News
shubman gill, వావ్ గిల్.. సెంచరీలే కాదు, మరో హ్యాట్రిక్.. ఏ ఇతర ఆటగాడికీ సాధ్యంకాని రీతిలో! – gujarat titans shubman gill set to play his third ipl final in a row
భారత యువ ప్లేయర్, ప్రిన్స్‌గా పేరుపొందిన శుభ్‌మన్ గిల్ ఇండియన్ ప్రీమియర్ లీగ్-2016లో అదరగొడుతున్నాడు. టీమిండియా తరఫున ఫార్మాట్‌తో సంబంధం లేకుండా రాణిస్తున్న ఈ ప్లేయర్.. ఐపీఎల్‌లోనూ పరుగుల వరద పారిస్తున్నాడు. ఈ సీజన్‌లో మూడు సార్లు మూడంకెల స్కోరు సాధించాడు. 16 మ్యాచుల్లో 851 పరుగులు సాధించి.. ఆరెంజ్ క్యాప్ రేసులో టాప్‌లో నిలిచాడు. ఫలింతగా తన టీమ్ (Gujarat Titans)ను వరుసగా రెండో సారి ఫైనల్‌కు చేర్చాడు. ఫైనల్‌లో గుజరాత్ టైటాన్స్ – చెన్నై సూపర్ కింగ్స్ అమీతుమీ తేల్చుకోనున్నాయి. మే 28 ఆదివారం సాయంత్రం 7:30 గంటలకు ఫైనల్ మ్యాచ్.. గుజరాత్ అహ్మదాబాద్‌లోని నరేంద్ర మోదీ స్టేడియంలో జరగనుంది.
ఈ ఐపీఎల్ సీజన్ శుభ్‌మన్ గిల్ హవా కొనసాగుతోంది. లీగ్ దశలో బ్యాక్ టు బ్యాక్ సెంచరీలు చేసిన గిల్.. క్వాలిఫయర్-2లో శతక్కొట్టాడు.
ఈ ఐపీఎల్ సీజన్ శుభ్‌మన్ గిల్ హవా కొనసాగుతోంది. లీగ్ దశలో బ్యాక్ టు బ్యాక్ సెంచరీలు చేసిన గిల్.. క్వాలిఫయర్-2లో శతక్కొట్టాడు.
2018లో ఐపీఎల్‌లో అడుగు పెట్టిన గిల్.. ఇప్పటివరకు 90 మ్యాచ్‌లు ఆడాడు. మొత్తంగా 2,751 పరుగులు చేశాడు. ఈ ఏడాది సెంచరీలు, రన్స్‌లోనే కాకుండా మరో మరో విషయంలోనూ శుభ్‌మన్ గిల్ ఓ అరుదైన రికార్డును నెలకొల్పాడు. మే 28న అతను ఆడబోయే ఫైనల్ అతడికి మూడోది. వరుసగా 3 ఐపీఎల్ ఫైనల్ మ్యాచ్‌లు ఆడిన ఆటగాడిగా రికార్డు నెలకొల్పనున్నాడు.
2021లో కోల్‌కతా నైట్ రైడర్స్ తరఫున చెన్నై సూపర్ కింగ్స్‌‌తో ఫైనల్ మ్యాచ్ ఆడాడు గిల్. ఆ మ్యాచులో 51 పరుగులు చేసి టాప్ స్కోరర్‌గా నిలిచాడు. గతేదాడి గుజరాత్ టైటాన్స్ తరఫున ఫైనల్స్‌లో 45 పరుగులు చేశాడు. ఈ ఏడాది ఆడనున్న ఫైనల్ గిల్‌కు మూడోది. దీని ద్వారా ఐపీఎల్ ఫైనల్‌ల హ్యాట్రిక్‌ను గిల్ నమోదు చేయనున్నాడు.
ఫార్మాట్‌కు సంబంధం లేకుండా బ్యాట్‌తో చెలరేగి పోతున్న గిల్.. ఫైనల్‌లోనూ రెచ్చిపోతాడా అనేది తేలాలంటే ఆదివారం వరకు ఆగాల్సిందే.
