News

tella panchami, తేళ్ల పంచమి.. వాటిని ముఖంపై వేసుకొని, వామ్మో ఇదేం పండుగ! – all about tella panchami a scorpion festival in telangana narayanpet and karnataka yadgir


తేళ్లను చూస్తేనే ఒళ్లు జలధరిస్తుంది. మరి ఒంటి మీదకి ఎక్కితే..?! ఆ పరిస్థితి ఊహించుకునేందుకే భయానకంగా ఉంది కదా. కానీ, కర్ణాటక రాష్ట్రంలోని యాద్గిర్ జిల్లా కందుకూరు గ్రామస్థులు మాత్రం తేళ్లను చేతులతో పట్టుకొని ఆడిస్తున్నారు (Tella Panchami). ముఖంపై, తలపై వేసుకుంటున్నారు. ఇక్కడ ఏటా నాగుల పంచమి రోజు తేళ్ల పంచమి జరుపుకొంటారు. ఇక్కడి కొండమవ్వ గుట్టపై ఉన్న తేళ్ల విగ్రహాలకు ఘనంగా పూజలు నిర్వహిస్తారు. తెలంగాణలోని నారాయణపేట జిల్లా కేంద్రానికి సరిహద్దులో కందుకూరు గ్రామం ఉంది. ఈ వేడుకలను చూసేందుకు ఇరు రాష్ట్రాలకు చెందిన ప్రజలు పెద్ద ఎత్తున తరలివస్తారు.

తేళ్లను చేతులపై, మొహంపై పెట్టుకొని ఆడుకుంటారు. కొంతమంది అయితే నాలుక మీద కూడా పెట్టుకుంటారు. వీళ్లకు తేళ్లంటే అస్సలు భయం లేదు. నాగుల పంచమి రోజు ఆ తేళ్లు వాళ్లను అస్సలు కుట్టవట.

సాధారణంగా నాగుల పంచమి రోజు పాముల పుట్టలో పాలు పోసి పండగ జరుపుకుంటారు. కానీ, కందుకూరు గ్రామంలో మాత్రం అందుకు విరుద్ధంగా తేళ్లకు పాలు పోసి తేళ్ల పంచమిని నిర్వహిస్తారు. పండుగను పురస్కరించుకొని కొండమవ్వ గుట్టపై ఉన్న తేళ్లకు పూజలు నిర్వహించి గుట్టపై రాళ్ల కింద, చెట్ల పొదల్లో ఉన్న తేళ్లను పట్టుకుని చిన్న పెద్ద తేడా లేకుండా వాటిని ఒంటిపై వేసుకొని ఆడుకుంటారు. తాజాగా నాగుల పంచమి సందర్భంగా మంగళవారం (ఆగస్టు 2) కూడా ఇలాగే వేడుకలు జరుపుకొన్నారు.

ఈ వింత పండుగను చూసేందుకు తెలంగాణ, కర్ణాటక నుంచే కాకుండా మహారాష్ట్ర నుంచి కూడా ప్రజలు తరలి వచ్చారు. దీంతో గుట్ట జనసంద్రమైంది. ఎక్కడ చూసినా తేళ్లను పట్టుకోవడానికి గుంపులు గుంపులుగా భక్తులు కనిపించారు. ఎలాంటి అవాంఛనీయ సంఘటనలు జరగకుండా కర్ణాటక పోలీసులు బందోబస్తును ఏర్పాటు చేసారు. కరోనా కారణంగా గత రెండేళ్లుగా భక్తులు ఈ పండుగకు పెద్దగా రాలేదట. వైరస్ ప్రభావం తగ్గడంతో ఈ ఏడాది భక్తులు పెద్ద సంఖ్యలో తరలివచ్చారు.

Also Read:

✦ సక్సెస్: కోలుకున్న మంకీపాక్స్ పేషంట్.. 25 రోజుల చికిత్స తర్వాత డిశ్చార్జ్

✦ ఉమామహేశ్వరి మంచి మనసు.. చివరి కోరిక తీర్చిన కుటుంబసభ్యులు

Advertisement

Related Articles

Back to top button