Rohit Sharma,Asia Cup 2023: అరుదైన ఫీట్‌ అందుకున్న రోహిత్‌ శర్మ.. ఆ జాబితాలో విరాట్‌ కోహ్లీ తర్వాత.. – asia cup 2023: rohit sharma becomes the 2nd fastest ever in history to reach 10000 odi runs
అయితే తనదైన శైలిలో హిట్‌మ్యాన్‌ సిక్స్‌ బాది ఈ ఫీట్‌ను అందుకున్నాడు. వన్డే కెరీర్‌లో 241వ ఇన్నింగ్స్‌లో రోహిత్‌ ఈ ఘనత సాధించాడు. ఈ ఆసియా కప్‌లో రోహిత్‌ శర్మకు ఇది వరుసగా మూడో హాఫ్ సెంచరీ.
టీమిండియా క్రికెటర్‌లలో వన్డేల్లో 10వేల పరుగులు చేసిన ఆరో బ్యాటర్‌ రోహిత్‌ శర్మ. అత్యధికంగా సచిన్‌ టెండూల్కర్‌ (18426), విరాట్‌ కోహ్లీ (13024), సౌరవ్‌ గంగూలీ (11363), రాహుల్‌ ద్రవిడ్‌ (10889), మహేంద్రసింగ్‌ ధోని (10773) నిలిచారు. ప్రపంచ వ్యాప్తంగా వన్డేల్లో 10వేల పరుగులు చేసిన 15వ బ్యాటర్‌ రోహిత్‌ శర్మ.
https://x.com/BCCI/status/1701544035834593444?s=20
విరాట్‌ కోహ్లీ 205 వన్డే ఇన్నింగ్సుల్లో 10వేల పరుగుల మార్కును అందుకున్నాడు. తర్వాత స్థానంలో రోహిత్‌ నిలిచాడు. ఆ తర్వాత వరుసగా సచిన్‌ టెండూల్కర్‌ (259), సౌరవ్‌ గంగూలీ (263), రికీ పాంటింగ్‌(266) ఉన్నారు.
ఇక శ్రీలంకతో మ్యాచులో శార్దూల్‌ ఠాకూర్‌కు విశ్రాంతినిచ్చి, అతని స్థానంలో అక్షర్‌ పటేల్‌కు అవకాశం ఇచ్చింది భారత్‌. బ్యాటర్లకు అనుకూలిస్తున్న పిచ్‌పై ధాటిగానే ఇన్నింగ్స్‌ను ఆరంభించిన భారత్‌.. 14 ఓవర్లలో రెండు వికెట్ల నష్టానికి 90 పరుగులు చేసింది. శుభ్‌మన్ గిల్‌(19), విరాట్‌ కోహ్లీ(3) వెనుదిరిగారు. ప్రస్తుతం రోహిత్‌ శర్మ, ఇషాన్‌ కిషన్‌ క్రీజులో ఉన్నారు.
