News

sunny leone, Maa మెంబర్స్‌ను తీసుకోండన్న మంచు విష్ణు.. సన్నీ లియోన్ గురించి అడుగుతున్న నెటిజన్లు – vishnu manchu meets dil raju and request about maa members


మంచు విష్ణు (vishnu manchu) తాజాగా దిల్ రాజు (Dil Raju)ని కలిశాడు. మూవీ ఆర్టిస్ట్ అసోసియేషన్ (MAA) సభ్యులనే సినిమాల్లో తీసుకోవాలని కోరాడు. కొత్త టాలెంట్‌ను ప్రోత్సహించాలని కోరాడు. ఇలా మంచు విష్ణు.. మా సభ్యుల తరుపున కదిలి రావడం, దిల్ రాజుకు వినతి పత్రాన్ని సమర్పించడంతో నెట్టింట్లో చర్చ మొదలైంది. మామూలుగానే మంచు విష్ణు వేసే ట్వీట్లు, చేసే కామెంట్ల మీద పెడఅర్థాలను తీస్తుంటారు జనాలు. ఇక ట్విట్టర్‌లో మంచు విష్ణు మీద జరిగే ట్రోలింగ్ అంతా ఇంతా కాదు.

మా ప్రెసిడెంట్ అంటూ మంచు విష్ణుని ఆడేసుకుంటూ ఉంటారు. తాజాగా మంచు విష్ణు వేసిన ట్వీట్ మీద కూడా పెద్ద ఎత్తున చర్చ జరుగుతోంది. దిల్ రాజుని కలవడం, మా సభ్యుల తరుపున అవకాశాలను కోరడం, కొత్త టాలెంట్‌ను ప్రోత్సహించడం అనే వాటిపై మంచు విష్ణు స్పందించాడు.

అయితే మంచు విష్ణు వేసిన ట్వీట్ మీద ఇప్పుడు నెటిజన్లు సెటైర్లు వేస్తున్నారు. నీ జిన్నా మూవీలో సన్నీ లియోన్‌ను పెట్టుకున్నావా? ఆమె మా మెంబరా? అని నిలదీస్తున్నారు. ఇంకొందరు అయితే మా బిల్డింగ్ సంగతేంటని ప్రశ్నిస్తున్నారు. మొత్తానికి మంచు విష్ణు మాత్రం నెట్టింట్లో ఎప్పుడూ హాట్ టాపిక్‌గానే ఉంటారు.

జిన్నా సినిమా అప్డేట్లతో సంచలనాలు క్రియేట్ చేస్తున్నాడు మంచు విష్ణు. జిన్నా అనే టైటిల్, బ్యాక్ గ్రౌండ్‌లో తిరుమల కొండ వంటి వివాదాంశాలతో జిన్నా అందరి దృష్టిని తన వైపుకు తిప్పుకుంది. ఇక ఫస్ట్ లుక్ మోషన్ పోస్టర్ అంటూ మరింత సందడి చేశాడు మంచు విష్ణు. పాయల్ రాజ్‌పుత్, సన్నీలియోన్‌లతో ఆఫ్ స్క్రీన్‌లో మంచు విష్ణు చేస్తోన్న అల్లరి గురించి ప్రత్యేకంగా చెప్పాల్సిన పని లేదు.

Related Articles

Back to top button