News

ranveer singh, SIIMA Awards 2022: రణ్‌వీర్ సింగ్‌ను చెంపపై కొట్టిన బాడీ గార్డ్.. వీడియో వైరల్ – actor ranveer singh got slapped by bodyguard at siima awards 2022 and video goes viral


బాలీవుడ్ స్టార్ హీరో రణ్‎వీర్ సింగ్ (Ranveer Singh) మరోసారి వార్తల్లో నిలిచారు. బాడీగార్డ్ చేతిలో చెంప తిన్న ఓ వీడియో తెగ వైరల్ అవుతోంది. ఇంతకు ఏం జరిగిందంటే..! ఇటీవల జరిగిన సౌత్ ఇండియన్ ఇంటర్నేషనల్ మూవీ అవార్డ్స్ 2022 (SIIMA 2022) వేడుకలకు రణ్‌వీర్ హాజరయ్యారు. వైట్ డ్రెస్‌లో స్టైలిష్ లుక్‌లో సందడి చేశారు. మోస్ట్ పాపులర్ హిందీ యాక్టర్ అవార్డును అందుకున్న రణ్‌వీర్.. బయటకు వచ్చే సమయంలో అభిమానులు అందరూ ఒక్కసారిగా గుమిగూడారు.

రణవీర్ సింగ్‌తో సెల్ఫీ ఫొటో తీసుకునేందుకు ఎగబడ్డారు. వారి నుంచి రక్షించేందుకు బాడీ గార్డులు తెగ కష్టపడ్డారు. ఈ క్రమంలో అనుకోకుండా ఓ బాడీగార్డు రణ్‌వీర్ చెంపపై గట్టిగా కొట్టాడు. దీంతో అతను ఆశ్చర్యపోయారు. అయితే ఎంతో స్పోర్టివ్‌గా తీసుకున్న రణ్‌వీర్ అతడిని ఏమి అనకుండా.. చెంపను పట్టుకోవడం వీడియోలో కనిపించింది. ఆ తర్వాత నవ్వుతూ అభిమానులతో సెల్ఫీలు దిగారు. ఇందుకు సంబంధించిన వీడియో నెట్టింట చక్కర్లు కొడుతోంది.

సైమా అవార్డ్స్‌లో పలు తెలుగు సినిమాలు సత్తా చాటిన సంగతి తెలిసిందే. పుష్ప (Pushpa), అఖండ (Akhanda) చిత్రాలు స్పెషల్ అట్రాక్షన్‌గా నిలిచాయి. పుష్ప 12 అవార్డుల్లో నామినేట్ కాగా.. 6 అవార్డుల‌ను, అఖండ మూవీ 10 అవార్డుల‌కు నామినేట్ కాగా.. రెండు అవార్డులను సొంతం చేసుకుంది. ఈ వేడుకల్లో ఐకాన్ స్టార్ అల్లు అర్జున్ (Allu Arjun) సందడి చేశాడు. ఉత్తమ న‌టుడు అవార్డ్ అందుకున్న ఆయ‌న.. త‌గ్గేదే లే అంటూ త‌న‌దైన స్టైల్లో మేన‌రిజ‌మ్‌తో అలరించాడు. ఉప్పెన (Uppena) మూవీలో హీరో, హీరోయిన్‌, డైరెక్టర్.. డెబ్యూ అవార్డుల‌ను గెలుచుకున్నారు.

Related Articles

Back to top button