News

sudu sudu nallagonda song, Bandi Sanjay: జనరల్ ఎలక్షన్ వస్తే.. ‘జనగణమన’ కుడా నేనే రాసిన అంటాడు: బండి సంజయ్ – bandi sanjay punches on chief minister kcr


Bandi Sanjay: ‘సూడు సూడు న‌ల్లగొండ‌.. గుండె మీద ఫ్లోరైడ్ బండ’ అనే పాట తెలంగాణలో చాలా ఫేమస్. ఈ పాటను ఎప్పుడో రాసినా.. ఇప్పుడు దీనిపై తీవ్ర చర్చ జరుగుతోంది. అసలు ఈ పాటను ఎవరు రాశారు అని చర్చించుకుంటున్నారు. అందుకు కేసీఆర్ చేసిన కామెంట్స్ కారణమయ్యాయి. ఈ పాట రాసింది తానేనని స్వయంగా కేసీఆర్ ప్రకటించడంతో.. సోషల్ మీడియాలో సెటైర్లు వేస్తున్నారు. తాజాగా.. ఇదే అంశంపై తెలంగాణ బీజేపీ చీఫ్ బండి సంజయ్.. తనదైన స్టైల్‌లో పంచ్‌లు వేశారు.

 

బండి సంజయ్

ప్రధానాంశాలు:

  • ముఖ్యమంత్రి కేసీఆర్‌పై బండి సంజయ్ పంచ్‌లు
  • సూడు సూడు న‌ల్లగొండ‌.. పాట తానే రాశానన్న కేసీఆర్
  • జనగణమన కూడా కేసీఆరే రాశానని చెబుతారన్న బండి
Bandi Sanjay: మునుగోడు ఉప ఎన్నిక వేళ.. ఓ పాటపై తీవ్ర చర్చ జరుగుతోంది. అందుకు ముఖ్యమంత్రి కేసీఆరే కారణమయ్యారు. ‘సూడు సూడు న‌ల్లగొండ‌.. గుండె మీద ఫ్లోరైడ్ బండ’ అనే పాట తెలంగాణలో చాలా ఫేమస్. అయితే.. ఈ పాట రాసింది తానేనని స్వయంగా కేసీఆర్ ప్రకటించడంపై ఇప్పుడు చర్చ జరుగుతోంది. గత నెల30న చండూరు సభలో సీఎం కేసీఆర్ ‘సూడు సూడు న‌ల్లగొండ‌.. గుండె మీద ఫ్లోరైడ్ బండ’ పాట గురించి చెప్పారు. ఆ పాట రాసింది తానేనని ప్రకటించారు. అయితే.. ఈ పాట రాసింది కేసీఆర్ (KCR) కాదనే విషయం సోషల్ మీడియాలో హల్ చల్ చేస్తోంది.

తాజాగా ఇదే అంశంపై తెలంగాణ బీజేపీ చీఫ్ బండి సంజయ్ స్పందించారు. ‘మునుగోడు ఎన్నికలు కాబట్టి.. సూడు సూడు నల్లగొండ పాట పాడిన అన్నాడు. జనరల్ ఎలక్షన్ వచ్చేసరికి జనగణమన కుడా నేనే రాసిన అంటాడు’. అని బండి సంజయ్ సెటైర్లు వేశారు. వాస్తవానికి ఈ పాట రాసింది ఆలేరుకు చెందిన కోదారి శ్రీను (Kodari Srinu). విష్ణు కిషోర్ సంగీతం అందించారు. కోదారి శ్రీను రాసిన పాట నిప్పుల వాగు అనే పుస్తకంలో.. సీరియల్ నెంబర్ 32, పేజీ నెంబర్ 59లో ప్రచురితమైంది. ప్రముఖ కవి అందెశ్రీ సంపాదకత్వంలో ఈ పుస్తకం వెలువడింది. ఇంత ప్రత్యక్షంగా కనిపిస్తున్నా.. ఈ పాట రాసింది తానేనని కేసీఆర్ చెప్పుకోవడం ఏంటని నెటిజన్లు కామెంట్స్ చేస్తున్నారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button