News

tiger nageswara rao, Ravi Teja: ‘టైగర్ నాగేశ్వరరావు’ సెట్స్‌లో రేణు దేశాయ్ ఎంట్రీ.. వీడియో వైరల్ – renu desai and anupam kher entry in ravi teja tiger nageswara rao movie sets


టైగర్ నాగేశ్వరరావు (Tiger Nageswara Rao) మూవీతో సందడి చేసేందుకు రెడీ అవుతున్నాడు మాస్ మహారాజ రవితేజ (Ravi Teja). ఇటీవల రామారావు ఆన్ డ్యూటీ (Ramarao On Duty) సినిమాతో బాక్సాఫీసు ముందుకురాగా.. డిజాస్టర్‌గా నిలిచింది. ఈ నేపథ్యంలో ఎలాగైనా హిట్ కొట్టాలనే కసితో డిఫరెంట్ స్టోరీని ఎంచుకున్నాడు. స్టువర్ట్‌పురం దొంగ టైగర్ నాగేశ్వరరావు జీవిత ఆధారంగా తెరకెక్కుతున్న ఈ సినిమాకు వంశీ (Vamshi) దర్శకత్వం వహిస్తున్నాడు. కాగా ఈ సినిమాలో పవన్ కళ్యాణ్ మాజీ భార్య, నటి రేణు దేశాయ్ (Renu Desai), నేషనల్ అవార్డు గ్రహీత అనుపమ ఖేర్‌ (Anupam Kher) కీలక పాత్రల్లో నటిస్తున్నారు.

ప్రస్తుతం టైగర్ నాగేశ్వరరావు షూటింగ్ శరవేగంగా జరుగుతుండగా.. మూవీ సెట్స్‌కు సంబంధించిన ఓ వీడియో నెట్టింట చక్కర్లు కొడుతోంది. ప్రత్యేకంగా తీర్చిదిద్దిన ఓ గ్రామంలో రాత్రి పూట షూటింగ్ నిర్వహిస్తున్నారు. రేణు దేశాయ్, అనుపమ ఖేర్ సెట్స్‌లో ఎంట్రీ ఇచ్చినట్లు క్యాప్షన్ ఇచ్చారు.

ఈ సినిమా ద్వారా రవితేజ తొలిసారి పాన్ ఇండియా లెవల్లో ఎంట్రీ ఇస్తున్నాడు. ఇప్పటికే మూవీలో రవి తేజ లుక్‌ను రిలీజ్ చేయగా.. ఫ్యాన్స్‌ను బాగా ఆకట్టుకుంది. భారీ బడ్జెట్‌తో రూపొందుతున్న ఈ మూవీలో మాస్ మహారాజా సిక్స్ ప్యాక్‌ బాడీలో కనిపిస్తున్నట్లు తెలుస్తోంది. రవితేజ సరసన నుపుర్ సనన్‌ (Nupur Sanon) హీరోయిన్‌గా నటిస్తోంది. కాగా.. వరుస ప్రాజెక్టులతో మాస్ మాహారాజా ఫుల్ బిజీగా ఉన్నాడు. రావణాసుర, ధమాకా సినిమాలు సెట్స్‌పై ఉన్నాయి. మరోవైపు మెగాస్టార్ చిరంజీవి Mega 154 మూవీలోనూ కీలక పాత్రలో యాక్ట్ చేస్తున్నాడు.

Related Articles

Back to top button