News

Suryakumar Yadav: అమ్మో.. సూర్య‌ను మేం కొనలేం.. బిగ్ బాష్ లీగ్ ఆడించలేం: మ్యాక్స్‌వెల్



కెరీర్లోనే అత్యుత్తమ ఫామ్‌లో ఉన్న .. నమ్మశక్యం కాని షాట్లతో క్రికెట్ ప్రపంచాన్ని ఆశ్చర్యపరుస్తున్నాడు. సూర్య ఆడుతున్న షాట్లకు ప్రతి ఒక్కరూ ఫిదా అవుతున్నారు. ప్రపంచం నలుమూలల నుంచి సూర్యకుమార్ యాదవ్‌పై ప్రశంసల వర్షం కురుస్తోంది. ఆస్ట్రేలియా హిట్టర్ గ్లేన్ మ్యాక్స్‌వెల్ సైతం స్కై ఆటను చూసి ముచ్చటపడ్డాడు. ఆస్ట్రేలియా టీ20 టోర్నీ అయిన బిగ్ బాష్ లీగ్‌లో సూర్య ఆడే అవకాశాలపై మ్యాక్సీ సరదాగా స్పందించాడు.

‘‘సూర్యను కొనుగోలు చేయడానికి మా దగ్గర సరిపడా సొమ్ము లేదు. అతణ్ని కొనాలంటే మా జట్టులోని అందరు ఆటగాళ్లను వదులుకోవాలి. క్రికెట్ ఆస్ట్రేలియా కాంట్రాక్ట్ ప్లేయర్లను కూడా తప్పించాలి. అప్పుడు గానీ మేం అతణ్ని దక్కించుకోలేం’’ అని ది గ్రేడ్ క్రికెటర్ పాడ్‌కాస్ట్‌లో మ్యాక్స్‌వెల్ వ్యాఖ్యానించాడు. సూర్యకుమార్ యాదవ్‌కు భారీ ధర వెచ్చించాలనే అర్థం వచ్చేలా మ్యాక్సీ ఈ వ్యాఖ్యలు చేశాడు.

ఇటీవల న్యూజిలాండ్‌పై 51 బంతుల్లో 111 పరుగులు చేయడం సహా.. సూర్య ఎలా ఆడుతున్నాడని ప్రశ్నించగా.. ‘నాకు ఆ గేమ్ గురించి నాకు తెలీదు. కానీ ఫస్ట్ ఇన్నింగ్స్ స్కోరు కార్డ్ చూశాను. దాన్ని స్క్రీన్ షాట్ తీసి ఆరోన్ ఫించ్‌కు పంపించాను. అక్కడేం జరుగుతుందని ఫించీని అడిగాను. ఈ మోటు మనిషి మరో గ్రహం మీద బ్యాటింగ్ చేస్తున్నాడు. మిగతా ఆటగాళ్లందరి స్కోర్లు చూడండి.. ఇతడి స్కోర్ చూడండి. 50 బంతుల్లో 111. తర్వాతి రోజు ఫుల్ ఇన్నింగ్స్ చూశాను.. అది అసాధారణం’’ అని సూర్యపై మ్యా్క్స్‌వెల్ ప్రశంసలు గుప్పించాడు. ఇటీవలే కాలు విరగొట్టుకున్న మ్యాక్సీ.. కొద్ది నెలలపాటు తాను క్రికెట్‌కు దూరం కానున్నట్టు చెప్పాడు.

సూర్య నిలకడగా ఆడుతున్న తీరును మ్యాక్స్‌వెల్ ప్రశంసించాడు. స్కై నమ్మశక్యం కాని షాట్లు ఆడుతున్నాడని.. అతడి బ్యాటింగ్‌ను చూశాక మిగతా వాళ్ల ఆట ఆధ్వాన్నంగా అనిపిస్తుంది కాబట్టి అతడి ఆటను చూడటం కష్టమని ఆస్ట్రేలియా క్రికెటర్ అభిప్రాయపడ్డాడు.

‘‘ఇబ్బంది కలిగించే అంశం ఏంటంటే.. మిగతా అందరి కంటే సూర్య ఎంతో మెరుగైనవాడు. అతడి ఆటను చూడటం వాస్తవానికి కష్టం. అతడు ఆటకు చేరువగా వచ్చే ఆటగాడెవరూ మా దగ్గర లేడు. ఐపీఎల్ సమయంలో బట్లర్.. సూర్య స్థాయిలో ఆడాడు. కానీ ఇప్పుడు సూర్యర విచిత్రంగా.. వికారం కలిగించేలా ఆడుతున్నాడు. అటు ఇటు నడుస్తూ.. చూయింగ్ గమ్ నములుతూ.. గ్రౌండ్ నలుమూలలా షాట్లు ఆడుతున్నాడు’’ అని మ్యాక్స్‌వెల్ వ్యాఖ్యానించాడు.

నేను ఎప్పుడూ చూడనటువంటి.. ఏమాత్రం నమ్మశక్యం కానీ షాట్లను.. అత్యంత నిలకడైన ఆటను సూర్య ఆడుతున్నాడు. అతడిలా ఆడలేం కాబట్టి.. అతడి బ్యాటింగ్ చూడటం కొంచెం కష్టమే’’ మ్యాక్సీ అభిప్రాయపడ్డాడు.

న్యూజిలాండ్‌తో జరిగిన రెండో టీ20లో భారత్ 6 వికెట్ల నష్టానికి 191 పరగులు చేయగా.. అందులో సూర్య ఒక్కడే 111 రన్స్ చేశాడు. మిగతా బ్యాటర్లు వంద స్ట్రైక్ రేట్‌తో రన్స్ చేయడానికి ఇబ్బంది పడిన పిచ్ మీద.. మిస్టర్ 360 ఏకంగా 200కిపైగా స్ట్రైక్ రేట్‌తో పరుగులు రాబట్టాడు. 32 బంతుల్లో హాఫ్ సెంచరీ చేసిన సూర్య.. 49 బంతుల్లోనే సెంచరీ చేయడాన్ని బట్టి అతడెంత వేగంగా ఆడాడో అర్థం చేసుకోవచ్చు.

Advertisement

Related Articles

Back to top button