News

tirumala srivari darshan tickets, తిరుమల శ్రీవారి భక్తులకు అలర్ట్.. 21న నవంబర్ కోటా దర్శన టికెట్లు జారీ: టీటీడీ – ttd announced that will distribute november month srivari darshan tickets from september 21


నవంబర్ నెలలో తిరుమల శ్రీవారి దర్శన టికెట్లకు సంబంధించి సోమవారం టీటీడీ కీలక ప్రకటన చేసింది. సెప్టెంబర్ 21న ఈ టికెట్లను విడుదల చేయ‌నున్నట్లు వెల్లడించింది.

 

తిరుమల శ్రీవేంకటేశ్వర స్వామి వారి దర్శనానికి సంబంధించి తిరుమల తిరుపతి దేవస్థానం (టీటీడీ) కీలక ప్రకటన చేసింది. సెప్టెంబర్ 21న ఉదయం 9 గంటలకు నవంబర్ నెలకు సంబంధించిన ప్రత్యేక ప్రవేశ దర్శన (రూ.300) టికెట్లను విడుదల చేయ‌నున్నట్లు టీటీడీ ప్రకటించింది. నవంబర్ నెలలో శ్రీవారికి నిర్వహించనున్న కల్యాణోత్సవం, ఊంజల్ సేవ, సహస్ర దీపాలంకార సేవ, ఆర్జిత సేవా టికెట్లను సెప్టెంబర్‌ 21వ తేదీన మధ్యాహ్నం 3 గంటలకు ఆన్‌లైన్‌లో అందుబాటులోకి తీసుకురానున్నట్లు వివరించింది.

టికెట్ల లభ్యతను బట్టి మొద‌ట వ‌చ్చిన వారికి మొద‌ట ప్రాతిపదికన కేటాయించనున్నట్లు టీటీడీ ప్రకటించింది. నవంబర్ నెల శ్రీవారి ఆర్జిత సేవా ఎలక్ట్రానిక్ డిప్ రిజిస్ట్రేషన్ల ప్రక్రియ సెప్టెంబర్ 21వ తేదీ నుంచి అందుబాటులో ఉంటుందని వెల్లడించింది. అలాగే, అక్టోబర్ నెలకు సంబంధించి పొర్లుదండాలు టోకెన్లను సెప్టెంబర్ 22న ఉదయం 9 గంటలకు ఆన్‌లైన్‌లో విడుదల చేయనున్నట్లు టీటీడీ తెలిపింది.

అయితే, అక్టోబర్ 1వ తేదీ నుంచి 5వ తేదీ వ‌ర‌కు బ్రహ్మోత్సవాలు జరగనున్న నేపథ్యంలో ఈ తేదీల్లో ప్రదక్షిణం టోకెన్లు జారీ చేయడం లేదని టీటీడీ పేర్కొంది. భక్తులు ఈ విషయాన్ని గమనించి తదనుగుణంగా టిక్కెట్లను బుక్ చేసుకోవాలని కోరింది.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button