Suryakumar Yadav,సూర్యకుమార్‌కు కెప్టెన్సీ.. సంజూ శాంసన్‌కు మళ్లీ మొండిచెయ్యి, ఆస్ట్రేలియాతో టీ20 సిరీస్‌కు భారత జట్టు ఇదే – suryakumar yadav as captain for india in t20 series with australia, bcci announces squad
వన్డే ప్రపంచకప్‌ టోర్నీలో అద్భుతంగా రాణించి, ఫైనల్‌ను పరాజయంతో ముగించిన టీమిండియా.. అభిమానులు ఆ బాధ నుంచి తేరుకోకముందే ప్రత్యర్థి ఆస్ట్రేలియాతో మరో సమరానికి సిద్ధమైంది. నవంబర్‌ 23 నుంచి విశాఖపట్నం వేదికగా సాగే తొలి టీ20 మ్యాచ్‌తో ఈ సిరీస్ ప్రారంభం కానుంది.
సీనియర్ ఆటగాళ్లు రోహిత్ శర్మ, విరాట్ కోహ్లీ, కేఎల్ రాహుల్, రవీంద్ర జడేజా, రవిచంద్రన్ అశ్విన్, జస్‌ప్రీత్ బుమ్రా, మహ్మద్ షమీతో పాటు మహ్మద్ సిరాజ్, కుల్దీప్ యాదవ్ తదితరులకు విశ్రాంతి ఇచ్చారు. ఇక గాయం కారణంగా హార్దిక్‌ పాండ్య అందుబాటులో లేకుండాపోయాడు. దీంతో సారథ్య బాధ్యతలను సూర్యకుమార్ యాదవ్‌కు అప్పగించారు.
సంజూ శాంసన్‌ను మర్చిపోయారా..?
స్టార్ బ్యాటర్ సంజూ శాంసన్‌కు ఐపీఎల్‌లో కెప్టెన్సీతో అభిమానులను ఆకట్టుకున్నాడు. రాజస్థాన్ రాయల్స్ జట్టుకు కెప్టెన్‌గా వ్యవహరిస్తూనే బ్యాటింగ్‌లోనూ రాణించి, జట్టుకు మంచి విజయాలు అందించాడు. అలాంటి సంజూ శాంసన్‌కు బీసీసీఐ ప్రకటించిన తాజా జట్టులో చోటు కూడా దక్కకపోవడం అభిమానులను ఆశ్చర్యపరుస్తోంది.
వికెట్ కీపర్ కమ్ బ్యాటర్ ఆప్షన్‌గా ఇషాన్ కిషన్, జితేష్ శర్మను టీ20 సిరీస్‌కు బీసీసీఐ ఎంపిక చేసింది. దీంతో సంజూ శాంసన్‌కు చోటు దక్కకుండాపోయింది. ఈ నిర్ణయంపై అప్పుడే విమర్శల వర్షం మొదలైంది. సెలక్టర్ల కళ్లకు శాంసన్ కనిపించకుండాపోయాడంటూ ఫ్యాన్స్ కామెంట్లు పెడుతున్నారు.
ఆస్ట్రేలియాతో టీ20 సిరీస్‌కు భారత జట్టు:
సూర్యకుమార్ యాదవ్ (కెప్టెన్‌), రుతురాజ్ గైక్వాడ్ (వైస్ కెప్టెన్‌), ఇషాన్ కిషన్, యశస్వి జైస్వాల్, తిలక్ వర్మ, రింకూ సింగ్, జితేశ్‌ శర్మ (వికెట్ కీపర్), వాషింగ్టన్‌ సుందర్‌, అక్షర్ పటేల్, శివమ్ దూబె, రవి బిష్ణోయ్‌, అర్ష్దీప్ సింగ్, ప్రసిద్ధ్‌ కృష్ణ, అవేశ్‌ ఖాన్‌, ముకేష్ కుమార్‌.
