waltair veerayya update, Megastar Chiranjeevi: విదేశాల‌కు మెగాస్టార్ చిరంజీవి… రీజన్ ఏంటంటే! – megastar chiranjeevi and waltair veerayya team going to france

టాలీవుడ్ అగ్ర కథానాయకుడు మెగాస్టార్ చిరంజీవి (Megastar Chiranjeevi) త్వరలోనే విదేశాలకు వెళ్లడానికి రెడీ అవుతున్నారు. ప్రస్తుతం ఆయ‌న సినిమా షూటింగ్‌తో బిజీగా ఉన్నారు క‌దా.. ఉన్న‌ట్లుండి ఎందుకు విదేశాల‌కు వెళుతున్నారు అనే అనుమానం రావ‌చ్చు. అస‌లు విష‌యం ఏంటంటే చిరంజీవి (Chiranjeevi) టైటిల్ పాత్ర‌లో న‌టిస్తోన్న చిత్రం ‘వాల్తేరు వీరయ్య’ (Waltair Veerayya). పక్కా మాస్ కమర్షియల్ ఎంట‌ర్‌టైన‌ర్‌గా రూపొందుతోన్న ఈ చిత్రం షూటింగ్ ఫైన‌ల్ స్టేజ్‌కు చేరుకుంది. ప్ర‌స్తుతం షూటింగ్ రామోజీ ఫిల్మ్ సిటీలో చిత్రీక‌రిస్తున్నారు. ఈ షెడ్యూల్ చిత్రీక‌ర‌ణ‌లో భాగంగా నెక్ట్స్ పార్ట్‌ను విదేశాల్లో చిత్రీక‌రించాల్సి ఉంది. దీంతో ఎంటైర్ యూనిట్ ఫ్రాన్స్‌కు (France) వెళుతున్నార‌ని స‌మాచారం.

వాల్తేరు వీర‌య్య ఫ్రాన్స్ షెడ్యూల్‌కు సంబంధించిన అధికారిక స‌మాచారం రాలేదు. కానీ.. విశ్వ‌స‌నీయ వ‌ర్గాల స‌మాచారం మేర‌కు చిరంజీవి స‌హా యూనిట్ స‌భ్యులు ఫ్రాన్స్ ప‌యనం అవుతున్నార‌ట‌. డిసెంబ‌ర్ ఫ‌స్ట్ వారంలోనే మొత్తం షూటింగ్‌ను పూర్తి చేయాల‌నేది ద‌ర్శ‌క నిర్మాత‌ల ఆలోచ‌న‌గా క‌నిపిస్తోంది. ఎందుకంటే సంక్రాంతికి (Sankranthi 2013) వాల్తేరు వీర‌య్య‌ను విడుద‌ల చేస్తామ‌ని ప్ర‌క‌టించారు. ఆలోపు షూటింగ్ పూర్త‌యితేనే పోస్ట్ ప్రొడ‌క్ష‌న్ కార్య‌క్ర‌మాలు స‌హా త్వ‌ర‌గా పూర్తి చేసి సినిమాను సెన్సార్ కార్య‌క్ర‌మాల‌కు సిద్ధం చేయాల్సి ఉంటుంది. కాబ‌ట్టే ఎంటైర్ యూనిట్ నాన్‌స్టాప్‌గా ప‌నిచేస్తూ సినిమాను వీలైనంత త్వ‌ర‌గా పూర్తి చేయాల‌ని అనుకుంటున్నారు.

షూటింగ్‌ను త్వరగా పూర్తి చేసుకుంటే ప్రమోషనల్ యాక్టివిటీపై ఫోకస్ పెట్టవచ్చు. మధ్యలో ప్రీ రిలీజ్ ఈవెంట్‌ను ఘనంగా నిర్వహించాల్సి ఉంటుంది. కాబట్టి సమయం అవసరం.. చివరి నిమిషం టెన్షన్ పెట్టుకోకూడదని చిరు భావిస్తున్నారు. వాల్తేరు వీర‌య్య‌లో మెగాస్టార్ చిరంజీవితో పాటు మాస్ మ‌హారాజా ర‌వితేజ (Ravi Teja) కూడా న‌టిస్తున్నారు. శ్రుతీ హాస‌న్ (Shruti Haasan) హీరోయిన్‌గా న‌టిస్తుంది. ఇప్ప‌టికే విడుద‌లైన టీజ‌ర్‌, బాస్ పార్టీ సాంగ్‌కు మంచి రెస్పాన్స్ వ‌చ్చింది. డైరెక్ట‌ర్ బాబి సినిమాను డైరెక్ట్ చేస్తున్నారు. ప్ర‌ముఖ నిర్మాణ సంస్థ మైత్రీ మూవీ మేకర్స్ ఈ సినిమాను నిర్మిస్తుంది. ఇప్ప‌టికే సినిమా రూ.95 కోట్ల ప్రీ రిలీజ్ బిజినెస్‌ను పూర్తి చేసుకుంది.

ఈ ఏడాది ఇప్ప‌టికే చిరంజీవి ఆచార్య‌ (Acharya), గాడ్ ఫాద‌ర్ (God Father) చిత్రాల‌తో ప్రేక్ష‌కుల ముందుకు వ‌చ్చారు. అందులో ఆచార్య డిజాస్ట‌ర్ అయిన సంగ‌తి తెలిసిందే. కాగా.. గాడ్ ఫాద‌ర్ సినిమాకు మంచి టాక్ వ‌చ్చినా క‌లెక్ష‌న్స్‌ను రాబ‌ట్టుకోలేక‌పోయింది. ఎలాగైనా వ‌చ్చే ఏడాది స్టార్టింగ్‌లోనే మెగాస్టార్ చిరంజీవి హిట్ కొట్టి బాక్సాఫీస్ ద‌గ్గ‌ర త‌న స్టామినాను చూపించాల‌ని అనుకుంటున్నారు.

• Read Tollywood News & Telugu News