us patriot system, Patriot System: ఉక్రెయిన్‌లో పేట్రియాట్ రక్షణ వ్యవస్థపై దాడికి యత్నించిన రష్యా – russia tried to destroy us made patriot system in ukraine says us
రాజధాని కీవ్‌ వెలుపల మోహరించిన పేట్రియాట్ వ్యవస్థ నుంచి వెలువడిన ఓ సంకేతాన్ని పసిగట్టిన రష్యా సైన్యం.. వీటిపై కింజల్‌ హైపర్‌సానిక్‌ క్షిపణులను గురిపెట్టిందని అమెరికా వర్గాలు పేర్కొన్నారు. కానీ, సుదూర లక్ష్యాలను గుర్తించే పేట్రియాట్ వ్యవస్థలోని రాడార్ రాబోతున్న ముప్పును ముందుగానే గ్రహించింది. తక్షణమే ఈ క్షిపణులను మైకలోవ్‌ ప్రాంతంలో పేట్రియాట్ ఇంటర్‌సెప్ట్‌ మిసైల్స్‌ అడ్డగించాయి. మే 4న ఈ ఘటన చోటు చేసుకున్నట్లు ఉక్రెయిన్‌ వైమానిక దళ కమాండర్‌ ప్రకటించారు.
పెంటగాన్‌ ప్రెస్‌ సెక్రటరీ బ్రిగేడియర్‌ జనరల్‌ పాట్రిక్‌ రైడర్‌.. ఇటీవల ఉక్రెయిన్‌ పేట్రియాట్ వ్యవస్థతో కింజల్‌ క్షిపణిని అడ్డుకుందని వివరించారు. కాగా, అమెరికా సరఫరా చేసిన పేట్రియాట్ క్షిపణులు గత నెలలో ఉక్రెయిన్‌కు చేరుకున్నాయి. వీటితో తమ గగనతలం సురక్షితమని కీవ్‌ భావిస్తోంది. ఈ క్షిపణి వ్యవస్థ యుద్ధ విమానాలను, ప్రత్యర్థి క్షిపణులను లక్ష్యంగా చేసుకుని దాడిని చేయగలవు. ఇటీవల కాలంలో రష్యా విచక్షణారహితంగా క్షిపణులతో విరుచుకుపడి ఉక్రెయిన్‌లోని వివిధ నగరాలను ధ్వంసం చేస్తోంది.
ముఖ్యంగా విద్యుత్తు, తాగు నీటి సౌకర్యాలపైనే దాడికి దిగుతోంది. పేట్రియాట్ వ్యవస్థ రాకతో దాడులు ఆగే అవకాశం ఉందని, అయితే ఇది యుద్ధగమనాన్ని నిర్దేశించే అవకాశం లేదని నిపుణులు అంటున్నారు. పేట్రియాట్ క్షిపణి వ్యవస్థ దీర్ఘ శ్రేణిలో లక్ష్యాలను గుర్తించడానికి శక్తివంతమైన రాడార్‌లు కలిగి ఉంటుంది. బాలిస్టిక్ క్షిపణులతో పాటు శక్తివంతమైన ఆయుధాలను అడ్డగించే సామర్ధ్యం వీటికి ఉంది. కానీ రాడార్ సంకేతాలతో పేట్రియాట్ వ్యవస్థను శత్రువులు గుర్తించగలవు.
క్రెమ్లిన్ ప్రతినిధి దిమిత్రి పెస్కోవ్ గతంలో పేట్రియాట్ వ్యవస్థ రష్యన్ దళాలకు ఖచ్చితంగా చట్టబద్ధమైన లక్ష్యం అని చెప్పారు. ఉక్రెయిన్‌కు అమెరికా నుంచి ఒకటి, జర్మనీ నుంచి ఇంకొకటి కనీసం రెండు పేట్రియాట్ వ్యవస్థలు పొందింది.
Read More Latest International News And Telugu News
