News

students photo morphing case, ఫొటోల మార్ఫింగ్ కేసులో కీలక నిజాలు.. ఓ అమ్మాయి పరిచయంతో కథ మొదలైంది..! – hyderabad police arrests 3 more accused in engineering students photo morphing case


హైదరాబాద్‌ ఘట్కేసర్‌లోని వీబీఐటీ ఇంజినీరింగ్ కాలేజ్‌లో జరిగిన మార్ఫింగ్ ఫోటోల వ్యవహారంలో పోలీసులు ఎట్టకేలకు పురోగతి సాధించారు. ఈ కేసులో పోలీసులు మొత్తం నలుగురు నిందితులను అరెస్టు చేశారు. నిన్న (జనవరి 6న) ఈ కేసులో ప్రధాన నిందితుడు అయిన ప్రదీప్‌ను అరెస్టు చేశారు. కాగా.. ఈరోజు మిగతా ముగ్గురిని పోలీసులు అదుపులోకి తీసుకున్నారు. అయితే ఈ కేసులో పోలీసులు లోతుగా దర్యాప్తు కొనసాగించగా.. అసలు విషయం వెలుగులోకి వచ్చింది. విజయవాడకు చెందిన ప్రధాన నిందితుడైన ప్రదీప్‌కి ఒక అమ్మాయితో పరిచయం ఏర్పడింది. ఆ పరిచయం కాస్త స్నేహంగా మారింది. దాంతో.. ఆ అమ్మాయి నెంబర్ తీసుకుని అసలు కథ మొదలుపెట్టాడు. ఒక గ్రూపు క్రియేట్ చేసి సదరు అమ్మాయితో పాటు ఆమె స్నేహితులను కూడా ఆ గ్రూపులో యాడ్ చేశాడు. అనంతరం వారి ఫోటోలను తీసుకొని మార్ఫింగ్ చేయటం మొదలు పెట్టాడు.

ఓ వాట్సప్ గ్రూప్ క్రియేట్ చేసి.. అందులో ఇంజినీరింగ్ కాలేజీలో చదువుతున్న విద్యార్థినిలు చేరేటట్లుగా బలవంతం చేసి.. అనంతరం వాళ్ల ఫోన్లను హ్యాక్ చేసినట్టు పోలీసుల దర్యాప్తులో తేలింది. అమ్మాయిలు సోషల్ మీడియా అకౌంట్లకు పెట్టుకున్న డీపీలతో పాటు పర్సనల్ ఫొటోలను తీసుకొని.. వాటిని మార్ఫింగ్ చేసి న్యూడ్ ఫోటోలుగా మార్చి వాటిని తిరిగి అమ్మాయిలకు పంపించి వేధింపులకు గురి చేశారు. తాము చెప్పినట్లుగా చేయకపోతే వాటిని సోషల్ మీడియాలో పోస్ట్ చేస్తామంటూ బెదిరింపులకు గురిచేశారు. ఇది కాస్త బయటపడటంతో.. ఘట్కేసర్‌లోని ఇంజినీరింగ్ కాలేజీలో కలకలం రేగింది. దీంతో విద్యార్థులు, కాలేజీ యజమాన్యం పోలీసులకు ఫిర్యాదు చేయడంతో పోలీసులు రంగంలోకి దిగారు. విద్యార్థులకు వాట్సప్ ద్వారా న్యూడ్ ఫొటోలు ఎవరు పంపిస్తున్నారనే కోణంలో పూర్తిస్థాయిలో దర్యాప్తు కొనసాగించగా విజయవాడకు చెందిన ప్రదీప్ ఈ ఘాతకానికి పాల్పడినట్లుగా పోలీసులు గుర్తించారు.

ప్రదీప్ తో పాటు మరో నలుగురు కలిసి రెండు వాట్సప్ గ్రూపులను క్రియేట్ చేసి అందులో అమ్మాయిలను బలవంతంగా చేర్చుకొని వారి పర్సనల్ ఫొటోలను మార్ఫింగ్ చేసి న్యూడ్ ఫోటోలుగా మార్చి వాటిని తిరిగి విద్యార్థినిలకు పంపించి వేధింపులకు గురి చేస్తున్నటు పోలీసులు గుర్తించారు. ఈ విషయం తెలుసుకున్న వెంటనే పోలీసులు విజయవాడలో ప్రదీప్‌ను అదుపులోకి తీసుకున్నారు. మిగతా నిందితుల కోసం గాలింపు చర్యలు చేపట్టారు. ఈరోజు మరో ముగ్గురు నిందితులను పోలీసులు అదుపులోకి తీసుకున్నారు. ఈ కేసులో పోలీసులు అరెస్టు చేసిన విజయవాడకు చెందిన ప్రదీప్‌తో పాటు మరో ముగ్గురిని కోర్టులో హాజరు పరచనున్నారు.

ఏపీ, తెలంగాణలో మరో 6 కొత్త పార్టీలు.. లిస్టులో రేవంత్ రెడ్డి, పవన్ కళ్యాణ్ పార్టీలు..!

  • Read More Telangana News And Telugu News

Related Articles

Back to top button