News

Tirupati Robbery Gang Arrested, తిరుపతి: కారులో రూ.35 లక్షలు చోరీ.. గంటలోపే దొరికిన దొంగలు, స్మార్ట్ ‘ఐడియా’తో! – police chased and caught robbery gang in tirupati


Authored by Thirumala Babu | Samayam Telugu | Updated: 4 Nov 2022, 5:55 am

Tirupati Robbery Gang Arrest చేశారు. రూ.35 లక్షల నగదును దోచుకుని కారులో పారిపోతున్న దొంగలను సినీఫక్కీలో పట్టుకున్నారు. రూ.35 లక్షల నగదును బ్యాగ్ లో ఉంచుకుని రిజిస్ట్రేషన్ కార్యాలయానికి బయల్దేరారు. ఇంతలో నగదు మీద దొంగల కన్ను పడింది. సడన్‌గా కారులో వచ్చి ఉన్నట్లుండి బ్యాగును లాక్కొని పారిపోయారు. ఆపద సమయంలోనూ చాలా తెలివిగా వ్యవహరించడంతో పోలీసులకు దొంగలు దొరికిపోయారు. సినిమా రేంజ్‌లో ఈ మొత్తం ఛేజ్ సాగింది.

 

ప్రధానాంశాలు:

  • తిరుపతి చోరీ గ్యాంగ్‌ను అరెస్ట్ చేశారు
  • కారులో నుంచి డబ్బులు లాక్కెళ్లారు
  • గ్యాంగ్‌ను పట్టుకున్న పోలీసులు
ఆధ్యాత్మిక నగరం తిరుపతిలో దొంగతనాలు ఈ మధ్యకాలంలో పెరిగిపోతున్నాయి. ముఖ్యంగా.. శివారు ప్రాంతాల్లో చోరులు చెలరేగిపోతున్నారు. గతనెల్లోనే తిరుపతి శివారు ప్రాంతాల్లో చెడ్డీ గ్యాంగ్ హల్ చల్ చేయడం చూశాం. తాజాగా మరో రకం దొంగలు వచ్చారు. కారులో వచ్చి.. బ్యాగులు లాక్లెళ్కే దొంగలను పోలీసులు అదుపులోకి తీసుకున్నారు. అది కూడా మామూలుగా కాదు.. ఛేజ్ చేసి మరీ దొంగలను పట్టుకున్నారు.

రూ.35 లక్షల నగదును దోచుకుని కారులో పారిపోతున్న దొంగలను సినీఫక్కీలో పట్టుకున్నారు తిరుపతి పోలీసులు. కారును వెంబడించి.. సినిమా లెవల్లో ఛేజ్ చేసి దొంగలముఠాను అదుపులోకి తీసుకున్నారు. వివరాల్లోకి వెళ్తే భూమి రిజిస్ట్రేషన్ కోసం కొంత మంది.. రూ.35 లక్షల నగదును బ్యాగ్ లో ఉంచుకుని రిజిస్ట్రేషన్ కార్యాలయానికి బయల్దేరారు. ఎలా ఉప్పు అందిందో ఏమో తెలీదు కానీ.. ఆ నగదు మీద దొంగల కన్ను పడింది. ఇంకేముంది కారులో వచ్చి ఉన్నట్లుండి బ్యాగును లాక్కొని ఉడాయించారు. దీంతో ఒక్కసారిగా అవాక్కైన బాధితులు.. చాకచక్యంగా వ్యవహరించి దుండగులు పారిపోయిన కారు నెంబర్ నోట్ చేసుకున్నారు. ఆ తర్వాత పోలీసులకు సమాచారం ఇచ్చారు.

బాధితులు ఇచ్చిన సమాచారంతో రంగంలోకి దిగిన పోలీసులు.. కారును వెంబడించారు. సినిమా లెవల్లో ఛేజ్ చేసి చంద్రగిరి మండలం గాదెంకి టోల్ ప్లాజా వద్ద దొంగలను పట్టుకున్నారు. మొత్తంగా ఆపద సమయంలోనూ చాలా తెలివిగా కారు నెంబర్ నోట్ చేసుకున్న బాధితులు.. తమ సమయస్ఫూర్తితో పోగోట్టుకున్న సొమ్మును తిరిగి రాబట్టుకున్నారు. ఇదే సమయంలో సమాచారం అందిన వెంటనే రంగంలోకి దిగిన పోలీసులపైనా ప్రశంసలు కురుస్తున్నాయి.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button