News

uma maheswari death, Lakshmi Parvathi: ఉమామహేశ్వరి మంచి అమ్మాయి.. ఆ లెటర్ మాయం చేశారు – ntr wife lakshmi parvathi comments on kantamaneni uma maheswari death


న్టీఆర్ కుమార్తె కంఠమనేని ఉమామహేశ్వరి మృతిపై లక్ష్మీ పార్వతి (Lakshmi Parvathi) సంచలన వ్యాఖ్యలు చేశారు. ఉమామహేశ్వరి మృతి మిస్టరీగా మారిందని.. ఆమె (Kantamaneni Uma Maheswari) మరణం వెనుక ఏదో కారణం ఉందని ఆరోపించారు. ఆత్మహత్యకు ముందు ఆమె సూసైడ్ నోట్ రాశారని, చంద్రబాబు నాయుడు వెళ్లాక ఆ లెటర్ మాయమైందని సంచలన వ్యాఖ్యలు చేశారు. ఎన్టీఆర్ కుటుంబానికి చంద్రబాబు నాయుడు (Nara Chandrababu Naidu) శని లాంటివారంటూ ధ్వజమెత్తారు. ఉమామహేశ్వరి చాలా మంచి అమ్మాయి, సంస్కారం ఉన్న వ్యక్తి అని, ఆత్మహత్య చేసుకునేంత పిరికివారు కారని లక్షీ పార్వతి అన్నారు. ఆమె మరణానికి ఆస్తుల విషయంలో వేధింపులే కారణమై ఉండొచ్చునని అనుమానం వ్యక్తం చేశారు. సీబీఐతో విచారణ జరిపించాలని డిమాండ్ చేశారు. లక్ష్మీ పార్వతి బుధవారం (ఆగస్టు 3) మధ్యాహ్నం మీడియా సమావేశంలో మాట్లాడారు.

‘ఉమామహేశ్వరి మరణవార్త చాలా బాధ కలిగించింది. ఆ రోజు నేను భోజనం కూడా చేయలేదు. 30 ఏళ్ల కిందట ఆమె నా ఇంటికొచ్చింది. పట్టు చీర, నగ పెట్టి పంపించాను. ఇంట్లో గొడవలు జరుగుతున్న సమయంలో అమెరికా నుంచి ఫోన్ చేసి నాతో మాట్లాడింది. నిజంగా నాకేం తెలియదు, అన్నదమ్ములే చేస్తున్నారని చెప్పింది. భలే సంస్కారం ఉన్న అమ్మాయి ఆమె. చాలా మంచి అమ్మాయి. ఉత్తమురాలు. అట్లాంటి అమ్మాయి ఇంత హఠాత్తుగా ఆత్మహత్య చేసుకుందంటే నమ్మలేకపోతున్నాం. ఎన్టీఆర్ కుటుంబంలో ఆ పిరికితనం లేదే?’ అని లక్ష్మీ పార్వతి అన్నారు.


నారా చంద్రబాబు నాయుడు, లోకేశ్‌పై లక్ష్మీ పార్వతి సంచలన ఆరోపణలు చేశారు. ‘బయటకొచ్చిన విషయాల్లో ఒకటి ఏంటంటే.. నువ్వూ, నీ కొడుకు కలిసి ఏదో ఆస్తి విషయంలో ఆ అమ్మాయిని చాలా వేధిస్తున్నారని, మీ మధ్య పెద్ద గొడవ జరిగిందని చెబుతున్నారు. ఆ విషయాలన్నీ ఆమె సూసైడ్ నోట్‌‌లో రాసి ఉరేసుకుంటే.. నువ్వు రాగానే ఆ లెటర్ మాయమైంది. నేనైతే నమ్ముతున్నాను. నీ మెంటాలిటీ అలాంటిది. నీ కొడుకును అందలాలు ఎక్కించడానికి ఎంతకైనా దిగజారుతావు’ అంటూ లక్ష్మీ పార్వతి ధ్వజమెత్తారు.

మాజీ స్పీకర్ కోడెల శివప్రసాద్ రావు మరణానికి కూడా చంద్రబాబు నాయుడే కారణమని లక్ష్మీ పార్వతి ఆరోపించారు. కోడెల ఫోన్ రికార్డింగ్‌ను మాయం చేశారని ఆరోపించారు. ఎన్టీఆర్ కుటుంబసభ్యులను మోసం చేస్తూనే ఉన్నారంటూ ఘాటు విమర్శలు చేశారు.

‘ఎన్టీఆర్‌కు వెన్నుపోటు పొడిచావు. మళ్లీ ఆయన ఫొటో పెట్టుకొని లబ్ధి పొందుతున్నావు. దగ్గుబాటి వేంకటేశ్వరరావును మోసం చేశావు. జూనియర్ ఎన్టీఆర్‌కు ఫాలోయింగ్ ఎక్కువగా ఉందని గుర్తించి, అతడి ఇంటికెళ్లి బంధుత్వాన్ని కలుపుకొని.. పార్టీ ప్రచారానికి వాడుకున్నావు. ఆ తర్వాత నీ కుమారుడు లోకేశ్ ఎదుగుదలకు అడ్డొస్తున్నాడని ఎన్టీఆర్‌ను చాలా దూరం పెట్టావు. మొదటి నుంచి ఇవన్నీ అలవాటైన పనులేగా’ అని లక్ష్మీ పార్వతి ఆరోపించారు.

NTR Daughter: ఉమామహేశ్వరి మంచి మనసు.. చివరి కోరిక తీర్చిన కుటుంబసభ్యులు
మరోవైపు.. ఉమామహేశ్వరి మృతిపై సోషల్ మీడియాలో తప్పుడు ప్రచారం చేస్తున్నారంటూ తెలుగు యువత అధ్యక్షుడు డాక్టర్ పొగాకు జైరామ్ చందర్ సైబరాబాద్ సైబర్ క్రైమ్ పోలీసులకు ఫిర్యాదు చేశారు. నారా లోకేశ్ పరువుకు భంగం కలిగించేలా పోస్టులు పెట్టారని తెలిపారు. తప్పుడు ప్రచారం చేస్తున్న వారిపై కఠిన చర్యలు తీసుకోవాలని పోలీసులను కోరారు.
తేళ్ల పంచమి.. వాటిని ముఖంపై వేసుకొని, వామ్మో ఇదేం పండుగ!

Advertisement

Related Articles

Back to top button