News

telangana state police, Safest City గా హైదరాబాద్‌కు మూడో స్థానం.. ఈ ఏడాది క్రైం రేట్ ఎంతంటే..? – hyderabad ranked third safest city in the country says telangana police


Authored by Ramprasad | Samayam Telugu | Updated: Sep 20, 2022, 2:05 PM

Safest City: దేశంలోనే అత్యంత సురక్షిత నగరంగా హైదరాబాద్‌కు మూడో స్థానం దక్కింది. ఏడాదిలో నమోదైన క్రిమినల్ కేసుల ఆధారంగా చేసిన సర్వే నివేదికను తెలంగాణ పోలీసు శాఖ పంచుకుంది. పది లక్షల జనాభాలో 2 వేల 599 కేసులు నమోదై హైదరాబాద్.. మూడో సేఫెస్ట్ సిటీగా నిలిచింది. మొదటి స్థానంలో కోల్‌కత్తా ఉంది. హైదరాబాద్‌ను దేశంలోనే సేఫెస్ట్ సిటీగా చేసేందుకు కృషి చేస్తున్నట్టు పేర్కొంటూ.. తెలంగాణ పోలీసు శాఖ ఈ నివేదికను అధికారిక ట్విట్టర్‌లో పంచుకుంది.

 

సేఫెస్ట్ సిటీ

ప్రధానాంశాలు:

  • దేశంలో అత్యంత సురక్షిత నగరాల్లో హైదరాబాద్‌కు మూడో స్థానం
  • మొదటి స్థానంలో నిలిపేందుకు కృషి చేస్తున్నామన్న తెలంగాణ పోలీసు శాఖ
  • అధికారిక ట్విట్టర్‌లో రిపోర్టు పంచుకున్న పోలీసు శాఖ
Safest City: తెలంగాణ రాజధాని హైదరాబాద్ (Hyderabad) అత్యంత వేగంగా అభివృద్ధి చెందుతోంది. విశ్వనగరంగా ఎదిగేందుకు అన్ని రంగాల్లో దూసుకుపోతోంది. ప్రపంచ దేశాల నుంచి పెట్టుబడులు వెల్లువలా వస్తున్నాయి. దేశం నలుమూల నుంచి వచ్చిన ప్రజలు హైదరాబాద్‌లో నిశ్చింతగా నివసిస్తున్నారు. వీటన్నింటికి ప్రధాన కారణం.. నగరంలోని శాంతి భద్రతలు. దేశంలో సురక్షిత నగరంగా హైదరాబాద్ మూడో స్థానంలో నిలిచినట్టు తెలంగాణ పోలీసు శాఖ (Telangana Police) తాజా రిపోర్టు విడుదల చేసింది. ఈ ఏడాది దేశంలోని ముఖ్య నగరాల్లో నమోదైన క్రైం కేసుల (Criminal Cases) నివేదికను పోలీసు శాఖ పంచుకుంది. పది లక్షల జనాభాలో 2 వేల 599 కేసులతో దేశంలోని సేఫెస్ట్ సీటీ (Safest City in India) ల్లో హైదరాబాద్ మూడో స్థానంలో నిలిచింది. కేవలం వెయ్యి 34 కేసులతో కోల్‌కత్తా మొదటి స్థానంలో నిలవగా.. 2 వేల 568 కేసులతో పూణె రెండో స్థానంలో నిలిచింది.

హైదరాబాద్‌ను దేశంలోనే అత్యంత సురక్షిత నగరం (Safest Cities in India) గా నిలిపేందుకు తెలంగాణ పోలీసు శాఖ (Telangana State Police) మొత్తం తీవ్రంగా కృషి చేస్తోందని ఆ శాఖ తన అధికారిక ట్విట్టర్‌లో స్పష్టం చేసింది. అతి తక్కువ క్రైం రేటు నమోదవటమే ఇందుకు నిదర్శనమని పేర్కొంది. పది లక్షల మంది జనాభాలో నమోదైన క్రిమినల్ కేసుల నివేదికను పోలీసు శాఖ పంచుకుంది. ఈ నివేదికలో అతి తక్కువ క్రైం కేసులు నమోదైన నగరాల్లో హైదరాబాద్ మూడో స్థానంలో నిలిచింది. అత్యల్పంగా వెయ్యి 34 కేసులతో దేశంలోనే సేఫెస్ట్ సిటీగా కోల్‌కత్తా నిలవగా.. అత్యధికంగా 18 వేల 596 కేసులతో నివేదికలోనే ఢిల్లీ టాప్‌లో ఉంది.

హైదరాబాద్‌లో హత్యలు, అత్యాచార ఘటనలు వెలుగులోకి వస్తున్నా.. వాటిని పోలీసులు వీలైనంత త్వరగా ఛేదిస్తున్నారు. అలాంటి ఘటనలు జరగకుండా పటిష్ట చర్యలను అమలు చేస్తున్నారు. ఇందులో భాగంగానే.. ఇటీవల కమాండ్ కంట్రోల్ టవర్స్‌ను ఏర్పాటు చేశారు. నగరవ్యాప్తంగా నిఘా పెట్టేందుకు ప్రంపచస్థాయి టెక్నాలజీతో కంట్రోల్ రూంను ఏర్పాటు చేశారు. నగరంలోని మూడు కమిషనరేట్‌ల పోలీసులు అనుక్షణం అప్రమత్తంగా ఉంటూ.. క్రైం రేటును తగ్గించేందుకు నిరంతరం గస్తీ కాస్తున్నారు. మత కలహాలు, ఉగ్ర చర్యలకు తావు లేకుండా.. పటిష్ట చర్యలు తీసుకుంటున్నారు. ఈ చర్యలన్నింటి ఫలితమే.. హైదరాబాద్‌కు దేశంలోనే సేఫెస్ట్ సిటీగా మూడో స్థానం దక్కింది.

  • Read More Telangana News and Telugu News

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button