News

varun dhawan, Samantha కి బాలీవుడ్ హీరో వరుణ్ ధావన్ సపోర్ట్.. గ్లో కామెంట్స్‌పై చురకలు – bollywood hero varun dhawan comes in support of samantha


హీరోయిన్ సమంత (Samantha )కి బాలీవుడ్ హీరో వరుణ్ ధావన్ (Varun Dhawan) సపోర్ట్‌గా నిలిచాడు. ‘మయోసైటిస్’ అనే దీర్ఘకాలిక వ్యాధితో తాను బాధపడుతున్నట్లు గత ఏడాది ‘యశోద’ మూవీ రిలీజ్‌కి ముందు ప్రకటించిన సమంత.. ఆ తర్వాత పబ్లిక్ ఈవెంట్స్‌కి దూరంగా ఉండిపోయింది. చివరికి యశోద ప్రీరిలీజ్, సక్సెస్ మీట్‌కి కూడా సమంత హాజరు కాలేదు. ఇంటి వద్ద ఉండి మయసైటిస్‌కి చికిత్స తీసుకున్న ఆమె.. సోమవారం ‘శాకుంతలం’ మూవీ ట్రైలర్ రిలీజ్ ఈవెంట్‌కి హాజరైంది.

గుణ శేఖర్ దర్శకత్వంలో తెరకెక్కిన ఈ ‘శాకుంతలం’ మూవీ ఫిబ్రవరి 17న థియేటర్లలోకి రాబోతోంది. దాంతో ఈ మూవీ ప్రమోషన్స్‌లో సమంత పాల్గొనేలా కనిపించింది. కానీ ట్రైలర్ రిలీజ్ సమయంలో వేదికపై కూర్చుని ఉన్న సమంత.. గుణ శేఖర్ ఈ మూవీ గురించి మాట్లాడుతున్న సమయంలో కన్నీళ్లు పెట్టుకుంది. ఎప్పుడు హుషారుగా కనిపించే సమంతని ఇలా ఎప్పుడు చూడలేదంటూ ఆమె అభిమానులు సోషల్ మీడియాలో పెద్ద ఎత్తున బాధని వ్యక్తం చేశారు. కానీ కొంత మంది నెటిజన్లు మాత్రం సమంతపై వెటకారంగా కామెంట్స్ చేశారు.

మయోసైటిస్ తర్వాత సమంత ఫేస్‌లో గ్లో తగ్గిపోయిందని కామెంట్స్ చేసిన నెటిజన్లు.. నాగ చైతన్యతో విడాకులు తర్వాత చాలా స్ట్రాంగ్‌గా కనిపించిన సమంత ఇప్పుడు చాలా బలహీనంగా ఉందంటూ వెటకారం చేశారు. దాంతో ఈ కామెంట్స్‌పై సమంత కూడా స్పందించింది. ‘నా తరహాలో నెలల తరబడి ట్రీట్‌మెంట్ తీసుకుంటూ మందులు వాడాల్సిన లైఫ్‌ మీకు రాకూడదని ప్రార్థిస్తున్నాను. అలానే మీ గ్లో కూడా పెరగాలని కోరుకుంటున్నా’ అంటూ కౌంటర్ ఇచ్చింది. మయోసైటిస్ అనేది కండరాల సంబంధిత వ్యాధి. ఈ వ్యాధి బారినపడిన వారు ఎప్పటికి పూర్తిగా కోలుకుంటారు? అనేదానిపై డాక్టర్లు కూడా క్లారిటీగా చెప్పలేకపోతున్నారు. సుదీర్ఘకాలం ట్రీట్‌మెంట్ తీసుకోవాల్సి ఉంటుంది.

సమంత గ్లోపై నెటిజన్లు చేసిన కామెంట్స్‌పై బాలీవుడ్ హీరో వరుణ్ ధావన్ కూడా ఘాటుగా స్పందించాడు. ‘మీరు కేవలం నెగటివ్ యాంగిల్‌లో రాసి క్లిక్ బైట్స్‌ కోసం చూస్తున్నారు. కానీ మీరు చూడాల్సింది పనిపట్ల సమంతకి ఉన్న అంకితభావాన్ని. ఒకవేళ మీకు గ్లో కావాలంటే ఇన్‌స్టాగ్రామ్‌లో ఫిల్టర్ ఆఫ్షన్ అందుబాటులో ఉంది’ అంటూ చురకలు అంటించాడు.

Related Articles

Back to top button