News

yadagiri gutta, Yadadri Break Darshan: తిరుమల తరహాలో యాదాద్రిలోనూ బ్రేక్ దర్శనాలు.. టికెట్ ధర ఎంతంటే.? – break darshans will start from 31st of this month in yadadri


Authored by Venkatrao Lella | Samayam Telugu | Updated: 30 Oct 2022, 8:05 am

Yadadri Break Darshan: తెలంగాణలో ప్రముఖ పుణ్యక్షేత్రమైన యాదగిరిగుట్టలోని శ్రీలక్ష్మీనరసింహస్వామి దర్శనానికి సంబంధించి ఆలయ అధికారులు కొత్త అవకాశం కల్పించారు. వీఐపీ, వీవీఐపీ బ్రేక్ దర్శనాలను కొత్తగా ప్రవేశపెట్టారు. ఈ నెల 31వ తేదీ నుంచి బ్రేక్ దర్శనాలను అందుబాటులోకి తీసుకొస్తున్నట్లు ఆలయ అధికారులు ఓ ప్రకటన విడుదల చేశారు. ఈ బ్రేక్ దర్శనాలకు టికెట్ ధరను రూ.300గా నిర్ణయించారు. 400 మందికి బ్రేక్ దర్శనం కల్పించనున్నట్లు స్పష్టం చేశారు.

 

యాదాద్రి బ్రేక్ దర్శనాలు

ప్రధానాంశాలు:

  • యాదాద్రిలోనూ బ్రేక్ దర్శనాలు
  • ఈ నెల 31 నుంచి ప్రారంభం
  • బ్రేక్ దర్శనాల టికెట్ ధర రూ.300
Yadadri Break Darshan: తెలంగాణలో ప్రముఖ పుణ్యక్షేత్రమైన యాదాద్రి శ్రీ లక్ష్మీనరసింహస్వామి ఆలయంలో దర్శనాలకు సంబంధించి అధికారులు కీలక నిర్ణయం తీసుకున్నారు. తిరుమల శ్రీవెంకటేశ్వరస్వామి ఆలయ దర్శనం తరహా పద్దతిని యాదాద్రిలో కూడా అమలు చేయాలని అధికారులు నిర్ణయం తీసుకున్నారు. తిరుమలలో వీఐపీ, వీవీఐపీ బ్రేక్ దర్శనాలను టీటీడీ ఎప్పటినుంచో అమలు చేస్తోన్న విషయం తెలిసిందే. అదే తరహాలో యాదాద్రిలో కూడా వీఐపీ, వీవీఐపీ బ్రేక్ దర్శనాలను కల్పించాలని ఆలయ అధికారులు నిర్ణయించారు.

ఈ నెల 31 నుంచి యాదాద్రిలో వీఐపీ, వీవీఐపీ బ్రేక్ దర్శనాలను అమలు చేసేందుకు అధికారులు సిద్దమయ్యారు. యాదాద్రి ఆలయ ఈవో గీతారెడ్డి దీనికి సంబంధించి ఓ ప్రకటన జారీ చేశారు. ఈ నెల 31న ఉదయం 9 నుంచి 10 గంటల వరకు, ఆ తర్వాత తిరిగి సాయంత్రం 4 నుంచి 5 గంటల వరకు రెండు విడతలుగా భక్తులకు బ్రేక్ దర్శనాలను కల్పించనున్నట్లు స్పష్టం చేశారు. బ్రేక్ దర్శనాలకు టికెట్ ధరను రూ.300గా నిర్ణయించారు. బ్రేక్ దర్శనాల సమయంలో ప్రత్యేక దర్శనాలను నిలిపివేయనున్నారు.

బ్రేక్ దర్శనాల కోసం ప్రజాప్రతినిధులు, అధికారుల నుంచి సిఫార్సు లేఖలు తీసుకొచ్చిన వారు నేరుగా కొండపై ఉన్న రిసెస్షన్ ఆఫీస్‌లో సంప్రదించి టికెట్లను పొందాలని ఆలయ ఈవో గీతారెడ్డి తన ప్రకటనలో తెలిపారు. వీఐపీ, వీవీఐపీ భక్తులకు ఉత్తర రాజగోపురం నుంచి దర్శనాలను కల్సిస్తామని తెలిపారు. బ్రేక్ దర్శనాల కోసం 400 టికెట్లు జారీ చేయనున్నారు. ఉదయం 200 మంది, సాయంత్రం 200 మంది బ్రేక్ దర్శనం చేసుకునే అవకాశం కల్పించనున్నారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button