News

vizag rushikonda, Cpi Narayana: ఎట్టకేలకు పట్టుబట్టి సాధించారు.. ఈ నెల 25న ముహూర్తం ఫిక్స్! – ap government gives permission to cpi leader narayana to visit vizag rushikonda


సీపీఐ నేత నారాయణ (Cpi Narayana) పట్టుబట్టి అనుకున్నది సాధించారు. రుషికొండ (RushiKonda) ప్రాజెక్ట్ పరిశీలనకు వెళ్లబోతున్నారు. ఏపీ హైకోర్టు (AP High Court) ఆదేశాల మేరకు సీపీఐ నారాయణ రుషికొండ వెళ్లేందుకు గ్రీన్ సిగ్నల్ వచ్చింది. దీంతో ఆయన ఈనెల 25 ఉదయం 9 గంటలకు రుషికొండను పరిశీలించనున్నారు. ఏపీ హైకోర్టు ఇచ్చిన ఆదేశాల మేరకు అనుమతి ఇస్తున్నట్లు తెలిపారు. వాస్తవానికి నవంబర్ 1 లేదా 2న రుషికొండను పరిశీలించేందుకు సమయం ఇచ్చారు.. కానీ నారాయణ ఆ సమయంలో విదేశాల్లో ఉండటంతో కుదరలేదు.

ఇప్పుడు మళ్లీ తాజాగా నవంబర్ 24 , లేని పక్షంలో నవంబర్ 25న వెళ్లొచ్చని తెలిపారు. దీంతో ఈ నెల 25న రుషికొండకు వెళ్లాలని నారాయణ నిర్ణయం తీసుకున్నారట. పర్యటనకు వెళ్లే సమయాన్ని అధికారులకు తెలియజేయాలని సూచించారు. ఈ మేరకు ఏపీ టూరిజం డెవలప్‌మెంట్ కార్పొరేషన్ ఎండీ కన్నబాబు ఆదేశాలు ఉత్తర్వులు ఇచ్చారు.

గతంలో సీపీఐ నేత నారాయణ విశాఖలోని రుషికొండను పరిశీలించేందుకు వెళ్లారు. ఆ సమయంలో పోలీసులు సీపీఐ నేతలను వెళ్లకుండా అడ్డుకున్నారు. దీంతో సీపీఐ నేతలు, పోలీసులకు మధ్య వాగ్వాదం జరిగింది. రుషికొండను పరిశీలిస్తే వచ్చే అభ్యంతరాలేంటో చెప్పాలని సీపీఐ నారాయణ పోలీసుల్ని ప్రశ్నించారు. రుషికొండను మొత్తం తవ్వేస్తారా.. ఆ ప్రాంతాన్ని చూస్తామంటే ఎందుకు అడ్డుకుంటున్నారంటూ ఆగ్రహం వ్యక్తం చేశారు. తాము ఏమైనా ఉగ్రవాదులమా అంటూ మండిపడ్డారు. ఆ తర్వాత సీపీఐ నారాయణ హైకోర్టును ఆశ్రయించారు.

సీపీఐ నేత నారాయణ వేసిన హైకోర్టులో వేసిన విచారణ జరిగింది. విశాఖ రుషికొండలో నిర్మాణాలను పరిశీలించేందుకు వెళ్తున్న తనను అధికారులు అడ్డుకున్నారని ప్రస్తావించారు. ఇదిచట్టవిరుద్ధమని లాయర్ వాదనలు వినింపించారు. ఒక రాజకీయ నేతగా రుషికొండలు జరుగుతున్న వాస్తవాలను ప్రజలకు చెప్పాల్సిన బాధ్యత ఉంటుందని కోర్టుకు వివరించారు. పోలీసులు చట్టవిరుద్ధంగా ఆయన్ను అడ్డుకున్నారని.. రుషికొండ నిషేధిత ప్రదేశం కాదు అన్నారు. హైకోర్టు ధర్మాసనం ఆదేశాల మేరకు పనులు పరిశీలించేందుకు వెళ్లిన లాయర్‌పైనా కేసులు పెట్టారని వివరించారు. ముందుగా అనుమతి తీసుకొని వెళ్తే ఎలాంటి అభ్యంతరమూ లేదని ప్రభుత్వ తరపు లాయర్ అన్నారు.

రుషికొండకు వెళ్లాల్సిన అవసరం ఏంటని నారాయణను హైకోర్టు జడ్జి ప్రశ్నించారు. ఇప్పటికే రుషికొండలో పర్యాటక శాఖ చేపట్టిన రిసార్ట్‌ పునరుద్ధరణ పనులపై హైకోర్టు విచారణ జరుపుతున్న విషయాన్ని గుర్తు చేశారు. ఇలాంటి సమయంలో అక్కడికి ఎందుకు వెళ్లారని ప్రశ్నించారు. ఆ ప్రాంతానికి వెళ్లాలంటే కచ్చితంగా కాంట్రాక్టర్‌ అనుమతి తీసుకోవాలని స్పష్టం చేసింది. ఆ తర్వాత కూడా విచారణ జరగ్గా వాదనలు వినిపించారు. ఆ తర్వాత నారాయణకు రుషికొండకు వెళ్లేందుకు కోర్టు గ్రీన్ సిగ్నల్ ఇచ్చింది.

  • Read Latest Andhra Pradesh News and Telugu News

Related Articles

Back to top button