News

R Ashwin ‌ని టీ20ల్లోకి మళ్లీ ఎందుకు ఎంపిక చేశారు? శ్రీకాంత్ సూటి ప్రశ్న – krishnamachari srikkanth questions ashwin’s contention in t20wc team


T20 World Cup 2022 టీమ్ రేసులో అశ్విన్ లేడు. ఈ విషయాన్ని ఇప్పటికే టీమిండియా మేనేజ్‌మెంట్ ఎన్నోసార్లు స్పష్టం చేసింది. కానీ.. మళ్లీ అతడ్ని టీ20 జట్టులోకి ఎంపిక చేసి.. ఆడిస్తుండటంపై..?

 

R Ashwin (Pic Source: Twitter)

ప్రధానాంశాలు:

  • విండీస్‌తో టీ20 సిరీస్‌లో విఫలమవుతున్న అశ్విన్
  • అయినా.. వరుసగా ఛాన్స్‌లిస్తున్న రోహిత్ శర్మ
  • అక్షర్ పటేల్, కుల్దీప్ యాదవ్ రిజర్వ్ బెంచ్‌కే పరిమితం
  • వరల్డ్‌కప్‌లో రేసులో అశ్విన్ లేడంటున్న మాజీలు
భారత సీనియర్ ఆఫ్ స్పిన్నర్ రవిచంద్రన్ అశ్విన్‌ని వెస్టిండీస్‌తో టీ20 సిరీస్‌కి ఎంపిక చేసి.. తుది జట్టులో కూడా ఆడిస్తుండటాన్ని మాజీ క్రికెటర్ కృష్ణమాచారి శ్రీకాంత్ తప్పుబట్టాడు. గత 8 నెలలుగా భారత టీ20 జట్టుకి దూరంగా ఉన్న అశ్విన్.. అనూహ్యరీతిలో ప్రస్తుతం వెస్టిండీస్‌తో జరుగుతున్న టీ20 సిరీస్‌కి ఎంపికయ్యాడు. భారత కెప్టెన్ రోహిత్ శర్మ.. స్పిన్నర్లు రవి బిష్ణోయ్, అక్షర్ పటేల్, కుల్దీప్ యాదవ్‌ని పక్కనపెట్టి మరీ అశ్విన్‌ని తుది జట్టులో ఆడిస్తున్నాడు. కానీ.. సిరీస్‌లో మూడు మ్యాచ్‌లు ఆడిన అశ్విన్ పడగొట్టిన వికెట్లు మూడు మాత్రమే.

ఆగస్టు 27 నుంచి యూఏఈ వేదికగా ఆసియా కప్ ప్రారంభంకానుండగా.. ఆస్ట్రేలియా గడ్డపై అక్టోబరు- నవంబరులో టీ20 వరల్డ్‌కప్ 2022 జరగనుంది. ఈ నేపథ్యంలో.. అశ్విన్ స్థానంలో చాహల్ లేదా అక్షర్ పటేల్‌కి టీ20 జట్టులో రెగ్యులర్‌గా అవకాశాలిచ్చి ఆడించాలని శ్రీకాంత్ సూచించాడు. మూడు ఫార్మాట్లలోనూ ఫస్ట్ ఛాయిస్ స్పిన్నర్‌గా రవీంద్ర జడేజా కొనసాగుతుండగా.. రెండో స్పిన్నర్ రేసులో తనకి తెలిసినంత వరకూ చాహల్, అక్షర్ పటేల్ మాత్రమే ఉన్నారని కూడా ఈ మాజీ క్రికెటర్ చెప్పుకొచ్చారు. కానీ.. ఇప్పుడు అనూహ్యంగా అశ్విన్‌ని మళ్లీ టీ20 జట్టులోకి ఎంపిక చేసి.. తికమకకి గురిచేస్తున్నారని శ్రీకాంత్ మండిపడ్డాడు.

‘‘ఇటీవల ఇంగ్లాండ్‌తో ముగిసిన టీ20 సిరీస్‌లో అశ్విన్‌ని ఎందుకు ఆడించలేదు..? ఇప్పుడు ఎందుకు వెస్టిండీస్‌తో టీ20 సిరీస్‌కి సడన్‌గా ఎందుకు ఎంపిక చేశారు? నాకు తికమకగా ఉంది. ఎందుకంటే.. టీమ్ ఫస్ట్ ఛాయిస్ స్పిన్నర్ రవీంద్ర జడేజా. సెకండ్ స్పిన్నర్ రేసులో చాహల్, అక్షర్ పటేల్, అశ్విన్ లేదా మరో రిజర్వ్ స్పిన్నర్ ఉన్నాడు. ఈ నలుగురిలో కేవలం ఇద్దరు మాత్రమే ఆడే అవకాశం ఉంటుంది. కానీ.. అందులో అశ్విన్ ఉండదు. ఎందుకంటే.. అతనికి ఆల్‌రౌండర్ సామర్థ్యం లేదు కాబట్టి. చివరిగా నా సూచన ఏంటంటే జడేజాకి జోడీగా చాహల్‌ని తీసుకోవాలి. కారణం.. అతను మణికట్టు స్పిన్నర్ కావడమే’’ అని శ్రీకాంత్ చెప్పుకొచ్చాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button