News

rajinikanth meets chandrababu, చంద్రబాబును కలిసిన సూపర్‌స్టార్ రజినీకాంత్.. ప్రియమైన స్నేహితుడంటూ ట్వీట్ – superstar rajinikanth meets nara chandrababu naidu in hyderabad


టీడీపీ జాతీయ అధ్యక్షుడు నారా చంద్రబాబు నాయుడును సూపర్ స్టార్ రజనీకాంత్ కలిశారు. హైదరాబాద్‌లోని జూబ్లీహిల్స్ లోని చంద్రబాబు నివాసంలో మర్యాదపూర్వకంగా కలిశారు రజినీకాంత్. తన నివాసానికి వచ్చిన తలైవాకు చంద్రబాబు సాదర స్వాగతం పలికారు. ఇద్దరూ కలిసి చాలాసేపు ఆత్మీయంగా మాట్లాడుకున్నారు. ఇద్దరు పరస్పరం యోగక్షేమాలు తెలుసుకోవటంతో పాటు.. ఆయా అంశాల మీద చర్చించారు. తలైవా యోగక్షేమాలతో పాటు ఆయన నటిస్తోన్న కొత్త సినిమాల గురించి.. బాబు అడిగి తెలుసుకున్నారు. కాగా.. ప్రస్తుత రాజకీయ పరిస్థితులపై కూడా ఇద్దరూ ముచ్చటించినట్టు తెలుస్తోంది. తన ప్రియమైన స్నేహితున్ని ఇలా కలుసుకోవటం చాలా ఆనందంగా ఉందని బాబు తెలిపారు. సూపర్ స్టార్ రజనీకాంత్‌ను కలిసిన విషయాన్ని బాబు తన అధికారిన ట్విట్టర్‌లో పోస్ట్ చేశారు. ఆయనతో కలిసి తీసుకున్న ఫొటోను పంచుకున్నారు. తలైవాను బాబు ఆత్మీయంగా సత్కరించారు.

అయితే.. సూపర్ స్టార్ రజనీకాంత్ గతంలో రాజకీయ రంగ ప్రవేశం చేస్తానని ప్రకటించటమే కాకుండా పార్టీ పేరు, గుర్తును రిజిస్టర్ చేపించారు. కానీ.. ఏమైందో ఏమో తెలియదు మళ్లీ వెనక్కి తగ్గారు. అదే సమయంలో ఏపీ అసెంబ్లీలో చంద్రబాబుకు జరిగిన ఘటనపై ఫోన్ చేసి మరీ రజనీకాంత్ పరామర్శించారు. ఇక ఇప్పుడు నేరుగా వచ్చి బాబును కలిశారు. మరోవైపు.. రజనీకాంత్ ప్రస్తుతం జైలర్ సినిమాలో నటిస్తున్నారు. నెల్సన్ దిలీప్ కుమార్ దర్శకత్వంలో ఈ సినిమా తెరకెక్కుతోంది. అయితే.. హైదరాబాద్‌లో షూటింగ్ జరుగుతున్న క్రమంలోనే చంద్రబాబును మర్యాదపూర్వకంగా కలిసేందుకు తలైవా వచ్చినట్టు తెలుస్తోంది.

కోతులు ఎంత పని చేశాయి.. దేవుడి ముందు పెట్టిన దీపంతో ఇంటినే తగలబెట్టేశాయి..

  • Read More Telangana News And Telugu News

Related Articles

Back to top button