News

raja singh suspended, Raja Singhపై బీజేపీ హైకమాండ్ సీరియస్… పార్టీ నుంచి సస్పెండ్ – mla raja singh suspended by bjp high command


Authored by Veeresh Billa | Samayam TeluguUpdated: Aug 23, 2022, 3:30 PM

మహ్మద్ ప్రవక్తపై అనుచిత వ్యాఖ్యలు చేసిన గోషామహల్ ఎమ్మెల్యే రాజాసింగ్‌ను బీజేపీ హైకమాండ్ సస్పెండ్ చేసింది. ఆ లేఖను రాజాసింగ్‌ను పంపిన అధిష్ఠానం 110 రోజుల్లోగా వివరణ ఇవ్వాలని కోరింది.

 

మహ్మద్ ప్రవక్తపై అనుచిత వ్యాఖ్యలు చేసిన కేసులో అరెస్టయిన ఎమ్మెల్యే రాజాసింగ్‌కి బీజేపీ అధిష్ఠానం షాకిచ్చింది. ఆయన్ని పార్టీ నుంచి సస్పెండ్ చేస్తున్నట్లు ప్రకటించింది. రాజాసింగ్ సోషల్‌మీడియాలో విడుదల చేసిన వీడియో దేశవ్యాప్తంగా దుమారం రేపుతోంది. తమ దైవాన్ని అవమానించిన ఆయనపై కఠినచర్యలు తీసుకోవాలని ముస్లిం సంఘాలు డిమాండ్ చేస్తున్నాయి. అసలే నుపుర్ శర్మ వ్యవహారంతో చిక్కుల్లో పడిన బీజేపీ అధిష్ఠానం రాజాసింగ్‌పై తీవ్ర ఆగ్రహం వ్యక్తం చేస్తూ పార్టీ నుంచి సస్పెండ్ చేసింది.
పార్టీ నుంచి ఎందుకు సస్పెండ్ చేయకూడదో 10 రోజుల్లోగా వివరణ ఇవ్వాలని నోటీసులో పేర్కొంది. తెలంగాణ అసెంబ్లీలో బీజేపీ శాసనసభాపక్ష నేతగా కొనసాగుతున్న ఆయన్ని ఆ పదవి నుంచి కూడా తొలగిస్తున్నట్లు హైకమాండ్ ప్రకటించింది.
BJP MLA Raja Singh: బీజేపీ ఎమ్మెల్యే రాజాసింగ్ అరెస్ట్
స్టాండప్ కమెడియన్ మునావర్ ఫారూఖీ షో నిర్వహణపై తీవ్ర అభ్యంతరం వ్యక్తం చేసిన రాజాసింగ్ మహ్మద్ ప్రవక్తపై అనుచిత వ్యాఖ్యలు చేస్తూ ఆ వీడియోను సోషల్‌మీడియాలో పోస్ట్ చేశారు. దీనిపై దేశవ్యాప్తంగా ముస్లింలు తీవ్ర ఆగ్రహం వ్యక్తం చేశారు. హైదరాబాద్‌లో భవానీ నగర్, డబీర్ పురా, రెయిన్ బజార్ పోలీసు స్టేషన్లలో ఆయనపై ఫిర్యాదులు అందాయి. ఈ క్రమంలోనే డబీర్‌పురా పోలీసులు రాజాసింగ్‌పై ఐపీసీ 153-A, 295-A, 505(1)(b)(c), 505 (2) , 506 సెక్షన్ల కింద కేసు నమోదు చేశారు. మంగళవారం ఆయన ఇంటికి వెళ్లిన పోలీసులు రాజాసింగ్‌ను అరెస్ట్ చేసి తీసుకెళ్లారు. అంతకుముందే మరో వీడియో రిలీజ్ చేసిన ఆయన.. ధర్మం కోసం తాను చావడానికైనా సిద్ధమంటూ ప్రకటించారు.

Raja Singh: మహ్మద్ ప్రవక్తపై రాజా సింగ్ వ్యాఖ్యల దుమారం.. బీజేపీ ఎమ్మెల్యేపై కేసు నమోదు!
రాజాసింగ్ చేసిన వీడియోతో మత ఘర్షణలు తలెత్తే ప్రమాదముందని గమనించిన హైదరాబాద్‌ వెంటనే అప్రమత్తమయ్యారు. యూట్యూబ్ యాజమాన్యానికి మెయిల్ పంపించి ఆ వీడియోను డిలీట్ చేయించారు. అయితే రాజాసింగ్ వీడియోపై పాతబస్తీలో అలజడులు రేగాయి. సోమవారం రాత్రంతా వివిధ ప్రాంతాల్లో ఆందోళనలు కొనసాగుతూనే ఉన్నాయి. మంగళవాం పాతబస్తీలోని వ్యాపారులందరూ దుకాణాలు మూసివేసి స్వచ్ఛందంగా బంద్ పాటిస్తున్నారు. పలు రాష్ట్రాల్లోనూ రాజాసింగ్ వ్యాఖ్యలను నిరసిస్తూ ఆందోళనలు కొనసాగుతున్నాయి. ఎంఐఎం అధినే అసదుద్దీన్ సైతం ఈ వ్యవహారంపై తీవ్రంగా స్పందించారు. బీజేపీ ముస్లింలపై ద్వేషం వెళ్లగక్కుతోందని ఆరోపించారు. అసలే నుపుర్ శర్మ వ్యాఖ్యలతో డిఫెన్స్‌లో పడిన బీజేపీకి రాజాసింగ్ వ్యవహారం కొత్త తలనొప్పి తెచ్చిపెట్టింది. దీంతో ఈ వివాదం మరింత ముదరకముందే ఆయన్ని పార్టీ నుంచి సస్పెండ్ చేస్తున్నట్లు హైకమాండ్ ప్రకటించింది.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button