News

rashmika mandanna, Mission Majnu: మ‌రోసారి ‘సీతారామం’ క్యారెక్టర్‌లో ర‌ష్మిక‌… క‌లిసొస్తుందా? – rashmika mandanna follwing same sentiment in mission majnu will she get success


సినిమా ఇండ‌స్ట్రీలో ఎవ‌రైనా సెంటిమెంట్ల‌కు ప‌డిపోవాల్సిందే. హీరో, హీరోయిన్‌, డైర‌క్ట‌ర్‌, ప్రొడ్యూస‌ర్ అనే తేడా ఉండ‌దు సెంటిమెంట్ల‌కి. ఇప్పుడు ర‌ష్మిక కూడా అదే సెంటిమెంట్‌ని ఫాలో అవుతున్నారు. లాస్ట్ ఇయ‌ర్ తెలుగు ఇండ‌స్ట్రీలో హిట్ సినిమాలేవీ అని అడిగితే అంద‌రూ చ‌టుక్కున సీతారామం (Sita Ramam) పేరు చెప్పేస్తారు. దుల్క‌ర్ స‌ల్మాన్‌ (Dulquer Salman), మృణాల్ ఠాకూర్ (Mrunal Thakur) న‌టించిన ఈ సినిమాలో కీ రోల్ చేశారు ర‌ష్మిక మంద‌న్న‌ (Rashmika Mandanna). అస‌లు ర‌ష్మిక‌కి ఇప్పుడున్న పేరుకి అలాంటి క్యారెక్టర్ ఒప్పుకోవ‌డానికి కూడా గ‌ట్స్ కావాల‌న్నారు ప్రేక్ష‌కులు.అయితే అవేమీ ప‌ట్టించుకోలేదు ర‌ష్మిక‌. జ‌స్ట్ క్యారెక్టర్ న‌చ్చింద‌ని చేసేశారు.

లాస్ట్ ఇయ‌ర్ మాత్ర‌మే కాదు, ఈ ఇయ‌ర్ కూడా ర‌ష్మిక ముస్లిం గ‌ర్ల్ గా న‌టించిన మూవీ రిలీజ్‌కి రెడీ అవుతోంది. మిష‌న్ మ‌జ్ను సినిమాలో సిద్ధార్థ్ మ‌ల్హోత్రాకి బెట‌ర్‌హాఫ్‌గా న‌టించారు ర‌ష్మిక మంద‌న్న‌. ఇందులో ముస్లిం పాత్ర‌లో క‌నిపించారు ర‌ష్మిక‌. పాకిస్తాన్‌లో ఎక్క‌డో న్యూక్లియ‌ర్ బాంబులు త‌యారు చేస్తుంటారు. వాటిని మ‌న‌వాళ్లు క‌నిపెట్టాలి. ఎలా క‌నిపెట్టాలో తెలియ‌దు. అయినా దాని కోసం చేసిన ప్ర‌య‌త్న‌మే ఈ మిష‌న్ మ‌జ్ను. సిద్ధార్థ్ మ‌ల్హోత్రా మ‌రోసారి చెల‌రేగిపోయారు. ఆయ‌న ల‌వ్ ఇంట్ర‌స్ట్ గా ర‌ష్మిక క్యారెక్టర్ కూడా బావుంది.

ఈ త‌ర‌హా పాత్ర‌లు సిద్ధార్థ్ మ‌ల్హోత్రాకి (Sidharth Malhotra) కొత్తేం కాదు. లాక్‌డౌన్ టైమ్‌లోనూ షేర్‌షా మూవీలో చేశారు సిద్. ఇప్పుడు మిష‌న్ మ‌జ్ను (Mission Majnu) సినిమా కూడా నెట్‌ఫ్లిక్స్ లో విడుద‌ల కానుంది. జ‌న‌వ‌రిలో రెండు సినిమాల రిలీజుల్ని చూడ‌బోతున్నారు ర‌ష్మిక మంద‌న్న‌. విజ‌య్ (Thalapathy Vijay) స‌ర‌స‌న ఆమె న‌టించిన వారిసు సంక్రాంతి బ‌రిలో ఉంది. త‌మిళ‌నాడులో జ‌న‌వ‌రి 11న‌, తెలుగులో జ‌న‌వ‌రి 14న విడుద‌ల కానుంది. మిష‌న్ మ‌జ్ను నెట్‌ఫ్లిక్స్ లో జ‌న‌వ‌రి 20న (Mission Majnu release date) ప్ర‌సారం కానుంది.

  • Read Latest Tollywood Updates & Telugu News

Related Articles

Back to top button