News

TRS MLAs Poaching Case, TRS MLAల కొనుగోళ్ల వ్యవహారంలో మరో ట్విస్ట్.. ప్రగతిభవన్ నుంచే సీక్రెట్ ఆపరేషన్..? KCR డైరెక్షన్‌లోనే అలా.. – new things come to light in the case of trs mlas


TRS MLAs poaching case: టీ పాలిటిక్స్‌లో కలకలం సృష్టిస్తోన్న టీఆర్ఎస్ ఎమ్మెల్యేల కొనుగోళ్ల ఎపిసోడ్‌లో రోజుకో కొత్త విషయం వెలుగులోకి వస్తోంది. ఈ వ్యవహారంలో బయటపడుతున్న కొత్త విషయాలు రాష్ట్ర రాజకీయాలను కుదిపేస్తోన్నాయి. టీఆర్ఎస్, బీజేపీ మధ్య పొలిటికల్ వార్‌కు ఇది మరింత ఆజ్యం పోసినట్లైంది. గత నాలుగైదు రోజులుగా హీట్ పుట్టించిన బేరసారాల వ్యవహారం ఇప్పుడు కాస్త చల్లపడింది. టీఆర్ఎస్ నేతల ఆరోపణలు, బీజేపీ నేతల కౌంటర్లు, బండి సంజయ్ ప్రమాణం, ఆడియో కాల్స్‌తో దుమారం చెలరేగడంతో మునుగోడు ఉపఎన్నిక చర్చ కాస్త సైడ్ అయింది.

టీఆర్ఎస్ ఎమ్మెల్యేల ‘ఎర’ కేసుకు సంబంధించి కీలక విషయాలు తెరపైకి వస్తోన్నాయి. ప్రగతిభవన్ నుంచే ఈ ఆపరేషన్ జరిగినట్లు ప్రచారం జరుగుతోంది. పైలెట్ రోహిత్ రెడ్డి ఆధ్వర్యంలోనే ఈ సీక్రెట్ ఆపరేషన్ జరిగిందని, కేసీఆర్ డైరెక్షన్‌లో ప్రగతిభవన్ నుంచే ఆయన నిందితులతో కాన్ఫరెన్స్ కాల్స్ మాట్లాడినట్లు చెబుతున్నారు. ఈ ఆపరేషన్ తర్వాత రోహిత్ రెడ్డి అండర్ గ్రౌండ్‌లోకి వెళ్లడం, ఆయనకు బుల్లెట్ ప్రూప్ వెహికల్‌తో పాటు 4+4 గన్‌మెన్లలో సెక్యూరిటీ పెంచుతూ నిర్ణయం తీసుకోవడంతో ఈ ఆపరేషన్‌ కేసీఆర్ కనుసన్నల్లోనే జరిగిందనే అనుమానాలకు బలం చేకూరుతుందని రాజకీయ వర్గాల్లో అనుమానం వ్యక్తమవుతోంది.

ఈ కేసులో కీలక నిందితుడగా ఉన్న నందుతో రోహిత్ రెడ్డికి ముందు నుంచి పరిచయాలు ఉన్నాయి. నందుకి అన్ని పార్టీల నేతలతో సంబంధాలు ఉన్నాయి. దీంతో నందు మధ్యవర్తిగా పైలెట్ రోహిత్ రెడ్డితో బీజేపీ టచ్‌లోకి వెళ్లిందని అంటున్నారు. తాండూర్‌లో ఎమ్మెల్సీ పట్నం మహేందర్ రెడ్డితో పైలెట్ రోహిత్ రెడ్డికి విబేధాలు ఉండటం, వచ్చే ఎన్నికల్లో ఆయనకే టికెట్ ఇచ్చే ఆలోచనలో టీఆర్ఎస్ ఉంది. దీంతో బీజేపీ నేతల కొనుగోళ్ల వ్యవహారం కేసీఆర్ దష్టికి తీసుకెళ్లడం ద్వారా తనకు రాజకీయంగా ఉపయోగపడుతుందని రోహిత్ రెడ్డి భావించారని, అందుకు ఈ రహస్య సమాచారాన్ని కేసీఆర్‌కు అందించినట్లు చెబుతున్నారు. దీంతో కేసీఆర్ పక్కా ప్లాన్‌తో నిందితును రోహిత్ రెడ్డి ఫాంహౌస్‌కి పిలిపించి పోలీసుల వలలో పడేలా చేశారనే వార్తలు వస్తున్నాయి.

నందు, రామచంద్ర భారతి స్వామీజీతో రోహిత్ రెడ్డి మాట్లాడిన ఆడియో కాల్స్ కలకలం రేపుతోన్న విషయం తెలిసిందే. ఇందులో ఎమ్మెల్యేల పేర్లను తాను చెప్పనంటూ రోహిత్ రెడ్డి తెలపడం వెనుక కారణం నిందితులను సీక్రెట్‌గా పట్టుకోవడం కోసమే అనే చర్చ జరుగుతోంది. మిగతా ముగ్గురు కేవలం రోహిత్ రెడ్డికి సహాయం చేసేందుకే ఫాంహౌస్‌కి వెళ్లారని అంటున్నారు. పోలీసులు నిందితులను పట్టుకున్న తర్వాత పినపాక ఎమ్మెల్యే రేగా కాంతారావు బయటకు వస్తూ సీఎం కేసీఆర్ ఇచ్చిన టాస్క్‌ను పూర్తి చేశామంటూ చెప్పుకొచ్చారు. దీంతో ఆడియో కాల్స్‌లో రోహిత్ రెడ్డి మాట్లాడిన విషయాలు, రేగా కాంతారావు వ్యాఖ్యలను బట్టి చూస్తే.. బీజేపీని అడ్డంగా బుక్ చేసేందుకు కేసీఆర్ చేసిన సీక్రెట్ ఆపరేషన్‌గా అనుమానాలు వ్యక్తమవుతున్నాయి. రోహిత్ రెడ్డి ద్వారా ముందే పోలీసులకు సమాచారమిచ్చారని, పోలీసులు అధికారుల సాయంతో ఈ ఆపరేషన్ చేపట్టినట్లు చెబుతున్నారు.

Related Articles

Back to top button