News

smartphones price hike, Mobile Phones: పెరగనున్న స్మార్ట్‌ఫోన్స్ ధరలు.. ఎందుకంటే? – made in india smartphones to get costlier details inside


Smartphones: దేశంలో రానున్న కాలంలో మొబైల్ ఫోన్ ధరలు పెరగనున్నాయి. మొబైల్ ఫోన్ తయారీలో ఉపయోగించే విడిభాగాలపై ఎక్కువ పన్ను అమలులోకి రావొచ్చని పరోక్ష పన్నుల బోర్డు తెలియజేసింది. అంటే ఫోన్ తయారీలో వాడే విడిభాగాలపై ఖర్చు పెరిగితే.. అప్పుడు స్మార్ట్‌పోన్ తయారీ కంపెనీలు ఈ పెంపును కొనుగోలుదారులకు బదిలీ చేసే అవకాశం ఉంటుంది. దీని వల్ల రానున్న కాలంలో మొబైల్ ఫోన్ ధరలు పెరగడానికి అవకాశం ఉంటుంది.

వెలువడుతున్న నివేదికల ప్రకారం చూస్తే.. స్మార్ట్‌ఫోన్‌లలో ఉపయోగించే డిస్‌ప్లే అసెంబ్లీ, బ్యాక్ సపోర్ట్ ఫ్రేమ్స్ వంటి వాటిపై కస్టమ్ డ్యూటీ 10 శాతం మేర పెరగొచ్చు. కంపెనీలు డిస్‌ప్లే అసెంబ్లీతో పాటుగా యాంటినా పిన్స్, పవర్ కీస్, ఇతర యాక్ససిరీస్‌ను దిగుమతి చేసుకుంటే కస్టమ్ డ్యూటీ 5 శాతం వరకు పెరగొచ్చు. మొత్తంగా చూస్తే 15 శాతం వరకు పడే ఛాన్స్ ఉంది. సెంట్రల్ బోర్డ్ ఆఫ్ ఇన్‌డైరెక్ట్ ట్యాక్సెస్ అండ్ కస్టమ్స్ (సీబీఐసీ) ఆర్డర్ ప్రకారం చూస్తే ఈ విషయాలు వెల్లడి అవుతున్నాయి.

Also Read:Bank గుడ్ న్యూస్.. వారికి సులభంగా రుణాలు, క్రెడిట్ కార్డులు

సీబీఐసీ ప్రకారం.. సిమ్ ట్రే, యాంటినా పిన్, స్పీకర్ నెట్, పవర్ కీ, స్లైడర్ స్విచ్, బ్యాటరీ కంపార్ట్‌మెంట్, ఫ్లెక్సిబుల్ ప్రింటెడ్ సర్క్యూట్స్ (ఎఫ్‌పీసీఎస్) ఫర్ వాల్యూమ్, పవర్, సెన్సార్స్, స్పీకర్స్, ఫింగర్‌ప్రింట్ తదితర ఐటమ్స్ డిస్‌ప్లే అసెంబ్లీతో పాటు వస్తే లేదా బ్యాక్ సపోర్ట్ ఫ్రేమ్ ఆఫ్ మెటల్/ ప్లాస్టిక్ లేకుండా వస్తే.. అప్పుడు ఆ మొత్తం అసెంబుల్‌పై 15 శాతం బీసీడీ రేటు వర్తిస్తుంది.

అంతేకాకుండా సీబీఐసీ మరో విషయంపై కూడా స్పష్టత ఇచ్చింది. ఒకవేళ డిస్‌ప్లే అసెంబ్లీ‌లో అదనపు కాంపొనెంట్స్ ఉంటే అప్పుడు మినహాయింపు నిబంధనలను అతిక్రమించినట్లు అవుతుందని స్పష్టం చేసింది. అయితే మొబైల్ ఫోన్‌లో డిస్‌ప్లే కంటెంట్‌‌తో జోడించిన అన్ని భాగాలను డిస్‌ప్లే అసెంబ్లీగా పరిగణించాలని పరిశ్రమ చెబుతోంది. 10 శాతం కస్టమ్ డ్యూటీ మాత్రమే ఉండాలని పేర్కొంటోంది. కాగా డిస్‌ప్లే అంసెబ్లీలో ఏ ఏ విడిభాగాలు ఉండాలనే అంశాన్ని కేంద్ర ప్రభుత్వం ఇప్పటికే వెల్లడించింది. పేర్కొన్న ఐటమ్స్ కాకుండా వేరేవి లేదంటే అదనంగా ఉంటే మాత్రం అప్పుడు నిబంధనలను అతిక్రమించినట్లు అవుతుందని తెలిపింది.

Also Read: Bank FD rates: డిపాజిట్‌దారులకు గుడ్ న్యూస్.. 8 శాతానికి పైగా వడ్డీ పొందండి!

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Advertisement

Related Articles

Back to top button