News

Team India,Shreyas Iyer: అయ్యర్‌ విజయాల వెనుక అదృశ్యశక్తి.. ఆ ప్రభావంతోనే శతకాల మోత! – coach rahul dravid special training is behind shreyas iyer success in world cup 2023


ఒక్క అడుగు.. 12 ఏళ్ల సుధీర్ఘ నిరీక్షణను తెరదించేందుకు మిగిలింది కేవలం ఒక్క అడుగు. 140 కోట్ల మంది ప్రజల ఆశలను నెరవేర్చేందుకు ఇంకా మిగిలింది కేవలం.. ఒక్క అడుగు. నరేంద్ర మోదీ స్టేడియంలో టీమిండియా ప్రపంచఛాంపియన్‌గా నిలిచి వరల్డ్‌కప్ సగర్వంగా పైకి ఎత్తేందుకు మిగిలింది ఒక్క అడుగు. లీగ్ దశ నుంచి అజేయ జైత్రయాత్ర సాగిస్తూ వస్తున్న టీమిండియా.. ఓటమనేదే లేకుండా ఫైనల్ చేరింది. నవంబర్ 19న నరేంద్ర మోదీ స్టేడియం వేదికగా లక్షమందికిగా పైగా ప్రేక్షకుల మధ్య.. అంతిమ పోరుకు సిద్ధమైంది. ఆ మ్యాచ్‌లో గెలిచి ఆ ఒక్క అడుగు ముందుకు పడితే వన్డేలలో ప్రపంచ ఛాంపియన్ మనమే.

అయితే.. టీమిండియా ప్రపంచకప్ జర్నీలో ఎవరి పాత్రను తక్కువ చేయలేం. ఓపెనర్లుగా రోహిత్ శర్మ, శుభ్‌మన్ గిల్ శుభారంభాలు అందిస్తున్నారు. వన్‌డౌన్‌లో వస్తున్న కోహ్లి ఇన్నింగ్స్‌కు ఇరుసులా నిలుస్తున్నాడు. మిడిల్ ఓవర్లలో శ్రేయేస్ అయ్యర్ సిక్సులు, ఫోర్లతో విరుచుకుపడుతూ టీమిండియా భారీస్కోరుకు కారణమవుతున్నాడు. ఈ క్రమంలోనే ఈ ప్రపంచకప్‌లో వరుసగా రెండు మ్యాచ్‌లలో సెంచరీలు కొట్టేశాడు శ్రేయేస్ అయ్యర్. నెదర్లాండ్స్‌తో జరిగిన లీగ్ మ్యాచ్‌లో సెంచరీ కొట్టిన అయ్యర్.. న్యూజిలాండ్‌తో జరిగిన సెమీఫైనల్‌లోనూ సెంచరీతో టీమిండియా భారీస్కోరుకు కారణమయ్యాడు.

కివీస్‌తో సెమీఫైనల్‌లో 67 బాల్స్‌లోనే సెంచరీ చేసిన శ్రేయేస్ అయ్యర్.. ప్రపంచకప్‌ నాకౌట్ మ్యాచ్‌లో.. ఫాస్టెస్ట్ సెంచరీ కొట్టిన బ్యాటర్‌గా రికార్డు నెలకొల్పాడు. ఆసీస్ దిగ్గజం గిల్‌క్రిస్ట్ పేరు మీదున్న రికార్డును బ్రేక్ చేశాడు. అలాగే ప్రపంచకప్‌లో టీమిండియా తరుఫున మూడో ఫాస్టెస్ట్ సెంచరీ నమోదు చేశాడు. ఈ ప్రపంచకప్‌లోనే కేఎల్ రాహుల్ 62, రోహిత్ శర్మ 63 బంతుల్లో సెంచరీలు చేసి తొలి రెండు స్థానాల్లో ఉన్నారు. 67 బాల్స్‌లో సెంచరీ చేసిన అయ్యర్ మూడో స్థానానికి చేరుకున్నాడు.

అయితే ఈ ప్రపంచకప్ మధ్యలో ఓ దశలో శ్రేయేస్ అయ్యర్‌కు జట్టులో చోటే ప్రశ్నార్థకంగా మారింది. పదే పదే షార్ట్ పిచ్ డెలివరీలకు ఔట్ అవుతుండటం.. అయ్యర్ బలహీనతగా మారింది. ఇంగ్లండ్‌తో మ్యాచ్‌లో కీలక సమయంలో అయ్యర్ షార్ట్ పిచ్ బాల్‌కు ఔట్ కావటంతో విమర్శలు వ్యక్తమయ్యాయి. సునీల్ గవాస్కర్ వంటి మాజీలు సైతం శ్రేయేస్ అయ్యర్ బ్యాటింగ్ తీరుపై మండిపడ్డారు. అయితే శ్రేయేస్ అయ్యర్ బలహీనతలపై దృష్టిపెట్టిన కోచ్ రాహుల్ ద్రావిడ్.. అతనికి స్పెషల్ ట్రైనింగ్ ఇచ్చాడు.

శ్రీలంకతో మ్యాచ్‌కు ముందు రాహుల్ ద్రావిడ్ పర్యవేక్షణలో శ్రేయేస్ అయ్యర్‌కు స్పెషల్ బౌన్సర్ ట్రైనింగ్ అందించారు.ద్రావిడ్ డైరెక్షన్‌లో శ్రేయేస్ అయ్యర్ ఎక్కువగా బౌన్సర్లు, షార్ట్ పిచ్‌ డెలివరీలను ప్రాక్టీస్ చేశాడు. ఇక అక్కడి నుంచి అయ్యర్ ఆటతీరే మారిపోయింది. ప్రపంచకప్‌లో అప్పటి వరకూ ఆడిన ఆరుమ్యాచ్‌లలో కేవలం ఒకే హాఫ్ సెంచరీ కొట్టిన అయ్యర్.. స్పెషల్ ట్రైనింగ్ తర్వాత ఆడిన నాలుగు మ్యాచ్‌లలోనూ మెరుపులు మెరిపించాడు. శ్రీలంకతో జరిగిన మ్యాచ్‌లో 82 పరుగులు చేసిన శ్రేయేస్ అయ్యర్, సౌతాఫ్రికాతో మ్యాచ్‌లో 77 రన్స్ చేశాడు. ఇక నెదర్లాండ్స్‌, న్యూజిలాండ్ మీద వరుసగా సెంచరీలు నమోదు చేశాడు.

ఈ నేపథ్యంలో అయ్యర్ ఆటతీరుకు రాహుల్ ద్రావిడ్ స్పెషల్ ట్రైనింగే కారణమని ప్యాన్స్ సంబరపడుతున్నారు. అయ్యర్ ఇదే తీరులో ఫైనల్ మ్యాచ్‌లోనూ చెలరేగిపోతే.. 12 ఏళ్ల తర్వతా కప్ మనదేనంటూ సంతోషం వ్యక్తం చేస్తున్నారు.
Mohammed Shami Revenge: కేన్ మామపై ప్రతీకారం తీర్చుకున్న షమీ.. వన్ ప్లస్ వన్ ఆఫర్..!

Related Articles

Back to top button