News

tata motors hike prices, Tata Motors: కార్ల కొనుగోలుదారులకి షాకిచ్చిన టాటా మోటార్స్.. సోమవారం నుంచి ఇక బాదుడే బాదుడు! – tata motors passenger vehicles to cost more from nov 7


Tata Motors: కొత్త కారు కొనాలనుకుంటున్నారా..? ముఖ్యంగా టాటా కారు కోసం చూస్తున్నారా..? అయితే మీరు ఈ విషయం తప్పక తెలుసుకోవాలి. టాటా మోటార్స్ తన ప్యాసెంజర్ కార్లపై ధరలను పెంచుతున్నట్టు నేడు ప్రకటించింది. ఈ పెంచిన ధరలను నవంబర్ 7 నుంచి అంటే సోమవారం నుంచి అమల్లోకి తీసుకురానున్నట్టు తెలిపింది. దీంతో టాటా కార్లు కొనాలనుకునే వారిపై ఇక బాదుడే బాదుడు ఉండనుంది. కారు వేరియంట్, మోడల్‌ను బట్టి సగటును 0.9 శాతం మేర ధర పెరుగుతుందని ఈ ఆటో దిగ్గజ కంపెనీ విడుదల చేసిన ప్రకటనలో తెలిపింది.

పెరుగుతున్న ఖర్చుల్లో కొంత భాగాన్ని వాహన కొనుగోలుదారులకు బదలాయించాలని అనుకుంటున్నట్టు టాటా మోటార్స్ తెలిపింది. తమ మొత్తం ఇన్‌పుట్ ఖర్చులు భారీగా పెరిగినట్టు పేర్కొంది. ఈ ధర పెంపు ద్వారా ఖర్చులలో కొంత భాగాన్ని కస్టమర్లకు బదలాయిస్తున్నట్టు తెలిపింది. టాటా మోటార్స్ ప్రస్తుతం టియాగో, పంచ్, నెక్సాన్, హ్యారియర్, సఫారి పేర్లతో దేశీయ మార్కెట్లో తన ప్యాసెంజర్ వెహికిల్స్‌ను విక్రయిస్తోంది.

Also Read : గుడ్‌న్యూస్ చెప్పిన ఐటీ కంపెనీ.. ఉద్యోగుల ఇళ్లలో సంబరాలే సంబరాలు!

అక్టోబర్ నెలలో దేశీయ మార్కెట్లో ప్యాసెంజర్ వెహికిల్ అమ్మకాల్లో టాటా మోటార్స్ బలమైన అమ్మకాలను నమోదు చేసింది. ఈ దేశీయ ఆటో దిగ్గజం పీవీ సేల్స్ దేశీయ మార్కెట్లో 45,423 యూనిట్లుగా ఉన్నాయి. దీనిలో ఎలక్ట్రిక్ వాహనాల అమ్మకాలు కూడా ఉన్నాయి. గతేడాది ఇదే నెలలో టాటా మోటార్స్ కేవలం 34,155 యూనిట్లను విక్రయించింది. గతేడాదితో పోలిస్తే 33 శాతం ఈ అమ్మకాలు పెరిగాయి.

టాటా మోటార్స్ ఇటీవలే టియాగో ఈవీ(Tiago EV)ని మార్కెట్లోకి లాంచ్ చేసింది. దీని ధర ఎక్స్‌షోరూంలో రూ.8.49 లక్షల నుంచి ప్రారంభమవుతోంది. టాప్ వేరియంట్ ధర ఎక్స్‌షోరూంలో రూ.11.79 లక్షల వరకు ఉంది. టియాగో ఈవీని రెండు బ్యాటరీ ప్యాక్‌లలో టాటా మోటార్స్ ఆఫర్ చేసింది. దీనిలో 19.2 కిలోవాట్ల చిన్న బ్యాటరీ ప్యాక్‌తో ఒకటి.. రెండోది 24 కిలోవాట్ల పెద్ద బ్యాటరీ ప్యాక్‌తో ఒకటి లాంచ్ చేసింది. పెద్ద బ్యాటరీ ప్యాక్ వెహికిల్ ఒక్కసారి ఛార్జ్ చేస్తే 315 కి.మీల వరకు ప్రయాణించనుంది.

Also Read : చౌక ధరలలో మారుతీ ఎస్‌యూవీలు.. కంపెనీ కీలక ప్రకటన

  • READ LATEST Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Related Articles

Back to top button