News

sunny leone, కోన వెంకట్ లేకపోతే సాధ్యమయ్యేది కాదు.. ‘జిన్నా’ కోసం చాలా కష్టపడ్డా: సన్నీ లియోనీ – i learnt sign language for vishnu manchu ginna says sunny leone


బాలీవుడ్‌లో సన్నీ లియోనీ చేసిన పాత్రలన్నీ ఇంచుమించుగా ఒకే కోవకు చెందినవి. ఆమె అందచందాలతో కుర్ర ఆడియన్స్‌కు గాలమేయడానికే సన్నీని వాడుకున్నారు దర్శకనిర్మాతలు. ఇక దక్షిణాది భాషల్లో అయితే ఇప్పటి వరకు ఐటమ్ సాంగ్స్‌కి, అతిథి పాత్రలకే పరిమితమైంది సన్నీ. కానీ, విష్ణు మంచు తన ‘జిన్నా’ సినిమా కోసం సన్నీలి లియోనీని కొత్తగా ఆవిష్కరించారు. మొదటిసారి తెలుగులో ఒక ఫుల్ లెంగ్త్ రోల్ ఇచ్చారు. అయితే, ‘జిన్నా’ కోసం సన్నీ లియోనీ చాలా కష్టపడాల్సి వచ్చిందట.

ముఖ్యంగా సన్నీ లియోనీకి తెలుగు భాష అస్సలు రాదు. ఇక, సినిమాలో మూగ, చెవిటి అమ్మాయి పాత్రలో నటించాలి. అందుకే, వెండితెరపై తన నటనలో ఎలాంటి లోపాలు కనిపించకుండా ఉండటానికి సన్నీ చాలా కష్టపడిందట. సినిమా షూటింగ్ మొదలుకావడానికి ముందే ఒక యాక్టింగ్ కోచ్‌ను పెట్టుకుని కొన్ని వారాలపాటు సైన్ లాంగ్వేజెస్‌లో శిక్షణ పొందిందట సన్నీ. ఈ విషయాన్ని సన్నీ లియోనీ మీడియాకు వెల్లడించింది.

‘‘నేను, నా కోచ్ కూర్చుని పాత్ర చిత్రీకరణ, కథ గురించి చర్చించాం. డైరెక్టర్, రచయితతో మాట్లాడి అసలు కథను అర్థం చేసుకోవడానికి ప్రయత్నించాం. కానీ, అర్థం చేసుకున్నదాన్ని వెండితెరపై ఆవిష్కరించడమే అసలైన ఛాలెంజ్. ఆ పాత్రను అర్థం చేసుకోవడానికి నా కోచ్ ఎంతో సహాయపడ్డారు. చాలా పుస్తకాలు, వీడియోలు నాకు ఇచ్చారు’’ అని సన్నీ లియోనీ చెప్పుకొచ్చింది. ప్రతి సన్నివేశం చిత్రీకరణకు ముందు ఒక గంటపాటు తాను రిహార్సిల్ చేసేదానినని సన్నీ చెప్పింది. ‘‘పాత్రను పండించడానికి కళ్ల ద్వారానే హావభావాలు చూపించడం ముఖ్యం. అందుకే, ఈ పాత్రను పర్ఫెక్ట్‌గా చేయడానికి సైన్ లాంగ్వేజ్ కూడా నేర్చుకున్నాను. ఈ సందర్భంలో కోన వెంకట్‌కు కూడా థాంక్స్ చెప్పాలి. ఆయనే లేకపోతే ఇదంతా సాధ్యమయ్యేదే కాదు’’ అని సన్నీ వెల్లడించింది.

అయితే, సన్నీ లియోనీ ఎంత కష్టపడినా ‘జిన్నా’ అనుకున్న ఫలితాన్ని మాత్రం సాధించలేకపోయింది. విష్ణు మంచు ఈ సినిమాను పాన్ ఇండియా లెవెల్‌లో విడుదల చేశారు. సినిమాపై తనకున్న నమ్మకంతో ముంబై వెళ్లి మరీ హిందీలో ప్రమోట్ చేశారు. కానీ, సినిమాను మాత్రం ప్రేక్షకులు పట్టించుకోలేదు. తెలుగులో అయితే ఈ సినిమా పరిస్థితి మరింత దారుణంగా ఉంది. ఈనెల 21న విడుదలైన ఈ సినిమా వారం రోజుల్లో ప్రపంచ వ్యాప్తంగా ఒక కోటి 15 లక్షల రూపాయల గ్రాస్ వసూలు చేసింది. దీనిలో డిస్ట్రిబ్యూటర్ షేర్ విలువ సుమారు రూ.58 లక్షలు.

Related Articles

Back to top button