News

Road safety board in Kullu, Kullu Police Board: తాగి నడిపితే ఇక అంతే… జైల్లో గడ్డకట్టిపోవాల్సిందేనట.. – kullu police department road safety board is viral in internet


కులు పోలీస్ డిపార్ట్‌మెంట్ వాళ్లు (Kullu Police Board) తాగి వాహనాలు నడపొద్దని ప్రయాణికులకు హెచ్చరిక బోర్డు పెట్టారు. అయితే చాలా చమత్కారంగా పెట్టారు. ఆ బోర్డు నెటిజన్లు మనస్సులను దోచుకుంది. ఆ బోర్డుకు సంబంధించిన వీడియోను ఇన్‌స్టాగ్రామ్‌లో పోస్ట్ చేశారు. ఆ వీడియోను చూసిన నెటిజన్లు పోలీసుల చమత్కారంపై.. అంతే వ్యంగ్యంగా స్పందిస్తున్నారు. కచ్చితంగా లోకేషన్ కావాలని కామెంట్లు పెడుతున్నారు. ఇలా విపరీతంగా స్పందిస్తున్నారు. వీడియోను షేర్ చేస్తున్నారు. పోలీసుల వినూత్న ప్రయత్నాన్ని మెచ్చుకుంటున్నారు.

 

ప్రధానాంశాలు:

  • వినూత్నంగా వార్నింగ్ బోర్డు పెట్టిన పోలీసులు
  • సోషల్ మీడియాలో వైరల్ అవుతోన్న వీడియో
  • వ్యంగ్యంగా స్పందిస్తున్న నెటిజన్లు
Kullu Police Board: మద్యం సేవించి వాహనాలు డ్రైవ్ చేస్తే… పోలీసులు జరిమానాలు విధిస్తారు. వార్నింగ్‌లు.. కౌన్సెలింగ్‌లు ఇస్తారు. మందు కొట్టి వాహనాలు నడపొద్దని వాహనదారులకు అవగాహన కల్పిస్తుంటారు. తాగి వాహనాలు నడపడం వల్లే జరిగే ప్రమాదాలు, పరిణామాలపై వివరంగా చెబుతారు. విద్యాలయాలు, అపార్ట‌మెంట్లలో మీటింగ్‌లు పెట్టి మరీ అందరికీ తెలియజేయడం మామూలే. కానీ కులు పోలీస్ డిపార్ట్‌మెంట్ చాలా కొత్తగా ట్రై చేసింది. తాగి వాహనాలు నడపొద్దని ప్రజలకు తెలియజేసేందుకు వెరైటీగా ఓ బోర్డ్ పెట్టింది. ఆ బోర్డు ఇప్పుడు సోషల్ మీడియాలో తెగ చక్కర్లు కొడుతుంది. ఆ బోర్డులో ఉన్నదాన్ని చూసి నెటిజన్లు నవ్వులు చిందిస్తున్నారు.

ఈ బోర్డుకు సంబంధించిన వీడియోని అజ్నాస్ కేవీ ఇన్‌స్టాగ్రామ్‌లో షేర్ చేశారు. ఆ బోర్డులో “మద్యం తాగి వాహనం నడప వద్దు. మనాలిలోని జైలు చాలా చల్లగా ఉంది.” అని స్వీట్ వార్నింగ్ ఇచ్చారు. పైగా “సిగరెట్ ఊపిరితిత్తులను కాల్చేస్తుంది” అని బోర్డులో ధూమపానంపై కూడా ఓ సలహా రాసిపెట్టారు. అనూహ్యంగా ఆ వీడియో సోషల్ మీడియాలో హల్‌‌‌చల్ చేస్తుంది. ఇప్పటికే ఈ వీడియోని ఐదు మిలియన్ల మంది చూశారు. లైకులు మీద లైకులు కొడుతున్నారు. దానిని చూసిన నెటిజన్లు అంతే వ్యంగ్యంగా స్పందిస్తున్నారు. కామెంట్ బాక్స్‌లన్నీ ఏమోజీలతో నింపేస్తున్నారు.


అలాగే ఈ వీడియోను చూసిన చాలామంది పోలీసుల చమత్కారాన్ని మెచ్చుకుంటున్నారు. షేర్ చేస్తున్నారు. కొంతమంది యూజర్లు బోర్డులో విషయం సరే.. మరీ బోర్డు చుట్టూ ఉన్న గంజాయి మొక్కల సంగతేంటంటూ..? ప్రశ్నించారు. అంతేకాదు ఆ బోర్డు పెట్టిన కచ్చితమైన లోకేషన్ తెలియజేయాలని కామెంట్ పెట్టారు. ఒక యూజర్ మనాలీకి బ్యాగ్‌లు సర్దుకోవాల్సిందే అని కామెంట్ పెట్టారు. మొత్తానికి పోలీసులు పబ్లిక్‌తో కనెక్ట్ అవ్వడానికి వినూత్నంగా ప్రయత్నించడమే కాకుండా వ్యంగ్యంలోనూ రాణిస్తున్నట్టు తెలుస్తుంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network



Related Articles

Back to top button