News

sita ramam, Mrunal Thakur: పూజా హెగ్డే నో చెప్పింది.. మృణాళ్ ఠాకూర్ హిట్ కొట్టేసింది – pooja hegde may miss chance in sita ramam movie as heroine


యుద్ధంతో రాసిన ప్రేమకథ అంటూ ఆడియన్స్ ముందుకు వచ్చిన సీతా రామం (Sita Ramam) క్లాసిక్ బ్లాక్‌బస్టర్ టాక్‌తో మంచి విజయాన్ని సొంతం చేసుకుంది. హను రాఘవపూడి (Hanu Raghavapudi) డైరెక్షన్‌లో తెరకెక్కిన ఈ మూవీలో మలయాళ స్టార్ దుల్కార్ సల్మాన్ (Dulquer Salmaan) హీరోగా నటించాడు. సోల్జర్ క్యారెక్టర్‌లో దుల్కార్ యాక్టింగ్‌కు ఆడియన్స్ ఫిదా అవుతున్నారు. హీరోయిన్‌గా మృణాళ్ ఠాకూర్ (Mrunal Thakur) స్క్రీన్‌పై చాలా అందంగా కనిపించింది. దుల్కార్-మృణాళ్ మధ్య కెమిస్ట్రీ సూపర్‌గా సెట్ అయింది.

తాజాగా ఇండస్ట్రీలో ఓ వార్త హల్‌చల్ చేస్తోంది. సీతా రామం మూవీలో సీత పాత్రకు ముందు స్టార్ హీరోయిన్ పూజా హెగ్డే (Pooja Hegde)ను అనుకున్నారట. ఆమెను సంప్రదించగా.. కోవిడ్ టైమ్‌లో ఈ సినిమాకు డేట్స్ అడ్జస్ట్ చేయలేకపోయిందని తెలిసింది. పాత్ర నచ్చినా.. తప్పని పరిస్థితుల్లో సీతా రామం సినిమాకు నో చెప్పిందని సమాచారం. దీంతో అలా ఈ ప్రాజెక్ట్ మృణాళ్ ఠాకూర్ వద్దకు వెళ్లింది. వచ్చిన అవకాశాన్ని రెండు చేతులా అందుకున్న ఈ బ్యూటీ.. తన నటనతో కట్టి పడేసింది. ఈ మూవీ హిట్‌తో మృణాళ్‌కు టాలీవుడ్‌లో వరుస ఆఫర్లు క్యూకట్టడం ఖాయంగా కనిపిస్తోంది.

సీతా రామం (Sita Ramam) హిట్ టాక్‌తో మంచి కలెక్షన్లు రాబట్టే ఛాన్స్ కనిపిస్తోంది. ఇన్నాళ్లు ఓటీటీలకే పరిమితమైన ఫ్యామిలీ ఆడియన్స్.. థియేటర్స్‌లో చూసేందుకు తరలి వస్తున్నారు. స్టార్ హీరోయిన్ రష్మిక మందన్న (Rashmika Mandanna), టాలీవుడ్ హీరో సుమంత్‌ (Sumanth) కీలక పాత్రలు పోషించారు. ప్రకాశ్ రాజ్, గౌతం మీనన్, తరుణ్ భాస్కర్, భూమిక తదితరులు ఇతర పాత్రల్లో నటించారు. తెలుగు, త‌మిళ‌, మ‌ల‌యాళ భాష‌ల్లో వైజ‌యంతీ మూవీస్, స్వప్న సినిమాస్ బ్యాన‌ర్స్‌పై ప్రముఖ నిర్మాత అశ్వినీదత్ (Aswini Dutt) నిర్మించారు.

Related Articles

Back to top button