News

Rohit Sharma ఫిట్‌నెస్ లెవల్స్‌‌ని ప్రశ్నించిన సల్మాన్ భట్.. కోహ్లీ పేరుతో సెటైర్ – salman butt takes a swipe at indian team’s fitness


Authored by Rajendra Galeti | Samayam Telugu | Updated: Sep 21, 2022, 4:11 PM

Rohit Sharma Fitness పై గత రెండేళ్లుగా చర్చ నడుస్తూనే ఉంది. అధిక బరువు కారణంగా మైదానంలో రోహిత్ శర్మ చురుగ్గా కదల్లేకపోతున్నాడనే విమర్శ కూడా ఉంది. ఇదే విషయాన్ని మరోసారి..?

 

విరాట్ కోహ్లీ, రోహిత్ శర్మ (Pic Credit: ANI)

ప్రధానాంశాలు:

  • రోహిత్ ఫిట్‌నెస్ లెవల్స్‌ని ప్రశ్నించిన భట్
  • విరాట్ కోహ్లీని ఉదాహరణగా చూపిన వైనం
  • మరో ఇద్దరు కూడా బద్ధకంగా ఉన్నారట
  • రోహిత్ శర్మని ట్రోల్ చేస్తున్న కోహ్లీ ఫ్యాన్స్
భారత కెప్టెన్ రోహిత్ శర్మ‌పై మరోసారి పాకిస్థాన్ క్రికెటర్లు విమర్శలు గుప్పించారు. మైదానంలో రోహిత్ శర్మ (Rohit Sharma) చాలా ఒత్తిడికి గురవుతున్నట్లు కనిపిస్తున్నాడని ఇటీవల మహ్మద్ హఫీజ్ అభిప్రాయపడగా.. తాజాగా రోహిత్ శర్మ ఫిట్‌నెస్ లెవల్స్‌‌ని సల్మాన్ భట్ ప్రశ్నించాడు. ఆస్ట్రేలియాతో మొహాలి వేదికగా మంగళవారం రాత్రి జరిగిన తొలి టీ20లో భారత్ జట్టు మూడు సులువైన క్యాచ్‌ల్ని నేలపాలు చేసింది. దానికి కారణం ఫిట్‌నెస్ లెవల్స్ తక్కువగా ఉండటమేనని సల్మాన్ భట్ చెప్పుకొచ్చాడు.

‘‘ఈ విషయం గురించి ఇతరులు మాట్లాడతారో లేదో నాకు తెలియదు. కానీ.. నేను గమనించినంత వరకు టీమిండియా ఫిట్‌నెస్ లెవల్స్.. బాగాలేవు. కొంత మంది సీనియర్ క్రికెటర్లు స్థాయికి తగినట్లు ఫీల్డింగ్‌ చేయలేకపోతున్నారు. ఫిట్‌నెస్‌లో విరాట్ కోహ్లీ ఒక బెంచ్‌ మార్క్‌ని క్రియేట్ చేశాడు. అలానే రవీంద్ర జడేజా, హార్దిక్ పాండ్య కూడా మంచి ఫిట్‌నెస్‌తో కనిపిస్తున్నారు. కానీ.. రోహిత్ శర్మ, కేఎల్ రాహుల్ మాత్రం అధిక బరువు కారణంగా మైదానంలో బద్ధకంగా కనిపిస్తున్నారు. రిషబ్ పంత్ కూడా అంతే. వీళ్లందరూ ఫిట్‌గా తయారైతే మరింత ప్రమాదకార క్రికెటర్లుగా మారతారు’’ అని సల్మాన్ భట్ చెప్పుకొచ్చాడు.

రోహిత్ శర్మ అధిక బరువుపై రెండేళ్ల నుంచి చర్చ నడుస్తోంది. కరోనా టైమ్‌లో క్రికెట్‌ సిరీస్‌లు లేకపోవడంతో అప్పట్లో రోహిత్ శర్మ బరువు పెరిగాడు. ఆ తర్వాత కూడా అతను అదే తరహాలో కొనసాగుతున్నాడు. అలానే రిషబ్ పంత్‌ బరువుపై కూడా అప్పట్లో విమర్శలు వినిపించాయి. మరోవైపు విరాట్ కోహ్లీ మాత్రం మునుపటి కంటే ఎక్కువ ఫిట్‌నెస్‌తో కనిపిస్తున్నాడు. ఇప్పుడు సల్మాన్ భట్ ప్రత్యేకంగా కోహ్లీ, రోహిత్ శర్మ మధ్య ఫిట్‌నెస్ పోలిక తేవడంతో కోహ్లీ అభిమానులు ట్విట్టర్‌లో చెలరేగిపోతున్నారు. గత మూడేళ్లుగా కోహ్లీ, రోహిత్ శర్మ అభిమానుల మధ్య కోల్డ్ వార్ నడుస్తున్న విషయం తెలిసిందే.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button