Tirumala Ghat Roads Rock Bolting,తిరుమలకు వచ్చే భక్తుల కోసం టీటీడీ కీలక నిర్ణయం.. ఆ పెద్ద సమస్యకు పరిష్కారం! – ttd rock bolting work in tirumala ghat roads

సెప్టెంబ‌రు 15న శ్రీ క‌పిలేశ్వ‌రాల‌యంలో ల‌క్ష‌కుంకుమార్చ‌న సేవ‌

తిరుపతి శ్రీ కపిలేశ్వరస్వామివారి ఆలయంలో సెప్టెంబ‌రు 15న శుక్ర‌వారం శ్రీ కామాక్షి అమ్మవారికి లక్ష కుంకుమార్చన సేవ జ‌రుగ‌నుంది. శ్రావణమాసంలో చివరి శుక్రవారం రోజున ఆల‌యంలో లక్ష కుంకుమార్చన సేవ నిర్వ‌హించ‌డం ఆన‌వాయితీగా వ‌స్తోంది. ఇందులో భాగంగా ఉద‌యం 6 గంట‌ల‌కు గ‌ణ‌ప‌తి పూజ‌, పుణ్యాహవ‌చ‌నం, ఉద‌యం 7 నుండి మ‌ధ్యాహ్నం 12 గంట‌ల వ‌ర‌కు ఆలయంలోని మండపంలో శ్రీ కామాక్షి అమ్మవారిని కొలువుదీర్చి ల‌క్ష‌కుంకుమార్చన నిర్వ‌హిస్తారు. సాయంత్రం 6 నుండి రాత్రి 8 గంట‌ల వ‌ర‌కు శ్రీ చంద్ర‌శేఖ‌ర స్వామి, శ్రీ మ‌నోన్మ‌ణి అమ్మ‌వారి వీధి ఉత్స‌వం జ‌రుగ‌నుంది.

తిరుప్పావై ప్ర‌వ‌చ‌న కర్తల నుండి అంగీకార‌ప‌త్రాలకు ‌ ఆహ్వానం

పవిత్రమైన ధనుర్మాసంలో ఈ ఏడాది డిసెంబరు 17 నుంచి 2024 జనవరి 14వ తేదీ వరకు దేశంలోని వివిధ ప్రాంతాల్లో తిరుప్పావై ప్ర‌వ‌చ‌నాలు చెప్పేందుకు సమర్థులైన శ్రీవైష్ణవ సిద్ధాంతం తెలిసిన విద్వాంసుల నుంచి అంగీకారపత్రాలను టీటీడీ ఆహ్వానిస్తోంది. 2015 నుండి 2023వ సంవ‌త్స‌రం వ‌ర‌కు తిరుప్పావై ప్ర‌వ‌చ‌నాలు చెప్పిన వారు ఈ సంవ‌త్స‌రం కూడా అంగీకారం తెల‌పాల్సిందిగా కోర‌డ‌మైన‌ది.

హిందూ ధార్మిక ప్రాజెక్టుల‌ ఆధ్వర్యంలో ప్రతి ఏటా ధనుర్మాసంలో దేశంలోని వివిధ ప్రాంతాల్లో తిరుప్పావై ఉపన్యాసాలు నిర్వహిస్తున్న విషయం తెలిసిందే. ఇందులో భాగంగా అర్హులైనవారు అక్టోబ‌రు 15వ తేదీ సాయంత్రం 5 గంటలలోపు ”ప్రత్యేకాధికారి, ఆళ్వార్‌ దివ్యప్రబంధ ప్రాజెక్టు, శ్వేత భవనం, టీటీడీ, తిరుపతి-517502” అనే చిరునామాకు తమ అంగీకారపత్రాలు పంపాల్సి ఉంటుంది. న‌మూనా అంగీకారపత్రాన్ని www.tirumala.org వెబ్‌సైట్‌లో పొందుప‌ర‌చ‌డ‌మైన‌ది. ఇతర వివరాలకు టీటీడీ ధార్మిక ప్రాజెక్టుల కార్యాలయాన్ని 9676120226, 8978734947 నంబర్ల‌ను కార్యాల‌య వేళ‌ల్లో సంప్రదించగలరు.

• Read More Andhra Pradesh News And Telugu News