News

U19 Women’s T20WC: వరల్డ్ కప్ సెమీఫైనల్లో న్యూజిలాండ్‌తో తలపడనున్న భారత్



ఐపీఎల్ 2023 షెడ్యూల్‌ను ఫైనలైజ్ చేయడానికి బీసీసీఐ కసరత్తు చేస్తోంది. ఏప్రిల్ 1న లీగ్ ప్రారంభమయ్యే అవకాశం ఉండగా.. మే 28న ఆదివారం ఫైనల్ జరిగే ఛాన్స్ ఉంది. జూన్ 8న ఓవల్ వేదికగా వరల్డ్ టెస్ట్ ఛాంపియన్‌షిప్ ఫైనల్ ప్రారంభం కానుండటంతో.. ఐపీఎల్ ఫైనల్ తేదీని బీసీసీఐ ఓ వారం ముందుకు జరిపింది. ఐపీఎల్‌ను 74 రోజులపాటు నిర్వహించాలని బోర్డు భావించింది. కానీ మెగా లీగ్ ప్రారంభానికి ముందు మార్చి 22 వరకు ఆస్ట్రేలియాతో 4 టెస్టులు, మూడు వన్డేల సిరీస్‌లో భారత్ తలపడనుంది. దీంతో చివరకు 58 రోజులపాటు ఐపీఎల్ నిర్వహించాలని బీసీసీఐ భావిస్తోంది. ఫిబ్రవరి తొలి వారంలో ఐపీఎల్ షెడ్యూల్‌ను బీసీసీఐ అధికారికంగా ప్రకటించనుంది. ‘ఐపీఎల్ షెడ్యూల్ విషయంలో తుది దశ చర్చలు జరుగుతున్నాయి. వచ్చే నెల తొలి వారంలో షెడ్యూల్ విడుదల కానుంది. మహిళల ఐపీఎల్ జట్లను ఫైనలైజ్ చేశాక ఐపీఎల్ జీసీ భేటీ జరగనుంది. ఆ భేటీలో ఐపీఎల్ షెడ్యూల్‌ను ఖరారు చేస్తారు. జూన్ రెండో వారంలో డబ్ల్యూటీసీ ఫైనల్ ఉండటంతో మే నెలాఖర్లో ఐపీఎల్‌ను ముగించాలని అనుకుంటున్నాం. లీగ్‌ను ఏప్రిల్ 1న ప్రారంభించే యోచనలో ఉన్నాం’ అని బీసీసీఐ సీనియర్ అధికారి ఒకరు తెలిపారు. ఐపీఎల్ 2023ని ఏప్రిల్ 1న ప్రారంభించి.. జూన్ మొదటి వారంలో ఫైనల్ నిర్వహించాలని ఇంతకు ముందు బీసీసీఐ భావించింది. కానీ డబ్ల్యూటీసీ ఫైనల్ నేపథ్యంలో ప్లాన్‌ను మార్చుకుంది. బోర్డర్ గావస్కర్ ట్రోఫీలో భారత్ ఒకవేళ ఆస్ట్రేలియాను 3-1 లేదా 2-0 లేదా అంతకంటే ఎక్కువ మార్జిన్‌తో ఓడిస్తే.. డబ్ల్యూటీసీ ఫైనల్ చేరుకుంటుంది. అప్పుడు ఐపీఎల్ ఫైనల్ ముగిసిన వారానికే భారత్ ఇంగ్లిష్ గడ్డ మీద డబ్ల్యూటీసీ ఫైనల్ ఆడాల్సి ఉంటుంది. భారత్ గ్రూప్-1లో ఉండగా.. పాకిస్థాన్ మరో గ్రూప్‌లో ఉండటంతోపాటు ఆ జట్టు సూపర్ సిక్స్ దశలోనే నిష్క్రమించడంతో.. ఈ అండర్ 19 టీ20 వరల్డ్ కప్‌లో దాయాదులు ముఖాముఖి తలపడలేకపోయాయి.అండర్ 19 టీ20 వరల్డ్ కప్‌లో ఇప్పటి వరకూ గణాంకాల విషయానికి వస్తే.. ఇంగ్లాండ్ బ్యాటర్ గ్రేస్ స్ర్క్రీవెన్స్ 5 మ్యాచ్‌ల్లో 269 పరుగులతో టోర్నీలో టాప్ స్కోరర్‌గా కొనసాగుతోంది. 5 మ్యాచ్‌ల్లో 231 పరుగులు చేసిన భారత బ్యాటర్ శ్వేత షెరావత్ రెండో స్థానంలో ఉంది. భారత కెప్టెన్ షఫాలీ వర్మ 147 పరుగులతో ఆరో స్థానంలో ఉంది. బౌలింగ్ విషయానికి వస్తే పాక్ బౌలర్ అనోషా నసీర్ 5 మ్యా్చ్‌ల్లో 10 వికెట్లు పడగొట్టింది. భారత బౌలర్లలో మన్నత్ కశ్యప్ (4 మ్యాచ్‌ల్లో 7 వికెట్లు మాత్రమే) టాప్-15లో చోటు దక్కించుకుంది.

Related Articles

Back to top button