News

telangana liberation day, Amit Shah: ఇవాళ హైదరాబాద్‌కు రానున్న కేంద్ర హోంమంత్రి అమిత్ షా – union home minister amit shah is coming to hyderabad today


Amit Shah:కేంద్ర హోంమంత్రి అమిత్‌ షా హైదరాబాద్ పర్యటనకు సంబంధించిన షెడ్యూల్‌ ఖరారైంది. శనివారం జరగబోయే తెలంగాణ విమోచన వేడుకల్లో పాల్గొనేందుకు.. అమిత్ షా ఇవాళ రాత్రి 9 గంటల 50 నిమిషాలకు శంషాబాద్‌ ఎయిర్‌పోర్టుకు చేరుకోనున్నారు. శంషాబాద్‌ విమానాశ్రయం నుంచి రోడ్డు మార్గం ద్వారా నేషనల్‌ పోలీసు అకాడమీకి వెళ్తారు. 17న పరేడ్‌ గ్రౌండ్‌లో నిర్వహించే విమోచన వేడుకల్లో పాల్గొంటారు. ఉదయం 8 గంటల 45 నిమిషాల నుంచి 11 గంటల 10 నిమిషాల వరకు అమిత్ షా పరేండ్ గ్రౌండ్‌లోనే ఉండనున్నారు. అనంతరం బేగంపేటలోని హరితప్లాజాలో తెలంగాణ బీజేపీ కోర్‌ కమిటీతో భేటీ కానున్నారు.

గత నెల 21న అమిత్ షా తెలంగాణ పర్యటనకు వచ్చారు. మునుగోడు సభలో పాల్గొనడానికి తెలంగాణకు వచ్చిన అమిత్ షా.. ముందుగా సికింద్రాబాద్ ఉజ్జయినీ మహంకాళీ అమ్మవారిని దర్శించుకొని ప్రత్యేక పూజలు చేశారు. ఆ తర్వాత అక్కడి నుంచి మోండా డివిజన్ సాంబమూర్తినగర్లోని బీజేపీ కార్యకర్త ఇంటికి వెళ్లారు. 30 ఏళ్లుగా పార్టీ కోసం పనిచేస్తున్న మంద సత్యనారాయణ ఇంట్లో అమిత్ షా టీ తాగారు. క్షేత్రస్థాయి కార్యకర్తలకు తాము అండగా ఉన్నామనే సందేశం పంపారు.

నెల రోజులు గడవక ముందే అమిత్ షా మళ్లీ తెలంగాణకు రావడం ప్రాధాన్యత సంతరించుకుంది. ఈసారి తెలంగాణ విమోచన దినోత్సవ వేడుకల్లో పాల్గొనడానికి వస్తున్నారని బీజేపీ నేతలు చెబుతున్నా.. తెలంగాణ బీజేపీ కోర్‌ కమిటీతో భేటీ కానుండటం హాట్ టాపిక్‌గా మారింది. తెలంగాణలో త్వరలో జరగబోయే అసెంబ్లీ ఎన్నికల్లో విజయం సాధించి.. అధికారం చేపట్టేందుకు బీజేపీ అడుగులు వేస్తోందనే టాక్ ఉంది. ఇతర పార్టీల నుంచి బలమైన నాయకులను చేర్చుకునేందుకు ప్రయత్నాలు చేస్తోంది. ఈ చేరికలు అన్నీ అమిత్ షా డైరెక్షన్‌లోనే సాగుతున్నాయని ప్రచారం జరుగుతోంది.

తెలంగాణలోని ప్ర‌తీ జిల్లాలో బీజేపీకి ఒక స్ట్రాంగ్ లీడ‌ర్ అండ‌గా ఉండేలా చూసుకోవాల‌ని.. దాని కోసం వెంట‌నే కార్యాచ‌ర‌ణ ప్రారంభించాల‌ని రాష్ట్ర నాయ‌కుల‌కు అమిత్ షా 2 నెలల కింద‌టే ఆదేశాలు ఇచ్చార‌ని అప్పట్లో ప్రచారం జరిగింది. రాష్ట్రంలో నెల‌కొన్న రాజ‌కీయ ప‌రిస్థితుల‌ను స‌ర్వే బృందాలు ఎప్ప‌టిక‌ప్పుడు నివేదిక‌ల రూపంలో ఆయ‌న‌కు పంపిస్తున్న‌ట్టు కూడా వార్తలు వచ్చాయి. వాటి ఆధారంగానే రాష్ట్ర నాయ‌క‌త్వానికి అమిత్ షా సూచ‌న‌లు చేస్తున్నారు.

ఈ నేపథ్యంలోనే అమిత్ షా మళ్లీ తెలంగాణకు వస్తున్నారనే టాక్ వినిపిస్తోంది. అమిత్ షా హైదరాబాద్ పర్యటన నేపథ్యంలో.. పోలీసులు భారీ బందోబస్తు ఏర్పాటు చేశారు. తెలంగాణకు చెందిన కేంద్రమంత్రి కిషన్ రెడ్డి.. పోలీసు ఉన్నతాధికారులతో చర్చించి.. భద్రత ఏర్పాట్లను పర్యవేక్షించారు. అటు 17న జరగబోయే తెలంగాణ విమోచన దినోత్సవంలో అమిత్ షా చేసే ప్రసంగం పైనే అందరి దృష్టి ఉంది. అమిత్ షా ఏం మాట్లాడతారు అని అన్ని పార్టీల నేతలు ఉత్కంఠగా ఎదురుచూస్తున్నారు.

Related Articles

Back to top button