Sarpanch Navya,’ఇక్కడ పట్టుకొని ఒత్తిండనుకో.. వాడికి ఆ ఆలోచన ఉన్నట్టే’.. సర్పంచ్ నవ్య ‘బ్యాడ్ టచ్’ పాఠాలు – janakipuram sarpanch navya explaining bad touch and good touch experience
ఇదంతా విన్నాక యాంకరమ్మకు ఓ పెద్ద డౌటనుమానమే వచ్చి ఆమెను అడిగేసింది. అయితే.. ఆమె కూడా ఇలాంటి లైంగిక వేధింపులకు సంబంధించిన ఆరోపణలతోనే వెలుగులోకి వచ్చిందన్న విషయాన్ని యాంకరమ్మ గుర్తుపెట్టుకున్నట్టుంది. దీంతో.. తాటికొండ రాజయ్య కార్యక్రమాల్లో కూడా ఇలాంటివి చాలానే జరిగాయన్న ఆరోపణలు వచ్చాయి కదా నిజమేనా.. అని అడగ్గా తన పర్సనల్ ఎక్స్‌పీరియన్స్ చెప్పుకొచ్చారు సర్పంచ్ నవ్య. తాను ప్రోగ్రాంలకు వెళ్లినప్పుడు.. అందరికి రెండు చేతులతో నమస్కారం పెడతానని.. కానీ కొందరు షేక్ హ్యాండ్ ఇచ్చేందుకు ప్రయత్నిస్తారని చెప్పుకొచ్చారు. అయితే.. అలా షేడ్ హ్యాండ్ ఇస్తున్నప్పుడు ఆ వ్యక్తి చేయి వణుకుతుంది.. చెమటపడుతుంది.. చేయి చల్లబడుతుంది.. చూపు మారిపోతుంది.. అప్పుడు తెలిసిపోతుంది.. అది బ్యాడ్ సీయింగ్ అని.. అప్పుడు వాడిది చెడు ఆలోచనతోనే ఉన్నట్టు గుర్తించి తప్పుకుంటానని.. తన చాకచక్యాన్ని వివరించారు సర్పంచ్ నవ్య.
ఓ వ్యక్తి ముఖ రేఖల్ని బట్టే ఆ మనిషి తత్వమేంటో పూర్తిగా చెప్పేస్తానంటున్నారు నవ్య. అన్నం ఉడికిందా లేదా చెప్పాలంటే.. జస్ట్ ఒక్క మెతుకును చూస్తే తెలిసిపోతుందన్న సామెత కూడా చెప్పారు. ఇలాంటివి తెలుసుకోవాలంటే.. డిగ్రీలు, పీజీలు చదవాల్సిన అవసరం లేదని చెప్పుకొచ్చారు సర్పంచ్ నవ్య. తాను జస్ట్.. తొమ్మిదో తరగతి మాత్రమే చదివానని.. అయినా తన జాగ్రత్తలో తాను ఉంటున్నా కదా.. ఈ కాలం అమ్మాయిలు కూడా ఇలాంటివి తెలుసుకోవాలంటూ మహిళా లోకానికి మెస్సేజ్ ఇస్తున్నారు. తాను ఆడవాళ్ల గురించి ఏ విషయంలోనైనా అనర్గళంగా మాట్లాడగలనని చెప్తున్నారు.
భార్యాభర్తల మధ్య వచ్చే గొడవల గురించి, వివాహేతర సంబంధాల గురించి.. లవ్వులు కొవ్వులంటూ తల్లిదండ్రులకు తెలియకుండా తిరుగుతున్న జంటల గురించి.. ఇలా ఏదైనా సరే.. మాట్లాడతానంటున్నారు. అంత తెలివి ఉంది కాబట్టే.. రాజకీయాల్లో ఇంత డిస్టెన్స్ మెయిన్‌టేన్ చేస్తూ వస్తున్నానని చెప్పుకొచ్చారు. లేకపోతే.. తానున్న ఈ సమాజం ఇప్పటికీ తాను ఎక్కడ ఎలా ఉండేదో.. తన పిల్లలకు తన గురించి ఎంత ఘోరంగా చెప్పేవాళ్లో.. అంత భవిష్యత్తు ఆలోచించాను కాబట్టే.. ఈరోజు ఇలా ఉన్నానంటూ తన జీవితాన్ని రంగారించగా వచ్చిన ఫీలాసపీ మొత్తాన్ని యాంకరమ్మ ముందు పెట్టేశారు నవ్య.
ఇందుకు సంబంధించిన వీడియో ఇప్పుడు సోషల్ మీడియాలో తెగ వైరల్ అవుతుంది. ఈ వీడియోలో మహిళలకు ఉపయోగపడే విషయాలను సర్పంచ్ నవ్య చెప్పటంతో.. చాలా మంది మంచి ఉద్దేశంతో షేర్ చేస్తున్నారు. ఇలా కూడా సర్పంచ్ నవ్య ఫేమస్ అయిపోతున్నారు. ఇంత టాలెంట్ ఉన్న సర్పంచ్ నవ్య.. స్టేషన్ ఘన్‌పూర్ నుంచి ఎమ్మెల్యేగా పోటీ చేసే అవకాశం ఇవ్వాలని మొన్న బీఆర్ఎస్ అధిష్టానాన్ని కూడా రిక్వెస్ట్ చేశారు. ఒక్క ఛాన్స్ ఇచ్చి చూడండి.. స్టేషన్ ఘన్‌పూర్‌ను అభివృద్ధి చేసి చూపిస్తానని.. మహిళలకు ఎలాంటి కష్టాలు రాకుండా చూసుకుంటానని.. కాన్ఫిడెంట్‌గా అడిగారు కూడా. మరి ఇంత తెలివైన మహిళా నాయకురాలి విషయంలో అధిష్ఠానం ఎలాంటి నిర్ణయం తీసుకుంటుందో చూడాలి మరి.
‘రజాకార్’ సినిమా టీజర్‌పై మంత్రి కేటీఆర్ షాకింగ్ రియాక్షన్..
