News

virat kohli mental health, Virat Kohli ‌కి మెంటల్ హెల్త్ ఇష్యూ.. చుట్టూ అందరూ ఉన్నా ఒంటరి ఫీలింగ్ – former captain virat kohli on dealing with mental health


Virat Kohli Mental health: విరాట్ కోహ్లీ భారత జట్టులోకి ఎంట్రీ ఇచ్చి ఈరోజుకి సరిగ్గా 14 ఏళ్లు అయ్యింది. దాంతో ఈ సుదీర్ఘ కెరీర్‌ గురించి ఈరోజు మాట్లాడిన విరాట్ కోహ్లీ గతంలో మెంటర్ హెల్త్ ఇష్యూని ఎదుర్కొన్నట్లు వెల్లడించాడు. రూము మొత్తం తనని ప్రేమించే వారితో నిండిపోయినా తనకి మాత్రం ఒంటరి అనే ఫీలింగ్ కలిగినట్లు కోహ్లీ చెప్పుకొచ్చాడు. మరీ ముఖ్యంగా స్పోర్ట్స్ పర్సన్‌‌‌కి ఒత్తిడి పెరిగినప్పుడు..?

 

విరాట్ కోహ్లీ (Pic Credit: Getty Images)

ప్రధానాంశాలు:

  • కోహ్లీ అంతర్జాతీయ క్రికెట్‌లోకి ఎంట్రీ ఇచ్చి 14 ఏళ్లు
  • సుదీర్ఘ కెరీర్‌లో ఎదుర్కొన్న సవాళ్లని గుర్తు చేసుకున్న కోహ్లీ
  • అప్పట్లో మెంటల్ హెల్త్ ఇష్యూని కూడా ఎదుర్కొన్నట్లు వెల్లడి
  • ఆసియా కప్‌తో రీఎంట్రీ ఇవ్వబోతున్న మాజీ కెప్టెన్
భారత మాజీ కెప్టెన్ విరాట్ కోహ్లీ తనకి మెంటల్ హెల్త్ ఇష్యూ కెరీర్ ఆరంభం నుంచి ఉందని తాజాగా ఓ ఇంటర్వ్యూలో వెల్లడించాడు. అంతర్జాతీయ క్రికెట్‌లోకి విరాట్ కోహ్లీ ఎంట్రీ ఇచ్చి ఈరోజుకి 14 ఏళ్లు పూర్తయిన సందర్భంగా ఓ లోకల్ మీడియాకి ఇచ్చిన ఇంటర్వ్యూలో తాను ఎదుర్కొన్న సవాళ్లని కోహ్లీ గుర్తు చేసుకున్నాడు. మైదానంలో దూకుడుగా వ్యవహరిస్తూ అందరి చూపు తనవైపు తిప్పుకునే 33 ఏళ్ల విరాట్ కోహ్లీ.. ఒకప్పుడు తనని ప్రేమించే వారితో రూము మొత్తం నిండిపోయినా తనకి మాత్రం ఒంటరి అనే ఫీలింగ్ కలిగిందని చెప్పుకొచ్చాడు.

కెరీర్‌లో ఒత్తిడికి గురై మెంటల్ హెల్త్ ఇష్యూని ఎదుర్కొన్నట్లు వెల్లడించిన కోహ్లీ.. మనలో చాలా మందికి కూడా ఈ సమస్య ఎదురై ఉంటుందని చెప్పుకొచ్చాడు. ‘‘నేను వ్యక్తిగతంగా ఆ ఒంటరి ఫీలింగ్‌ని ఎదుర్కొన్నాను. రూము మొత్తం నన్ను ప్రేమించేవారితో నిండిపోయినా.. అక్కడే ఉన్న నాకు ఒంటరి ఫీలింగ్ కలిగింది. నాకు తెలిసి మనలో చాలా మందికి ఈ అనుభవం ఎదురై ఉంటుంది. ఇది కచ్చితంగా తీవ్రమైన సమస్యే. కానీ.. మనం స్ట్రాంగ్‌‌గా దాని నుంచి బయటపడాలి. లేకపోతే మీ చుట్టూ ఉన్న ప్రపంచం కూలిపోవడానికి ఎంతో సమయం పట్టదు’’ అని విరాట్ కోహ్లీ చెప్పుకొచ్చాడు.

స్పోర్ట్స్ పర్సన్‌ ఒత్తిడిని ఎదుర్కొంటున్నప్పుడు కాస్త విరామం తీసుకుని మళ్లీ రీఎంట్రీ ఇవ్వాలని కోహ్లీ సూచించాడు. 2019, నవంబరు నుంచి సెంచరీ చేయలేకపోతున్న విరాట్ కోహ్లీ ఇటీవల ఫామ్ కోల్పోవడంతో ఒత్తిడి పతాక స్థాయికి చేరింది. దాంతో.. వెస్టిండీస్, జింబాబ్వే టూర్‌కి దూరంగా ఉండిపోయిన విరాట్ కోహ్లీ పారిస్‌కి ఫ్యామిలీతో కలిసి వెళ్లి ఎంజాయ్ చేసి వచ్చాడు. ఈ నెల 27 నుంచి ఆసియా కప్ 2022 ప్రారంభంకానుండగా.. ఈ టోర్నీతో మళ్లీ భారత జట్టులోకి కోహ్లీ రీఎంట్రీ ఇవ్వనున్నాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button