News

rajinikanth lost train ticket, Rajinikanth కి ట్రైన్‌లో చేదు అనుభవం.. అండగా నిలిచిన రైల్వే కూలీలు – superstar rajinikanth says railway coolies offfered money when he lost ticket while travelling on train


Authored by Rajendra Galeti | Samayam Telugu | Updated: 1 Nov 2022, 6:47 am

Superstar Rajinikanth ఎస్‌ఎస్‌ఎల్‌సీ చదవేటప్పుడు ఎగ్జామ్ ఫీజు కోసం రూ.150 ఇంట్లో వాళ్లు ఇచ్చారట. కానీ తాను ఎగ్జామ్‌లో ఫెయిలైపోతానని ముందే అర్థం చేసుకున్న రజనీకాంత్ ఆ డబ్బుతో మద్రాస్‌ వెళ్తున్న రైలు ఎక్కేశాడట. ఇక్కడి వరకు అంతా బాగానే ఉన్నా?

 

సూపర్‌స్టార్ రజనీకాంత్

ప్రధానాంశాలు:

  • రజనీకాంత్‌కి ట్రైన్‌లో చేదు అనుభవం
  • అండగా నిలిచిన ఐదుగురు రైల్వే కూలీలు
  • గుర్తు చేసుకుని ఎమోషనల్ అయిపోయిన సూప‌ర్‌స్టార్
  • వచ్చే ఏడాది జైలర్‌ మూవీతో రాబోతున్న రజనీ
సూపర్‌స్టార్ రజనీకాంత్ (Superstar Rajinikanth) నటిస్తున్న ‘జైలర్’ (Jailer) మూవీ శరవేగంగా షూటింగ్ జరుపుకుంటోంది. ఇప్పటికే విడుదలైన పోస్టర్ ఈ సినిమాపై అంచనాలు పెంచేస్తుండగా.. రజనీతో పాటు శివరాజ్ కుమార్, రమ్యకృష్ణ ఇందులో నటిస్తున్నారు. ఏప్రిల్ 14న థియేటర్లలోకి రాబోతున్న జైలర్‌కి నెల్సన్ దిలీప్ కుమార్ దర్శకుడు. ఈ సినిమా షూటింగ్‌లో బిజీగా ఉన్న రజనీకాంత్ (Rajinikanth).. ఓ ఇంటర్వ్యూలో తనకి ఎదురైన ఓ చేదు అనుభవాన్ని గుర్తు చేసుకున్నారు.

‘‘నేను ఎస్‌ఎస్‌ఎల్‌సీ చదివే రోజులవి. అప్పట్లో నాకు పెద్దగా చదువు వచ్చేది కాదు. ఇంట్లో వాళ్లు ఎగ్జామ్ ఫీజు కోసం రూ.150 ఇచ్చారు. కానీ నేను ఆ ఎగ్జామ్‌లో ఫెయిల్ అయిపోతానని నాకు తెలుసు. అందుకే బాగా ఆలోచించి మద్రాస్ రైల్ ఎక్కేశాను. వాస్తవానికి నేను టికెట్ తీసుకునే రైలు ఎక్కాను. కానీ టీసీ టికెట్ చెక్ చెస్తున్నప్పుడు చూస్తే నా జేబులో లేదు. అది మధ్యలో ఎక్కడో పడిపోయిందని నాకు అర్థమైంది. ఇదే విషయం టీసీ కూడా చెప్పాను. కానీ ఆయన తొలుత నమ్మలేదు సరికదా.. జరిమానా కట్టాల్సిందేనంటూ అందరి ముందు గట్టిగా అరుస్తూ హెచ్చరించాడు. నా పరిస్థితి చూసిన అక్కడ ఉన్న రైల్వే కూలీలు ఐదుగురు నాకు సాయం చేసేందుకు ముందుకు వచ్చారు. వారికి నేను నిజాయతీగా జరిగింది చెప్పాను. నేను వాళ్లతో చెప్తున్న తీరు చూసిన టీసీ.. నిజమే చెప్తున్నానని అప్పుడు నమ్మాడు. నాకు తెలిసి నన్ను ఓ వ్యక్తి నమ్మడం అదే తొలిసారి’’ అని రజనీకాంత్ గుర్తు చేసుకున్నారు.

మద్రాస్ వెళ్లాక అక్కడ దర్శకుడు కె. బాలచందర్ ఆ తర్వాత తనని నమ్మారని గుర్తు చేసుకున్న రజనీకాంత్.. ఇప్పుడు అభిమానులు తనని నమ్ముతున్నారని ఎమోషనల్ అయ్యారు. ప్రజల నమ్మకాన్ని ఎట్టి పరిస్థితుల్లో వమ్ము చేయనని కూడా రజనీకాంత్ ప్రామిస్ చేశారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button