News

varisu review, Varisu:’వారిసు’ రెస్పాన్స్ చూసి దిల్‌రాజు, వంశీ ఎమోషనల్.. తమన్ కన్నీళ్లు! – thaman, vamshi paidipally and dil raju in tears after witnessing a huge response to vijay ‘varisu’


కోలివుడ్ స్టార్ హీరో విజయ్ నటించిన ‘వారిసు’ సినిమా ఈరోజు విడుదలైంది. ఈ చిత్రానికి అద్భుతమైన ఓపెనింగ్స్ వస్తున్నాయి. బొమ్మ బ్లాక్ బస్టర్ అంటూ విజయ్ ఫ్యాన్స్ ట్వీట్స్ చేస్తున్నారు. థియేటర్ల దగ్గర విజయ్ భారీ కటౌట్లకు పాలాభిషేకాలు చేస్తున్నారు. థియేటర్‌లో ‘వారిసు’కు వస్తున్న రెస్పాన్స్ చూసి నిర్మాత దిల్ రాజు, డైరెక్టర్ వంశీ పైడిపల్లి ఎమోషనల్ అయ్యారు. ఇందుకు సంబంధించిన వీడియో వైరల్ అవుతోంది.

ఏడ్చేసిన తమన్

‘వారిసు’ దర్శకుడు వంశీ పైడిపల్లి, మ్యూజిక్ డైరెక్టర్ తమన్, నిర్మాత దిల్ రాజు, నటుడు కిక్ శ్యామ్ సహా చిత్ర బృందం.. అభిమానులతో కలిసి చెన్నైలో సినిమా చూశారు. ఎమోషనల్ ఫ్యామిలీ డ్రామాని అభిమానులు బాగా ఎంజాయ్ చేశారు. తమతో కలిసి సినిమాను చూసిన ‘వారిసు’ టీమ్‌కు ఘన స్వాగతం పలికారు.

ఫ్యాన్స్ ఉత్సాహం, అభిమానం చూసి తమన్ ఏడ్చేశాడు. థియేటర్‌లోనే కన్నీళ్లు పెట్టుకున్నాడు. వంశీ పైడిపల్లి, దిల్ రాజు కూడా భావోద్వేగానికి లోనయ్యారు. ఈ వీడియో అభిమానుల దృష్టిని ఆకర్షిస్తోంది. ‘వారిసు’ టీమ్‌కి అభిమానులు తమ మద్దతు తెలిపారు.

రివ్యూ

‘వారిసు’ సినిమాకు ఇప్పటికే ఫ్యాన్స్, క్రిటిక్స్ నుంచి పాజిటివ్ టాక్ వచ్చింది. చిత్రానికి తమన్ సంగీతం, బ్యాగ్రౌండ్ మ్యూజిక్ ప్లస్ అయిందంటూ రివ్యూలు ఇస్తున్నారు. అందువల్ల సినిమాలో ఎమోషన్ సీన్లు బాగా ఎలివేట్ అయ్యాయి. వంశీ పైడిపల్లి ఎమోషన్స్‌ను మిక్స్‌ చేసి సినిమాను చక్కగా ప్యాక్ చేశాడని అభిమానులు అంటున్నారు. విజయ్‌తో పాటు సినిమాలో యాక్ట్ చేసిన నటీనటులు అంతా తమ బెస్ట్ పెర్ఫామెన్స్ ఇచ్చారని ఫ్యాన్స్ ట్వీట్స్ చేస్తున్నారు.

జనవరి 10వ తేదీ అర్ధరాత్రి చెన్నైలో ‘వారిసు’ ప్రీమియర్ షో చూసిన ప్రేక్షకులు ఈ చిత్రాన్ని పర్ఫెక్ట్ ఎంటర్‌టైనర్‌ అన్నారు. అంతేకాదు ట్విట్టర్‌లో వెలువడిన ఎర్లీ రివ్యూస్ ప్రకారం.. ఈ ఫ్యామిలీ ఎంటర్‌టైనర్‌లో కామెడీ, రొమాన్స్, హై-ఆక్టేన్ యాక్షన్ సీన్స్‌తో పాటు కలర్‌ఫుల్ సాంగ్స్‌తో ఫుల్ మీల్స్ ప్యాకేజీలా ఉంది. మొత్తానికి ‘వారిసు’ పొంగల్ సీజన్‌కు పర్ఫెక్ట సినిమా అని, ఈ పండుగ సీజన్‌లో థియేటర్లలో చూడాలని నెటిజన్లు సూచిస్తున్నారు. ఇక విజయ్ సైతం అద్భుతమైన స్క్రీన్ ప్రెజెన్స్‌తో కాంప్లిమెంట్స్ అందుకుంటున్నాడు.

ప్రధానంగా తండ్రీ కొడుకుల మధ్య కాన్‌ఫ్లిక్ట్ నేపథ్యంలో సాగిన స్టోరీలో ఫ్యామిలీ ఎమోషన్స్‌తో కూడిన సీన్స్ అద్భుతంగా రాసుకున్నట్లు తెలుస్తోంది. ముందుగా ట్రైలర్ చూసి కొంచెం డిజప్పాయింట్ అయిన ఫ్యాన్స్ సైతం సినిమా చూసిన తర్వాత తమ సంతోషాన్ని వ్యక్తం చేస్తు్న్నారు. ఎస్‌జే సూర్య, విజయ్ మధ్య వచ్చే సీన్లు ఫైరింగ్ అంటూ కామెంట్లు చేస్తున్న ఫ్యాన్స్.. యోగి బాబు, విజయ్ ట్రాక్ కూడా హిలేరియస్‌ అంటూ కాంప్లిమెంట్స్ ఇస్తున్నారు. మొత్తానికి ‘వారిసు’ మూవీ పాజిటివ్ వైబ్స్‌తో సంక్రాంతి సీజన్‌ను మొదలుపెట్టింది.

  • Read Tollywood Updates & Telugu News

Related Articles

Back to top button