్రీ కాలేజీల్లో 2022-23 విద్యా సంవత్సరానికి సంబంధించి ప్రవేశాల ప్రక్రియను నిలిపివేస్తున్నట్లు ఉన్నత విద్యామండలి ఆదేశాలు జారీ చేసింది. రాష్ట్రంలోని వివిధ కళాశాలల్లో మౌలిక వసతులు సక్రమంగా లేవన్న కారణంగా రాష్ట్ర ఉన్నత విద్యా మండలి ప్రవేశాల ప్రక్రియను నిలిపివేసింది. గత వారం యూనివర్సిటీ అధికారులు, పాలకమండలి సభ్యులతో ఉన్నత విద్యామండలి అధికారుల సమీక్ష చేసి నిర్ణయం తీసుకున్నారు.

విశ్వవిద్యాలయం పరిధిలోని 65 కళాశాలలకుగానూ 8 కళాశా లల్లో మౌలిక వసతులు సరిగా లేవని గుర్తించారు. ఆయా కాలేజీల్లో 2022-23 విద్యాసంవత్సరానికి ప్రవేశాలు నిలిపివేస్తూ ఉన్నత విద్యా మండలి ఆదేశాలు జారీ చేసింది. విద్యా సాధన డిగ్రీ కళాశాల, శంకర్ డిగ్రీ కళాశాల, బీరం శ్రీధర రెడ్డి డిగ్రీ కళాశాల, శ్రీ వైష్ణవి డిగ్రీ కళాశాల (కడప), శ్రీ వీరభద్రస్వామి డిగ్రీ కళాశాల (బి.మఠం), పఠాన్ షమీరాఖాన్ డిగ్రీ కళాశాల (ప్రొద్దుటూరు), శ్రీనివాస డిగ్రీ కళాశాల, ఆర్ఆర్ఆర్ డిగ్రీ కళాశాల (గాలివీడు) డిగ్రీ కళాశాలలు ఈ జాబితాలో ఉన్నాయి. విద్యార్థులు ఈ విషయాన్ని గమనించాలని యూనివర్శిటీ అధికారులు సూచించారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button