News

tea deaths in up, Uttar Pradesh: పొద్దున్నే టీ తాగి ఐదుగురు మృతి… చిన్న పొరపాటుతో పెను విషాదం – five including two children die after drinking tea in up


Authored by Andaluri Veni | Samayam Telugu | Updated: 28 Oct 2022, 11:06 am

ఉత్తరప్రదేశ్‌లో (Uttar Pradesh) విషాద ఘటన చోటుచేసుకుంది. ఓ చిన్న పొరపాటు ఓ కుటుంబంలో కారు చీకట్లు నింపింది. ఉదయాన్నే ఓ ఇల్లాలు ఇంట్లో వారందరికి టీ చేసి ఇచ్చింది. అదే ఆ ఇంటివాళ్లకు శాపం అయింది. ఆ టీ తాగిన వెంటనే ఐదుగురు ప్రాణాలు కోల్పోయారు. అయితే టీ పొడి అనుకుని పొలంలో జల్లే పురుగుల మందుతో టీ చేసినట్టు పోలీసుల ప్రాథమిక విచారణలో తేలింది. అందుకే తాగిన కొన్ని నిమిషాల్లోనే అందరూ అస్వస్థతకు గురైనట్టు తెలుస్తుంది.

 

ప్రధానాంశాలు:

  • ఉత్తరప్రదేశ్‌‌లో విషాద ఘటన
  • చనిపోయిన వారిలో చిన్నారులు
  • పురుగుల మందుతో టీ చేసిన ఇల్లాలు
Uttar Pradesh: ఉదయాన్నే టీ (Tea) తాగే అలవాటు ప్రతి ఇంట్లోనూ ఉంటుంది. అలా టీ తాగడమే ఓ ఇంటికి శాపం అయింది. ఓ చిన్న పొరపాటు కుటుంబంలో కారు చీకట్లు నింపింది. పొద్దున్నే టీ తాగి ఒకే ఇంటికి చెందిన ఐదుగురు ప్రాణాలు కోల్పోయారు. టీ తాగిన తర్వాత తీవ్ర అస్వస్థతకు గురై ఇద్దరు చిన్నారులతో పాటు ఇంట్లో ఉన్న ఐదుగురు చనిపోయారు. ఈ ఘటన నాగ్లా కన్హై గ్రామంలో జరిగింది. చనిపోయిన వారిలో శివానందం (35), అతడి కుమారులు శివాంగ్ (6), దివ్యాన్ష్ (5), మామ రవీంద్ర సింగ్ (55) పొరుగింటి వ్యక్తి సోబ్రాన్ (45) ఉన్నారు.

శివానందన్ కుటుంబం నాగ్లా కన్షై గ్రామంలో నివసిస్తుంది. శివానందన్‌కు శివంగ్, దివ్యాన్ష్ అనే ఇద్దరు కుమారులు ఉన్నారు. వీరితో పాటు మావయ్య రవీంద్రసింగ్ కూడా వారితోనే ఉంటున్నాడు. అయితే ఉదయాన్నే శివానందన్ .. భార్య టీ కాచి ఇంట్లో ఉన్నవారందరికి ఇచ్చింది. అయితే అది తాగిన వెంటనే అందరూ తీవ్ర అస్వస్థతకు గురయ్యారు. వెంటనే వారిని స్థానికులు ఆస్పత్రికి తీసుకెళ్లారు. అయితే అప్పటికే పరిస్థితి విషమించి.. రవీంద్రసింగ్, శివాంగ్, దివ్యాన్ష్ ప్రాణాలు కోల్పోయారు. శివానందన్‌తో పొరిగింటి సోబ్రాన్ కూడా ఆ టీ తాగడంతో.. ఇద్దరూ చికిత్స పొందుతూ చనిపోయారు.

అయితే టీ తాగి ఇంతమంది చనిపోవడానికి చిన్న పొరపాటే కారణం. శివానందన్ భార్య టీ పొడి అనుకుని వరి పంటలో పిచికారీ చేసే మందుతో టీ చేసింది. అదే ఇంతటి పెను విషాదానికి కారణం. ఈ విషయం తన ప్రాథమిక దర్యాప్తు తేలినట్టు ఎస్పీ తెలిపారు. కాగా ఇలాంటి ఘటన గత ఏడాది మార్చిలో తెలంగాణలోని జనగామ జిల్లాలో కూడా చోటుచేసుకుంది. బచ్చన్నపేట మండలం రామచంద్రాపురంలో ఓ మహిళ విషయం కలిగిన టీ తాగి ఓ మహిళ మృతి చెందింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button