News

Ravi Kumar Dahiya ‌కి కామన్వెల్త్ గేమ్స్‌‌లో గోల్డ్ మెడల్.. రెజ్లింగ్‌లో 4వ స్వర్ణం



కామన్వెల్త్ గేమ్స్ 2022లో భారత రెజ్లర్లు వరుసగా పసిడి పతకాల్ని కొల్లగొడుతున్నారు. శుక్రవారం నిమిషాల వ్యవధిలోనే భారత్‌కి రెజ్లింగ్‌లో మూడు గోల్డ్ మెడల్స్ దక్కగా.. ఈరోజు రవి కుమార్ దహియా మరో స్వర్ణ పతకాన్ని భారత్‌కి అందించాడు. ఫురుషుల 57 కేజీల విభాగంలో పోటీపడిన రవి కుమార్ దహియా.. ఫైనల్లో నైజీరియాకి చెందిన వెల్సన్‌పై 10-0 తేడాతో విజయాన్ని అందుకున్నాడు.

నాలుగేళ్ల క్రితం గోల్డ్ కోస్ట్ వేదికగా జరిగిన కామన్వెల్త్ గేమ్స్‌కి గాయం కారణంగా దూరమైన రవికుమార్ దహియాకి.. కామన్వెల్త్ గేమ్స్‌లో ఇదే మొదటి పతకం. ఈరోజు ఫైనల్లో ఈ 24 ఏళ్ల హర్యానా రెజ్లర్ కేవలం 2 నిమిషాల 16 సెకన్లలోనే మ్యాచ్‌ని ఫినిష్ చేసేశాడు. సెమీ ఫైనల్లో పాకిస్థాన్‌కి చెందిన అలి అసద్‌ని రవికుమార దహియా 14-4 తేడాతో ఓడించేసిన విషయం తెలిసిందే. శుక్రవారం బజరంగ్ పునియా, సాక్షి మాలిక్, దీపక్ పునియా రెజ్లింగ్‌లో గోల్డ్ మెడల్ గెలిచిన విషయం తెలిసిందే.

రవికుమార్ దహియా పతకంతో భారత్ ఖాతాలో పతకాల సంఖ్య 31కి చేరింది. ఇందులో 10 బంగారు పతకాలు ఉండగా.. 11 రజతాలు, 10 కాంస్య పతకాలు ఉన్నాయి. ఓవరాల్‌గా పతకాల పట్టికలో భారత్ ఐదో స్థానంలో కొనసాగుతోంది.

Related Articles

Back to top button