safari industries share price, Multibagger: లక్షకు రూ.2.97 లక్షల లాభం.. ఏడాదిలోనే దశ తిప్పిన స్టాక్.. మీరూ ఓలుక్కేయండి మరి! – this small cap company safari industries delivered stellar returns of 197 percent to its investors

Multibagger: ప్రస్తుత రోజుల్లో ఈక్విటీ మార్కెట్లో పెట్టుబడులు పెట్టే వారి సంఖ్య గణనీయంగా పెరుగుతోంది. స్టాక్ మార్కెట్లపై అవగహన పెంచుకోవడం, పెట్టుబడులు పెట్టే ప్రక్రియ సులభతరం కావడం అందుకు కారణం. అయితే, షేర్లలో ఇన్వెస్ట్ చేసి మంచి రాబడి అందుకోవడం అందిరికి సాధ్యం కాకపోవచ్చు. అందుకు మార్కెట్లపై సరైన అవగాహన ఉండాలి. మార్కెట్ నిపుణుల సలహాలు తీసుకుని సరైన స్టాక్‌ను సరైన సమయంలో ఎంచుకుని ఇన్వెస్ట్ చేస్తే చాలా తక్కువ కాలంలోనే మంచి రాబడి అందుకోవచ్చు. అలాంటి మల్టీబ్యాగర్ స్టాక్స్ చాలానే ఉన్నాయి. ఇన్వెస్టర్లను కొద్ది కాలంలోనే మిలియనీర్లను చేశాయి. వాటిని గుర్తించడం ముఖ్యం. అలాంటి ఓ స్టాక్ గురించి ఇప్పుడు మనం తెలుసుకుందాం.ఇన్వెస్టర్ల దశ తిప్పన స్టాక్ సఫారీ ఇండస్ట్రీస్ ఇండియా లిమిటెడ్ (Safari Industries India Limited). ఈ కంపెనీ షేరు ధర మే 16, 2022 రోజున రూ.839.45 వద్ద ఉండగా అది ఏడాది తర్వాత మే 17, 2023 రోజున రూ.2499.45 వద్దకు చేరింది. అంటే ఏడాదిలోనే 197 శాతం రిటర్న్స్ ఇచ్చింది. ఈ కంపెనీ ఎస్అండ్ పీ బీఎస్ఈ స్మాల్ క్యాప్ ఇండెక్స్‌లో ఒకటి. ఏడాదిలోనే మల్టీబ్యాగర్ రిటర్న్స్ అందించింది. అంటే ఈ స్టాక్‌లో ఏడాది క్రితం రూ.1 లక్ష ఇన్వెస్ట్ చేసిన వారికి ఇప్పుడు ఆ స్టాక్స్ విలువ రూ.2.97 లక్షలుగా ఉంటుంది.

సఫారీ ఇండస్ట్రీస్ క్యూ4 ఫలితాల్లోనూ అదరగొట్టింది. ఇయర్ ఆన్ ఇయర్ ఆధారంగా చూస్తే నెట్ ప్రాఫిట్ 1488.32 శాతం పెరిగి రూ.38.09 కోట్లకు చేరింది. కంపెనీ నికర విక్రయాలు 56.91 శాతం పెరిగి రూ.302.71 కోట్లుగా నమోదయ్యాయి. గతేడాది ఇది రూ.192.92 కోట్లు మాత్రమే. ఈ కంపెనీ ప్రస్తుతం పీఈ విలువ 46.9, ఇండస్ట్రీ పీఈ విలువ 49.4 వద్ద ట్రేడవుతోంది. కంపెనీ ఆర్ఓఈ విలువ 34.4 శాతం, ఆర్ఓసీఈ 37.5 శాతంగా ఉంది. ఈ కంపెనీ మార్కెట్ విలువ ప్రస్తుతం రూ.5,829 కోట్లుగా ఉంది.

గమనిక: నంబర్ 1 ఇన్వెస్ట్‌మెంట్ మ్యాగజైన్ దలాల్ స్ట్రీట్ ఇన్వెస్ట్‌మెంట్ జర్నల్ ఈ ఆర్టికల్‌ను అందించింది. అప్‌డేట్స్ కోసం ఈ లింక్‌పై క్లిక్ చేయండి.

Disclaimer: This above is third party content and TIL hereby disclaims any and all warranties, express or implied, relating to the same. TIL does not guarantee, vouch for or endorse any of the above content or its accuracy nor is responsible for it in any manner whatsoever. The content does not constitute any investment advice or solicitation of any kind. Users are advised to check with certified experts before taking any investment decision and take all steps necessary to ascertain that any information and content provided is correct, updated verified.

• Read Latest Business News and Telugu News