News

Sri Satya, Faima Mother: ఫైమా.. నువ్ జనాలకు నచ్చట్లేదు.. శ్రీసత్య బండారం బయటపెట్టిన ఫైమా తల్లి.. కీర్తి గుండెల్ని పిండేసింది – bigg boss 6 contestant faima mother shocking comments on sri satya


పైరుకి పట్టిన పుగురు-పుట్రలను పసిగట్టే కళ్లు మనుషుల కుట్రలను పసిగట్టలేవా? మట్టిపిసికిన చేతులకు.. మనుషుల మనస్తత్వాలు అర్ధం కావా?? అందుకే బిగ్ బాస్ హౌస్‌లో ఉన్నవాళ్ల మనస్తత్వాలు ఎవరివి ఎలాంటివో చక్కగా అర్ధం చేసుకుంది ఫైమా తల్లి. కూతురికి ప్రవర్తనను సరిదిద్ధడమే కాదు.. పైకి వెన్నపూస్తూ.. వెనుక గోతులు తీస్తున్నవాళ్ల బండారం బయటపెట్టి.. కూతురిని అలర్ట్ చేసింది.

ఫ్యామిలీ వీక్ ఎపిసోడ్‌లో భాగంగా.. బుధవారం నాటి ఎపిసోడ్‌లో బిగ్ బాస్ హౌస్‌లోకి వచ్చింది ఫైమా తల్లి. కూతురు ఫైమాతో ఆడింది.. పాడింది.. నవ్వింది.. అందర్నీ నవ్వించింది.. ఇంగ్లీష్ టీచర్ అయిన కూతురు దగ్గర ఇంగ్లీష్ పాఠాలు నేర్చుకుంది. డాన్స్ టీచర్ అయిన ఆదిరెడ్డితో కలిసి స్టెప్పులు కూడా వేసింది.

ఎంత వరకూ మాట్లాడాలో అంతే మాట్లాడింది.. ఎంత వరకూ చెప్పాలో అంతే చెప్పింది. ‘నువ్ వెటకారం తగ్గించుకో.. కోపం తగ్గించుకో.. జనాలకు నచ్చడం లేదు.. ఓపిక పట్టు.. ఎవిక్షన్ ఫ్రీ పాస్ వచ్చింది కదా.. దాన్ని నువ్వు ఉపయోగించో.. దాన్ని ఎవరికీ ఇవ్వొద్దు’.. అని ఫైమాతో చెప్పింది ఆమెతల్లి. ఇక శ్రీసత్య గురించి మాట్లాడుతూ.. ‘ఆమెతో చాలా జాగ్రత్త.. ఎందుకు చెప్తున్నా విను.. నీ ముందు ఒకటి మాట్లాడుతుంది.. వెనుక ఒకటి మాట్లాడుతుంది. ఆమెతో జాగ్రత్త.. ఇనయతో కూడా కలిసి మెలిసి ఉండు.. మాట్లాడు కానీ.. కొంచెం జాగ్రత్తగా ఉండు.. నామినేషన్స్ చేసేటప్పుడు ఆలోచించి నామినేషన్ చేయి.. ఆలోచించి మాట్లాడు’ అని ఫైమాకి జాగ్రత్తలు చెప్పింది ఆమె తల్లి.

ఆ తరువాత బిగ్ బాస్ ‘కనిపెంచిన మా అమ్మకే అమ్మయ్యానుగా’ అనే సాంగ్‌ను వేయడంతో పెద్దావిడ కూతురుతో కలిసి స్టెప్పులు వేసింది. ‘ఇది ప్రేమా ప్రేమా’ అంటూ తల్లిని ఎత్తుకుని ఫైమా సంబరంలో మునిగితేలింది. ఆ టైంలో గుండెల్ని పిండేసే సీన్‌ని చూపించారు బిగ్ బాస్. అనాధ అయిన కీర్తి.. ఆ తల్లికూతుళ్లని చూస్తూ తీవ్ర భావోద్వేగానికి గురైంది. ఏడుస్తూ అక్కడ నుంచి బాత్‌ రూంలోకి వెళ్లిపోయి కన్నీళ్లుపెట్టుకుంది. కీర్తిని అలా చూస్తుంటే నిజంగానే గుండె తరుక్కుపోయినంత పని అయ్యింది. తల్లీ కూతుళ్ల ప్రేమ కళ్ల ముందు కనిపించేసరికి కీర్తి బాధ వర్ణణాతీతం అయ్యింది. నేటి ఎపిసోడ్‌లో కీర్తి బాధను చూపించిన విధానం అయితే చాలా పెయిన్ ఫుల్‌గా అనిపించింది. ఆ తరువాత శ్రీసత్య పేరెంట్స్ హౌస్‌లోకి వచ్చారు. ఈ వివరాలు ఈ కింది లింక్‌లో చూడొచ్చు.

Read Also: అలాంటి స్టేట్‌మెంట్‌లు ఇవ్వకు డాడీ.. తండ్రితో శ్రీసత్య.. లైవ్‌లో కీలక విషయాలు

Read more Cinema News and Telugu News, TV News

Related Articles

Back to top button