News

real estate prices crash, China Real Estate: లగ్జరీ ఇళ్లను, ప్రాపర్టీలను చౌక రేట్లకే అమ్మేసుకుంటున్న జనాలు.. తీవ్ర సంక్షోభంలో కూరుకుపోయిన రియల్ ఎస్టేట్ – people selling luxury homes and properties in china at very cheap rates


China Real Estate: చైనాలో రియల్ ఎస్టేట్ పరిస్థితి మరింత అధ్వానంగా మారింది. ప్రాపర్టీ ధరలు భారీగా దిగొచ్చాయి. గత కొంత కాలంగా చైనాలో ఈ సంక్షోభం నెలకొంది. ఇప్పట్లో ఈ రియల్ ఎస్టేట్ సంక్షోభం నుంచి చైనా కోలుకునేలా కనిపించడం లేదు. చైనాలో చాలా నగరాలలో లగ్జరీ ప్రాపర్టీ ధరలు 30 శాతం నుంచి 40 శాతం వరకు పడిపోయాయి. చైనీస్ మార్కెట్‌పై ప్రజలు తీవ్ర నిరాసక్తితో ఉన్నారు. ఈ నిరాసక్తితో చాలా మంది సంపన్న చైనా ప్రజలు, తైవాన్ ప్రజలు తమ ఆస్తులను అమ్మేసుకుంటున్నారు. అత్యంత చౌక రేట్లకే తమ ఇళ్లను, ప్రాపర్టీలను వదిలించుకుంటున్నారు. అంతేకాక చాలా మంది సంపన్న ప్రజలు చైనాను విడిచి ఇతర దేశాలకు వెళ్తున్నారు. చైనాలో అత్యంత ముఖ్యమైన నగరంగా షాంఘై ఉంది. ఈ నగరంలో లగ్జరీ ఇళ్ల ధరలు ఏకంగా 40 శాతం వరకు తగ్గిపోయాయి.

తాజా రిపోర్టుల ప్రకారం.. తైవాన్‌కు చెందిన వ్యాపారవేత్తలు తమ రెస్టారెంట్లను, హోటల్స్‌ను, ఇతర ప్రాపర్టీలను అమ్ముకుని క్యాష్ చేసుకోవాలని చూస్తున్నారు. దీంతో గత కొన్ని రోజులుగా చైనాలో చాలా లగ్జరీ ఇళ్ల ధరలు 40 శాతం వరకు తగ్గిపోయాయని పేర్కొన్నాయి. ఇటీవలే చైనాలోని ప్రధాన పార్టీ అయిన కమ్యూనిస్ట్ పార్టీ 20వ నేషనల్ కాంగ్రెస్ జరిగింది. ఈ కాంగ్రెస్‌లో మూడోసారి కూడా చైనా అధ్యక్షుడిగా జిన్ పింగ్ ఎంపికయ్యారు. మూవో తర్వాత ఆ దేశంలో అత్యంత ప్రభావంతమైన నాయకుడిగా తన స్థానాన్ని పదిలం చేసుకున్నారు. కానీ ఈ మీటింగ్ తర్వాత చైనా ప్రజలలో తీవ్ర వ్యతిరేకత వ్యక్తమవుతోంది. ముఖ్యంగా సంపన్న ప్రజలు దేశం విడిచి బయటకి వెళ్లేందుకే ప్రయత్నిస్తున్నారు. దేశం వీడుతుండటంతో.. ఎంత చౌకకైనా తమ ఇళ్లను అమ్మేసుకుంటున్నారు. ఇప్పటికే చాలా మంది సంపన్నులు దేశం విడిచి వెళ్లిపోయినట్టు తెలిసింది. వారు తమ మనీని ఇతర దేశాలకు ట్రాన్స్‌ఫర్ పెట్టుకుంటున్నారు.

Also Read : ఝున్‌ఝున్‌వాలా డబ్బులున్న ఫార్మా స్టాక్.. కాసులు పండిస్తోంది.. నేటి ట్రెండింగ్ ఇదే, మరింత పెరిగే ఛాన్స్!

చైనాలోని షాంఘైలోని లగ్జరీ ఇళ్లు గత నెలలో 60 మిలియన్ యువాన్లు అంటే భారతీయ కరెన్సీ ప్రకారం రూ.68 కోట్లు పలికితే.. ప్రస్తుతం ఆ రేట్లు 35.99 మిలియన్ యువాన్‌కి పడిపోయాయి. అంటే రూ.40 కోట్లకి క్షీణించాయి. అంటే రూ.28 కోట్ల మేర ధర తగ్గిపోయింది. పైగా అమ్మకందారులు ఈ ధరను కూడా నెగోషియబుల్‌గా పేర్కొంటున్నారు. వుహాన్, షాంఘై, బీజింగ్, జియాంగ్సు వంటి ప్రాంతాల్లోని చాలా మంది సంపన్నులు ఇప్పటికే తమ ఆస్తులను అమ్ముకున్నట్టు ఒక రియల్ ఎస్టేట్ బ్రోకర్ చెప్పారు. తైవాస్ వ్యాపారవేత్తలు కూడా తమ వ్యాపారాలను అమ్ముకుని, క్యాష్ చేసుకుంటున్నారని పేర్కొన్నారు.

చైనా ప్రభుత్వం సైతం సంక్షోభంలో కూరుకుపోయిన రియల్ ఎస్టేట్‌ మార్కెట్‌ను కాపాడేందుకు పెద్దగా చర్యలు తీసుకోవడం లేదు. కొంతమంది ఇళ్ల కొనుగోలుదారులు నిర్మాణ జాప్యాలతో తమ మోర్టగేజ్‌లను చెల్లించేందుకు నిరాకరిస్తున్నారు. ప్రాపర్టీ అమ్మకాలు తగ్గిపోయాయి. ఇప్పటికే చాలా మంది ఆర్థికంగా ఇబ్బందులు పడుతున్నారు. చైనా ప్రభుత్వంపై ప్రజలు ప్రస్తుతం నమ్మకం కోల్పోతుండటంతో.. ఈ మార్కెట్లు పడిపోతున్నాయి.

Also Read : రూపాయి షేరుతోనే అదిరిపోయే లాభాలు.. అప్పర్ సర్క్యూట్‌ను తాకిన స్టాక్, వెంటనే కొనేయండి!

  • READ LATEST Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Related Articles

Back to top button