News

waltair veerayya, వాల్తేరు వీర‌య్య..వీర సింహారెడ్డి పెద్ద హిట్స్ కావాల‌ని వైజాగ్ సాక్షిగా కోరుకుంటున్నా: Chiranjeevi – megastar chiranjeevi speech in waltair veerayya pre release event


‘‘సినిమా చేస్తున్నంత సేపు బాబీపై ప్రేమ రోజు రోజుకీ పెరుగుతూ పోయింది. అందుకు కార‌ణం.. త‌ను క‌ష్ట‌ప‌డే త‌త్వం.. ఎవ‌రు ఏదైనా చెబితే వాళ్ల‌కు నాకంటే ఎక్కువ తెలుసా అని అనుకోకుండా .. ఏదో చెప్పార‌ని అనుకుని బెట‌ర్‌మెంట్ కోసం క‌ష్ట‌ప‌డుతూనే వ‌చ్చాడు. అందుక‌నే సినిమా అత్య‌ద్భుతంగా వ‌చ్చింది. అన్నీ వ‌ర్గాల ప్రేక్ష‌కుల‌ను అల‌రించే సినిమా ‘వాల్తేరు వీర‌య్య‌’’’ అని అన్నారు మెగాస్టార్ చిరంజీవి. వాల్తేరు వీరయ్య మూవీ ప్రీ రిలీజ్ ఈవెంట్‌లో ఆయ‌న మాట్లాడుతూ …
‘‘ఇక్క‌డి ప్ర‌జ‌లు, ఈ ప్రాంతమ‌న్నా నాకెంతో ఇష్టం. ఈ విష‌యాన్ని నేను చాలా సార్లు చెప్పాను. రిట‌ర్‌మెంట్ త‌ర్వాత ఇక్క‌డొక స్థ‌లం తీసుకుని ఇల్లు క‌ట్టుకుని ఉండాల‌నిపించే చ‌క్క‌టి స్వ‌ర్గ‌ధామం ఈ వాల్తేర్‌.. వైజాగ్‌. ఇక్క‌డి ప్ర‌జ‌లు శాంతి కాముకులు. మంచి మ‌న‌సున్న‌వారు. కుళ్లు కుతంత్రాల‌కు తావు ఇవ్వ‌వు. స‌ర‌దాగా ఉంటారు. డిగ్నిఫైడ్ బిహేవియ‌ర్ ప‌ర్స‌న్స్ ఉన్న ప్రాంతం ఇది. ఇన్నాళ్లు ఇక్క‌డ సెటిల్ కావాల‌ని చెబుతుండేవాడిని. కానీ ఇప్పుడు భీమిలి వెళ్లే దారిలో ఓ స్థ‌లం కొన్నాను. ఇక ఇళ్లు క‌ట్టే ప్ర‌య‌త్నం చేయాలి. ఆ ప‌ని చేస్తే నేను కూడా విశాఖ వాసుడ్ని అవుతాను. అది నా చిర‌కాల కోరిక‌. బాబీ వాల్తేరు వీర‌య్య అనే క‌థ చెప్పాల‌ని వ‌చ్చారు.. వాల్తేరు అని పేరు విన‌గానే ఫాజిటివ్ ఫీలింగ్ క‌లిగింది. క‌థ చెప్ప‌మ‌న్నా. తొలి సిట్టింగులో త‌ను గంట‌న్న‌ర స‌మ‌యం తీసుకున్నాడు. అద్భుతంగా అనిపించి షేక్ హ్యాండ్ ఇచ్చాను. సినిమా చేస్తున్నామ‌ని చెప్పాను. ఫ‌స్ట్ సిట్టింగ్‌లో నాకు న‌చ్చిన సినిమాల‌న్నీ సూప‌ర్ డూప‌ర్ హిట్స్ అయ్యాయి.అదే న‌మ్మ‌కంతో ఇప్పుడు చెబుతున్నాను. త‌ప్ప‌కుండా సినిమా సూప‌ర్ డూప‌ర్ హిట్ అవుతుంది. ఇద్ద‌రికీ ఉన్న అబ్లిగేష‌న్‌తో మైత్రీ మూవీ మేక‌ర్స్‌తో క‌లిసి ముందుకు న‌డిచాం.

బాబీలో క‌థ‌కుడు.. ర‌చ‌యిత‌.. స్క్రీన్ ప్లే రైటర్‌.. డైరెక్ట‌ర్ అనే న‌లుగురు వ్య‌క్తుల‌ను చూశాను. అభిమాని అని త‌న‌కు మూవీ ఇవ్వ‌లేదు. అత్య‌ద్భుత‌మైన టాలెంట్ చూసి సినిమా ఇచ్చాను. నేను పెట్టుకున్న న‌మ్మ‌కాన్ని వ‌మ్ము చేయ‌కుండా అంత‌కు మించిన సినిమాను అప్ప‌గించాడు. ఇది ప‌క్కా క‌మ‌ర్షియ‌ల్ సినిమానే. ఇది ఎమోష‌న‌ల్ రోల‌ర్ కోస్ట‌ర్ రైడ‌ర్‌. సినిమా చూస్తున్నంత సేపు ఇది క‌దా సినిమా అంటే.. ఈ సినిమా కోస‌మే క‌దా.. ఇన్నేళ్లు మ‌నం ఎదురు చూస్తున్నాం. ఇలాంటి క‌మ‌ర్షియ‌ల్ సినిమా వ‌చ్చి ఎన్నేళ్లు అయ్యింద‌ని సినిమా చూసిన వారందిర‌తో బాబీ అనిపిస్తాడు.

బాబీ చేసిన ఈ సినిమా నికార్సైన క‌మ‌ర్షియ‌ల్ సినిమా. అందుక‌నే ఈ కాన్ఫిడెన్స్‌తో మాట్లాడుతున్నాను. బాబీలో ఎంత కసి ఉందో నాకు సినిమా మేకింగ్ స‌మ‌యంలో తెలిసింది. ఈరోజు వ‌ర‌కు బాబీ విశ్రాంతి తీసుకోలేదు. నిరంత‌రం కష్ట‌ప‌డుతూ క‌న‌ప‌డ్డాడు. నాకు అభిమానులు చాలా మంది ఉంటారు. కానీ అది కాదు కావాల్సింది. ఎవ‌రైతే వ‌ర్క్‌ని ప్రేమిస్తారో.. ఎవ‌రైతే క‌ష్టాన్ని న‌మ్ముకుంటారో అలాంటి వారు నాకు అభిమాని. అలాంటి వారికి నేను అభిమానిని. రెండేళ్లు బాబీ క‌ష్టానికి, డేడికేష‌న్‌కి, శ్ర‌ద్ధాస‌క్తుల‌కు నేను త‌న‌కు అభిమానిగా మారిపోయాను. తను నా అభిమాని చెప్ప‌డానికి గ‌ర్వ‌ప‌డుతున్నాను.

మైత్రీ మూవీ మేక‌ర్స్ గురించి చెప్పాలంటే.. రంగస్థ‌లం సినిమా చేసేట‌ప్పుడు వాళ్ల గురించి నాతో మాట్లాడేవాడు. నాకు ద‌గ్గ‌రైన నిర్మాత‌లు ఎలాగో వాళ్లు అలాగే అనేవాడు. వాళ్ల‌తో సినిమా చేయాల‌నుకోగానే ఇంత త్వ‌ర‌గా అవుతుంద‌ని అనుకోలేదు. నాకు తెలిసి రామానాయుడుగారు, అశ్వినీద‌త్‌గారు, అల్లు అర‌వింద్‌గారు, కె.ఎస్‌.రామారావుగారు, దేవీప్ర‌సాద్‌గారు .. వంటి గొప్ప ప్రొడ్యూస‌ర్స్ స్థాయిలో నిల‌బ‌డ‌గ‌ల ప్రొడ్యూసర్స్ మైత్రీ మూవీ మేక‌ర్స్ న‌వీన్, ర‌వి, చెర్రీ. సినిమాకు ఎంత ఖ‌ర్చు అవుతుందో అడ‌గ‌లేదు.. ఏ విష‌యంలోనూ వెనుకంజ వేయ‌లేదు. మీరు చెప్పండి మేం చేస్తాం అని అన్నారు. డైరెక్ట‌ర్ మీద న‌మ్మ‌కంతో ముందుకెళ్లారు. వాళ్లు పెట్టిన ప్ర‌తి రూపాయి స్క్రీన్ మీద క‌నిపిస్తుంది. ఎంత మిగిలింది అని కాకుండా.. ఎంత గొప్ప సినిమా తీశామ‌నే ఆలోచిస్తున్నారు. ఇన్ని ద‌శాబ్దాల తెలుగు చ‌ల‌న చిత్ర ప‌రిశ్ర‌మ‌లో ఒకేరోజు రెండు భారీ చిత్రాల‌ను రిలీజ్ చేసిన ఘ‌న‌త మైత్రీకే ద‌క్కుతుంది. స‌బ్జెక్ట్ మీద కాన్ఫిడెన్స్‌తో ముందుకు వ‌స్తున్నారు. సంక్రాంతికి వీర సింహారెడ్డి.. వాల్తేరు వీర‌య్య సినిమాలు రెండు పెద్ద హిట్స్ కావాల‌ని ఈ వైజాగ్ సాక్షిగా.. మ‌న‌స్ఫూర్తిగా కోరుకుంటున్నాను.

అజ్ కా గుండారాజ్‌లో నా స్నేహితుడు రోల్ చేశాడు. ముంబైలో పెరిగాడు. హిందీ మాట్లాడేవాడు. బాలీవుడ్‌లో అమితాబ్‌ను సౌత్‌లో న‌న్ను ఎక్కువ‌గా ఇష్ట‌ప‌డేవాడు. త‌ర్వాత అన్న‌య్య సినిమా చేశాడు. త‌ను యాక్టింగ్ మీద దృష్టి పెట్ట‌నివ్వ‌డు. న‌వ్వించేసి గంద‌ర‌గోళం చేసేస్తుంటాడు. అల్ల‌రి పిల్లోడు. అలాంటి ర‌వితేజ అలా ఎదిగి.. త‌న‌కంటూ ఓ ఇమేజ్‌ను క్రియేట్ చేసుకున్నాడు. ఖాళీ ఉన్న‌ప్పుడ‌ల్లా ర‌వి సినిమాలు చూస్తుంటాను. ఎందుకంటే మాస్ ఉంటుంది.. క్లాస్ ఉంటుంది. అన్ని ఎలిమెంట్స్ తో పాటు వెట‌కారం కూడా ఉంటుంది. సినిమాలో మా క్యారెక్ట‌ర్స్ ఎలా ఉంటాయ‌నేది సినిమా చూడాల్సిందే. త‌ను సెకండాఫ్‌లో వ‌స్తాడు.. దుమ్ము దులిపేశాడు. ర‌వితేజ రోల్ వ‌చ్చిన‌ప్ప‌టి నుంచి సినిమా మరో లెవ‌ల్‌కి వెళ్లిపోయింది. ర‌వితేజ మూలంగానే ఆ క్యారెక్ట‌ర్‌కి న్యాయం జ‌రిగింది. శ్రుతీ హాస‌న్ గ్లామ‌ర్ తో పాటు యాక్ష‌న్ సీక్వెన్స్‌లో న‌టించింది. -8 డిగ్రీల చ‌లిలోనూ డాన్స్ చేసింది. త‌న ప్రొఫెష‌న‌లిజానికి హ్యాట్సాఫ్‌. క్యాథ‌రిన్ చాలా కంపోజ్డ్‌గా క్యారెక్ట‌ర్‌. అద్భుతంగా న‌టించింది. ఊర్వ‌శీ రౌతేలా .. పార్టీ సాంగ్ చేశాను. చాలా ఎన‌ర్జిటిక్ గా చేసింది.

ప్ర‌కాష్ రాజ్‌, బాబీ సింహ వంటి నేష‌న‌ల్ న‌టులు.. అద్భుతంగా న‌టించాడు. పాత్ర‌ల్లో ఒదిగిపోయారు. రాజేంద్ర ప్ర‌సాద్‌గారు చాలా డెప్త్ ఉన్న రోల్‌లో న‌టించాడు. వెన్నెల కిషోర్,స‌ప్త‌గ‌రి, శ్రీనివా రెడ్డి, ష‌క‌ల‌క శంక‌ర్ స‌హా అందరికీ థాంక్స్‌. నా బిడ్డ‌లాంటి దేవిశ్రీ ప్ర‌సాద్ చిన‌ప్ప‌టి నుంచి మా ఇంటికి వ‌చ్చేవాడు. అలాంటి త‌ను ఇప్పుడు పుష్ప‌తో ఆల్ ఇండియా లెవ‌ల్లో అల‌రిస్తున్నాడు. రామ్ ల‌క్ష్మ‌ణ్ మంచి యాక్ష‌న్ సీక్వెన్స్‌ల‌ను కంపోజ్ చేశారు. శేఖ‌ర్ వింటేజ్ చిరంజీవిని సాంగ్స్‌లో చూపించాడు. ఆర్ట్ డైరెక్ట‌ర్ ప్ర‌కాష్ అద్బుతమైన సెట్స్ వేశాడు. అంద‌రూ సినిమా సూప‌ర్ డూప‌ర్ హిట్ కావాల‌ని క‌ష్ట‌ప‌డ్డారు. కోన వెంక‌ట్‌, చ‌క్రి, వినీత్‌, మోహ‌న్ ఇలా అంద‌రూ క‌ష్ట‌ప‌డ్డారు’’ అన్నారు.

  • Read Tollywood Updates & Telugu News

Related Articles

Back to top button