News

Thieves return, Ghaziabad: ఇంట్లో సొమ్మంతా దోచుకెళ్లి… అదే ఇంటికి కొరియర్ పంపించిన దొంగ.. అయోమయంలో పోలీసులు – thieves return stolen jewellery through courier to victim in ghaziabad


Ghaziabad: ఈ మధ్య దొంగలు మనస్సు దోచుకుంటున్నారు. చోరీ సొత్తును వెనక్కి ఇచ్చేస్తున్నారు. పైగా చేసిన పనికి క్షమాపణలు కూడా కోరుకుంటున్నారు. దాంతో దొంగలు అందరి మదిని గెలుచుకుంటున్నారు. తాజాగా ఇలాంటి ఘటన ఉత్తరప్రదేశ్‌లోని ఘజియాబాద్‌లో జరిగింది. ఓ ఇంట్లో చోరీ చేసి.. బంగారం, డబ్బు ఎత్తుకెళ్లిన వ్యక్తి.. తిరిగి వాటిని అంతే భద్రంగా ఇచ్చేశాడు.

టీచర్ ఇంట్లో చోరీ…
ఘజియాబాద్‌లోని రాజానగర్ ఎక్స్‌టెన్షన్ పరిధిలో ఉంటున్న ఓ టీచర్ కుటుంబం ఊరు వెళ్లింది. అదే సమయంలో వారి ఇంట్లో దొంగతనం జరిగింది. ఇంట్లో ఉన్న బంగారు నగలతో పాటు కొన్ని సామాన్లను కూడా ఎత్తుకెళ్లారు. టీచర్.. అక్టోబర్ 27న తిరిగి వచ్చి చూస్తే.. ఇల్లంతా గందరగోళంగా ఉంది. దాంతో వెంటనే పోలీసులను ఆశ్రయించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. ఆ ప్రాంతంలోని సీసీ టీవీ ఫుటేజ్‌ను కూడా పరిశీలించారు. అందులో ఓ వ్యక్తి బ్యాగ్‌తో సహా బయటకు వస్తున్న దృశ్యాలు ఉన్నాయి.

Read Also:’సారీ బ్రో’.. ల్యాప్‌టాప్ కొట్టేయాల్సి వచ్చింది.. యజమానికే మెయిల్ చేసిన దొంగ

కొరియర్ పంపించిన దొంగ…
అయితే దొంగతనం జరిగిన ఆ ఇంటికి అక్టోబర్ 31న ఒక కొరియర్ వచ్చింది. అందులో ఏముందోనని టీచర్ కుటుంబం భయపడింది. దానిని పోలీసులకు అప్పజెప్పింది. పోలీసులు దానిని ఓపెన్ చేసి చూసి షాక్ అయ్యారు. ఎందుకంటే అందులో బంగారు ఆభరణాలు ఉన్నాయి. వాటి విలువ రూ.5లక్షలు విలువ ఉంటుంది. దొంగతనం చేసిన ఆ వ్యక్తే దానిని పంపించినట్టు పోలీసులకు అర్థం అయింది. అయితే రూ.20 లక్షలు విలువ చేసే నగలు, వస్తువులు ఎత్తుకెళ్లారని కుటుంబ సభ్యులు అంటున్నారు.

ఫేక్ అడ్రస్…
కాగా ఆ కొరియర్‌పై ఉన్నది ఫేక్ అడ్రస్ అని తేలింది. దానిపై ఉన్న ఫోన్ నెంబర్ కూడా నకిలీదని తేలింది. అయితే ఆ దొంగ ఎందుకు ఇలా మళ్లీ కొన్ని నగలను తిరిగి ఇచ్చేశాడో తెలియరాలేదు. పోలీసులు మాత్రం ఆ దొంగ కోసం గాలింపు చేపడుతున్నారు. అయితే స్థానికులు మాత్రం దీనిపై మిశ్రమంగా స్పందిస్తున్నారు. కొందరు ఆ దొంగను మెచ్చుకుంటుంటే.. మరికొందు ఇందులో ఏదో కుట్ర ఉందని అనుమానిస్తున్నారు.

ఇలాంటి ఘటనే ఈ మధ్యకాలంలో జరిగింది. మధ్యప్రదేశ్‌లో ఓ వ్యక్తి ఆలయంలో విలువైన వస్తువులు ఎత్తుకెళ్లిపోయాడు. ఇంతలోనే మనస్సు మార్చుకుని.. వాటిని ఓ బ్యాగ్‌లో పెట్టి వెనక్కి ఇచ్చేశాడు. పైగా అందులో క్షమించమని కోరుతూ ఓ లెటర్ కూడా పెట్టాడు. వాటి కొట్టేసిన దగ్గర నుంచి తనకేం బాగోలేదని, తనను క్షమించాలని కోరాడు. దానిని చూసి పోలీసులు అవాక్కయ్యారు. అయితే అలా దోచుకున్న సొమ్మును వెనక్కి ఇచ్చేసిన దొంగపై చాలామంది సానుభూతి చూపించారు. మంచి దొంగ అని ప్రశంసలు కూడా కురిపించారు.

Read Also:దొంగ చేసిన పనికి విస్తుపోయిన పోలీసులు… ఆలయంలో చోరీ చేసి క్షమించమంటూ లేఖ

Advertisement

Related Articles

Back to top button